Morgunblaðið - 05.06.2009, Blaðsíða 1

Eftir Ingvar Örn Ingvarsson
ingvarorn@mbl.is
Álaugardaginn hefst önnur umferð Ís-landsmeistaramótsins í drifti á aksturs-íþróttasvæði Akstursíþróttafélags Hafn-arfjarðar við Krísuvíkurveg í
Hafnarfirði, en drift hefur verulega sótt í sig veðrið
síðan árið 2006 þegar fyrsti vísirinn að drift-keppni
var haldin. Íþróttin hefur notið gríðarlegra vin-
sælda í Bandaríkjunum og Japan en hefur á síð-
ustu árum verið að hasla sér völl á meginlandi Evr-
ópu.
Að halda skriði
Drift snýst um að aka á malbiksbraut og ná bíln-
um í langt hliðarskrið og gildir þá að halda skriðinu
sem lengst og ná sem bestu flæði í gegnum braut-
ina, að sjálfsögðu sem mest á hlið.
Ólíkt flestum öðrum akstursíþróttum er ekki
keppt við klukkuna heldur eru það tilþrifin sem
mestu máli skipta og er þá tekið tillit til nálægðar
við kanta, hraða og hve flæðið er gott. Drift hentar
því mjög mörgum og eðli málsins samkvæmt er
drift þess vegna talin hin fínasta skemmtun fyrir
áhorfendur sem og keppendur enda getur fjörið og
kappið verið æði mikið.
Góð þátttaka
Ingimar Róbertsson, stjórnarmaður hjá nýstofn-
aðri drift-deild AÍH, segir að í sumar verði haldnar
fimm til sex keppnir til Íslandsmeistaratitils.
„Drift-deild AÍH stendur fyrir þessu en AÍH heyr-
ir undir Íþróttasamband Íslands. Þetta er í fyrsta
skipti sem haldið er Íslandsmeistaramót í drifti en
áður hafa verið haldnar stakar keppnir á vegum
annarra,“ segir Ingimar. „Keppnisdagatalið er að
finna á www.drift.is og hefur þátttaka verið nokkuð
góð. Þátttökugjald í keppninni er fimm þúsund
krónur og verða bílar að vera skoðaðir og með allan
öryggisbúnað í lagi. Einnig er gerð krafa um að
keppendur aki með viðurkennda hjálma.“
Fyrsti bíll verður ræstur út kl. 13 á laugardaginn
og aðgangseyrir er 500 krónur. Það er keppt í
tveimur umferðum og fá áhorfendur að kíkja í pitt-
inn á milli umferða og blanda geði við keppendur
og skoða bílana. Búast má við fjölda manns þar
sem allt að 300 manns hafa mætt á brautina hingað
til og að auki er spáð blíðskaparveðri á laugardag-
inn, sól og logni.
Önnur umferð Íslands-
meistaramótsins í drifti
Morgunblaðið/Sæmundur Eric Erlendsson
Áberandi Það er mikið sjónarspil þegar spólað er á drift keppni, sérstaklega þegar dekkin eru með rauðu litarefni og myndefnið því í fánalitunum.
TENGLAR
...............................................................
www.drift.is
FÖSTUDAGUR 5. JÚNÍ 2009
bílar
Margir hæfir ökumenn hafa látið lífið í hættuleg-
asta kafla Spa Francorchamps brautarinnar 2
Vandað til verka Stundum er betra
að láta fagmennina um verkið, sér-
staklega ef ekki er vandað til þess.
Hjólin losn-
uðu undan á
hraðbrautinni
HVAÐ skyldi mönnum detta einna
síst í hug að komi fyrir á góðri ferð
eftir rennisléttri hraðbraut? Lík-
lega allra síst að eitt hjól eða fleiri
losni undan. Hvað þá að þau detti
skyndilega öll af bílnum!
Einmitt það fékk svissneskur
ökumaður og farþegar hans að
reyna síðastliðinn laugardag við St.
Gallen í austurhluta Sviss. Engan í
bílnum sakaði og aðrir vegfarendur
urðu fyrir litlu ónæði af þessum
völdum og engum skemmdum.
Í ljós kom að ökumaðurinn hafði
nýverið skipt af snjódekkjum yfir á
sumardekk. Átti hann sinn um-
ganginn af hvorum á sínum felgum.
En honum láðist að nota réttar rær
til að festa felgurnar með sumar-
dekkjunum undir bílinn. Það er
ástæða þess að hjólin losnuðu und-
an bílnum. Já, það er lítið gagn að
röngum róm.
Mikið að gera Franskur faðir tók á
móti barni sínu um leið og hann ók
á 130 km hraða á spítalann.
Ók bíl og að-
stoðaði um leið
við fæðingu
ÞAÐ fer víst ekki saman að stjórna
bíl á 130 kílómetra hraða og stunda
samtímis fæðingarhjálp. Þetta upp-
lifði þó franskur karlmaður um síð-
ustu helgi en þegar fæðingarhríðir
sögðu til sín hjá eiginkonu manns-
ins lagði hann þegar af stað með
konuna til sjúkrahúss í suðvestur-
hluta Frakklands.
Barninu lá á því þegar enn var
eftir nokkur spölur sá maðurinn að
höfuð barnsins og herðar voru
komnar út og ákvað hann að hjálpa
við fæðinguna þótt á ferð væri.
„Ég hélt með vinstri hendi um
stýrið og greip um handlegg barns-
ins með hinni. Það kom greiðlega út
og ég lagði það upp á kvið konu
minnar. Ég lagði svo bílnum á
vegaröxl, hringdi á lögregluna og
bað um aðstoð. Hún sleppti mér við
sekt,“ sagði maðurinn.