Útvarpstíðindi - 01.04.1953, Blaðsíða 11
„GABBARim“ I HEIMSOKN
í smábænum Haparanda í Norður-Svíþjóð
bar svo til fyrir ári, að haldin var þar veizla,
en um tilefni hennar er oss ókunnugt. En í
veizlu þessari var m. a. blaðamaður einn, Aden-
by að nafni, og þykir oss eigi ólíklegt, að veizla
þessi hafi verið haldin honum til heiðurs, þótt
vér þorum ekkert um það að fullyrða. Ekki er
oss heldur kunnugt um, hvort vín hefur verið
haft þar um hönd, en til þess, að svo hafi verið,
finnst oss óneitanlega margt benda. Svo mikið
er víst, að gleðskapur þessi komst á það stig,
að sönglist þótti nauðsynleg; en á voru landi
fer sönglist í veizlum mjög eftir rausn í veit-
ingum. Og nú sem söngkraftar munu hafa verið
af skornum skammti meðal veizlugesta, var
sent út á plássið eftir fiskimanni einum, Gösta
Nordgren að nafni. Vildi svo heppilega til, að
ekki mun hafa gefið á sjó þetta kvöld og hinn
músikalski sjósóknari því heima. Er nú ekki
að orðlengja það, að fiskimaðurinn lét til leið-
ast að koma í hófið og tók þegar að raula
vísuna um „Ástir timburfleytarans", sem ku
vera mjög vinsæll söngur í Svíaríki, þegar
þriðja glasið hefur verið tæmt. Og nú skeður
sá atburður, sem kveikt hefur hjá oss þann
grun, að í veizlu þessari hafi ekkert skort á
rausn í veitingum dýrra veiga. Blaðamaður-
inn, sem fyrr er getið, verður nefnilega svo
hrifinn af rauli fiskimannsins, að hann fékk
varla vatni haldið og hét þegar að gera hann
frægan fyrir söngl sitt. Tókst þetta með slíkum
ágætum, að sagt er að enginn sönglari njóti nú
meiri hylli með Svíum en Gösta Nordgren, sem
gengur undir viðurnefninu „Snoddas", en það
útleggst gabbarinn. Er sagt, að „Snoddas" þessi
hafi hlotið þetta viðurnefni sökum leikni sinnar
í að gabba keppinauta sína í ís-knattleik. Virð-
ist slíkt þó öllu minni ástæða til nafngiftar-
innar en sú, er síðar átti eftir að koma á dag-
inn; en nú hefur hann, að sögn, gabbað annan
hvern Svía með rauli sínu og hlotið að launum
mikið fé og enn meiri frama.
Nú hafa þau tíðindi gerzt, að oss, Reykvík-
ingum, hefur gefizt kostur á að sjá og heyra
þennan Norðurlandafræga „Snoddas", en hvor-
ugt hefur vakið hjá oss þá hrifningu, sem eftir-
ÚTVARPSTÍÐINDI
11