Morgunblaðið - 16.03.2009, Síða 23

MORGUNBLAÐIÐ MÁNUDAGUR 16. MARS 2009
BÆJARSTJÓRN Hveragerð-
isbæjar hefur ítrekað fjallað um
nauðsyn þess að tvöföldun Suður-
landsvegar verði sett í tafarlausan
forgang. Ráðamenn þjóðarinnar
ákváðu að gefa engan afslátt af um-
ferðaröryggi og flutningsgetu veg-
arins og áttu framkvæmdir við 2+2
veg að vera hafnar. Þar af leiðandi
koma hugmyndir Vegagerðarinnar
um 2+1 veg nú á óvart og er sú
stefnubreyting í andstöðu við
áherslur Hveragerðisbæjar og ann-
arra sunnlenskra sveitarfélaga.
Vegsnið eins og á Reykjanesbraut er
eini raunhæfi kosturinn til framtíðar
litið.
Það er afar brýnt að setja sem
fyrst í gang framkvæmdir við tvö-
földun Suðurlandsvegar. Í því skyni
bendir bæjarstjórn á að fram-
kvæmdir geta hafist nú þegar við
tvöföldun frá Hólmsá til Hveragerð-
isbæjar enda er skipulagsvinnu á því
svæði lokið.
Í ljósi þeirra sérstöku aðstæðna
sem nú ríkja í íslensku þjóðfélagi tel-
ur bæjarstjórn að skoða megi hvort
ekki sé rétt að fresta framkvæmdum
við mislæg gatnamót þar til betur
árar en þess gætt að ekki verði gef-
inn neinn afsláttur af öryggi og
flutningsgetu á Suðurlandsvegi.
Tvöföldun er ófrávíkjanlegt for-
gangsmál.
ALDÍS HAFSTEINSDÓTTIR,
ELLEN ÝR AÐALSTEINSD.,
EYÞÓR H. ÓLAFSSON,
GUÐM. ÞÓR GUÐJÓNSSON,
HERDÍS ÞÓRÐARDÓTTIR,
RÓBERT HLÖÐVERSSON,
UNNUR ÞORMÓÐSDÓTTIR
Tvöföldun Suðurlands-
vegar er forgangsmál
Frá bæjarfulltrúum
Hveragerðisbæjar
Í GRÍMSEY er gott fólk og gott
mannlíf. Þar búa í dag 93 ein-
staklingar með skráð lögheimili.
Nú er þessu
góða fólki vandi
á höndum, þar
sem fyrir alþingi
liggur frumvarp
sem kveður á um
að ekkert sveit-
arfélag skuli
ekki vera minna
en 1.000 íbúar.
Hvað verður
nú, spyrja Grímseyingar. Verður
okkur ráðstafað til annars sveitar-
félags og þá hvaða sveitarfélags?
Það er ekki góð tilfinning að vera
ráðstafað og láta flytja heimavöll-
inn í annað hérað.
Grímseyingar hafa hugleitt
þetta og komist að þeirri nið-
urstöðu að vilja sameinast Ak-
ureyri. Tengslin við Akureyri hafa
alla tíð verið mikil. Þangað hafa
ungmennin í Grímsey sótt sitt nám
og margir Grímseyingar hafa átt
þar sitt annað heimili.
Flugsamgöngur tengjast Akur-
eyri og í áratugi sigldi Drangur
milli Akureyrar og Grímseyjar.
Grímseyingar hafa líka átt góða
samskipti við önnur sveitarfélög
við Eyjafjörð. Tengslin hafa engu
að síður verið mest við Akureyri
og þangað er horft í dag.
En til þess að þetta megi verða
að veruleika, þurfa Akureyringar
og Grímseyingar að greiða at-
kvæði um sameiningu. Ég veit um
hug Grímseyinga og margra Ak-
ureyringa. En til þess að þetta
megi fram ganga, þurfa Akureyr-
ingar að mæta á kjörstað og
greiða sitt atkvæði með samein-
ingunni.
Það er góð reynsla af samein-
ingu Akureyrar og Hríseyjar. Nú
hvet ég góða Akureyringa til að
muna eftir útvörðum okkar í
norðri.
Sveitarsjóður í Grímsey stendur
vel, þrátt fyrir áföll. Íbúar eru
skilvísir og innheimta er góð.
Miklum framkvæmdum í Grímsey
er lokið eða eru á lokastigi. Höfnin
hefur verið stækkuð og end-
urbyggð og sundlaugin fullbúin.
Þá er félagsheimili og skóla vel við
haldið. Bundið slitlag er komið á
helstu götur og flugvöllur eins og
best verður á kosið.
Sameining við Akureyri á því
ekki að vera baggi á bæjarsjóði
Akureyrar. Grímseyingar verða að
sameinast öðru sveitarfélagi vegna
lagabreytinga og vilja sameiningu
við Akureyri vegna tengsla og
góðra samskipta. Grímseyingar
munu allir mæta á kjörstað og nú
hvet ég Akureyringa að gera slíkt
hið sama og veita því góða fólki
sem býr í Grímsey þann stuðning
sem það óskar eftir.
PÁLMI MATTHÍASSON,
fyrrum sóknarprestur
Grímseyinga.
Grímsey, perlan í norðri
Frá Pálma Matthíassyni
Pálmi Matthíasson
MARGIR horfðu til himins þetta
kvöld. Depurðin alltumlykjandi, vik-
an ein sú versta og þýddi ekkert að
horfa til himins, þar var bara snjó-
mugga og dimm ský. Allan daginn
höfðu dunið á okkur fréttir af gjald-
þroti íslensku þjóðarinnar. Fyrir
vikið vorum við öll orðin gjaldþrota,
andlega að minnsta kosti. Snjó-
mugga og kalt en þó föstudagur, gat
verið verra, fyrirhugað stefnumót
við Fúlar á móti hjá Leikfélagi Ak-
ureyrar. Veik von um að gleyma
streðinu eitt andartak, fá frið.
Klukkustund síðar blásið til hlés,
menn kinkuðu nú kolli, brostu jafn-
vel, skáluðu, frasar eins og „þetta
reddast“ fóru að heyrast, „helvíti
skemmtileg sýning“, heyrðist líka,
aftur tíndumst við frú Arndís inn á
fremsta bekkinn, út við enda hægra
megin.
Sýning hófst aftur, allt gekk upp.
Konur hlógu að konum, karlar hlóu
að konum. Í þetta skipti mátti maður
það! Fúlar á móti rúluðu á móti. Rúl-
uðu á móti depurðinni, svartsýninni,
vonleysinu og mikil ósköp sem það
var gott að hlæja, en þetta var ekki
bara grín, þarna voru líka punktar
sem hjálpa til við að skilja það guðs-
ríki sem við köllum konur. Karlar
elska konur – og skilja þær betur en
ella eftir þessa rússíbanareið um
breytingaskeiðið í boði Leikfélags
Akureyrar.
Sýningu lauk, salurinn á fætur og
lamdi saman lúkunum sem aldrei
fyrr. Allir glaðir. Nema kannski einn
eða tveir gagnrýnendur. Það verður
að hafa það.
Þessi sýning gerði kreppuna að
hundasúru sem maður stakk upp í
sig, tuggði og kyngdi glottandi.
Takk fyrir mig.
BJÖRN JÓNAS
ÞORLÁKSSON,
rithöfundur og fréttamaður
á Stöð 2.
Fúlar rúla feitt!
Frá Birni Þorlákssyni