Prentarinn - 10.09.1929, Blaðsíða 4

PRENTARINN
barst fulltrúafundinum kauptilboö á húseign. Fund-
urinn sá sér ekki fært að gera neitt í því máli
að svo stöddu, enda voru fulltrúarnir ekki ein-
huga í málinu. Málinu hefir þó verið haldið vak-
andi síðan og hefir því stöðugt aukist fylgi. Á
fundi í félaginu 9. sept. síðastl. var það enn á
ný tekið til meðferðar og stjórninni falið að leita
tilboða á húsakaupum fyrir félagið. Þá er því
máli verður hrundið í framkvæmd, má fyrst segja,
að félagið sé fyrir alvöru búið að koma fótum
undir félagsskap sinn. J. Þ.
HLUTAVELTUR.
Fyrir nokkrum árum síðan var það altítt, að
ýms félög hér í bænum héldu hlutaveltur til ágóða
fyrir félagsstarfsemi sína, oft og tíðum með ágæt-
um árangri. A síðustu árum hafa ekki fengist
leyfi til að afla tekna á þennan hátt. En eftir síð-
ustu stjórnarskifti var aftur breytt í fyrra horf. —
I sambandi við þetta vil ég minna á það, að
sjúkrasjóðurinn hefir orðið fyrir talsverðum tekju-
halla á síðustu árum. Væri nú ekki úr vegi að
fara á stúfuna og reyna að fylla aftur það skarð,
sem orðið hefir á honum, með því að fá leyfi til
að halda hlutaveltu til ágóða fyrir hann. Fyrir
aðra starfsemi félagslífsins mun það tæplega fást.
Vil ég nú beina því til stjórnar félagsins, hvort
hún sjái sér ekki fært að reyna að koma á hluta-
veltu, nú þegar í haust, til tekná fyrir sjúkra-
samlagið. J. Þ.
NVJA PRENTSMIÐJU hefir Herbert Sig-
mundsson, sem áður var forstöðumaður ísafoldar-
prentsmiðju, selt á stofn í húseign sinni í Banka-
stræti. Handsetjari hjá honum er Sveinbjörn Odds-
son, vélsetjari Þórður Bjarnason og vélamaður
Quðjón O. Quðjónsson. Unnu þeir allir áður í
ísafoldarprentsmiðju.
FORSTÖÐUMAÐUR ÍSAFOLDARPRENT-
SMIÐJU er orðinn Qunnar Einarsson, sem áður
var verkstjóri í sömu prentsmiðju.
75 ARA varð Sigurður Kristjánsson, fyrsti
heiðursfélagi Prentarafélagsins, 23. sept. þessa árs.
Árnar Prentarinn honum allra heilla.
SUMARBÚSTAÐUR PRENTARA.
Um þetta mál ritaði J. Þ. góða grein í Prent-
arann, 1.—2. blað 1926. Hann sýndi þar fram á
nauðsyn þess, að Prentarafélagið ætti sumarbú-
stað á einhverjum fögrum og hentugum stað, þar
sem nokkrar af fjölskyldum félagsmanna gæfu
verið dálítinn tíma á hverju sumri og prentarar
sjálfir dvalið í sumarleyfi sínu, ef þeir vildu. Hann
vænti þess, að menn létu í ljós álit sitt á málinu
í þessu blaði, en ég man ekki til að nein rödd
hafi heyrst um það. Ég tel þó rétt að halda mál-
inu vakandi og láta það ekki falla í gleymsku, og
til þess eru línur þessar ritaðar.
Víst má með sanni segja, að félagið hafi í mörg
horn að líta með fjárframlög til framkvæmda
annara mála, sem nauðsynlegri séu og nær standi
stéttinni en sumarbústaðarbygging. En samt sem
áður er ég viss um það, að ekki muni líða margir
áratugir, þangað til félagið snýr sér að þessu máli
og hrindir því í framkvæmd, þegar öðrum málum,
sem nær liggja, hefir verið komið vel á veg.
Sumarið 1927 ferðaðist ég í sumarleyfinu ásamt
einum starfsbróður mínum, Halldóri Kr. Vilhjálms-
syni, upp í Skorradal. Fórum við yfir Esjuna um
Svínaskarð og svo sem leið liggur yfir Kjós og
inn í Botnsdal. Gistum við á Litla-Botni. Daginn
eftir fórum við að skoða okkur um milli þeirra
tveggja bæja, sem í dalnum eru. Þar sáum við
hið fegursta sumarbústaðarstæði, sem við höfðum
nokkurn tíma séð. Það var sunnan undir hæð og
var slétta næst henni, en svo alt í kringum slétt-
una mannhæðarhá tré í fögrum röðum. Höfðum
við orð á því, að gaman væri að eiga laglegan
sumarbústað þarna. Væri ekki úr vegi, að hafa
þann stað í huga, ef einhvern tíma kæmi að því,
að félagið færi að hugsa um að koma sér upp
sumarbústað. Þó að staðurinn sé nokkuð langt
frá bænum, verður það ekki frágangssök, þegar
vegum fjölgar og samgöngur verða greiðari.
A. S.
NV STAFSETNING. Kenslumálaráðherra hefir
auglýst í Lögbirtingablaðinu, að ný stafsetning ís-
lenzkrar tungu gangi í gildi 1. okt. n. k.
Ritnefnd:
Aðalbjörn Stefánsson, Jón H. Guðmundsson, Jón Þórðarson.
Prentsmiðjan Gutenberg.