Morgunblaðið - 17.09.2009, Side 1

FIMMTUDAGUR 17. SEPTEMBER 2009
Formaður Erna er nú í
120% vinnu 8
Viðskipti
mbl.is
ÁKVÖRÐUN
skiptastjóra
þrotabús Baugs
að rifta samningi
vegna sölu á
Högum til félags-
ins 1998 ehf. í júlí
á síðasta ári
beinist fyrst og
fremst að Nýja
Kaupþingi, að
sögn Erlends Gíslasonar, annars
tveggja skiptastjóra þrotabúsins.
Ekki er um að ræða leiðréttingu
á kaupverði, sem þýðir að skipta-
stjórar þrotabúsins telja að ekki
séu ástæður til, miðað við þær for-
sendur sem liggi fyrir á þessu stigi,
að hnekkja verðlagningu á Högum
upp á 30 milljarða króna í júlí á síð-
asta ári. Skiptastjórarnir telja að
öðrum kröfuhöfum Baugs Group
hafi verið mismunað þegar kaup-
verðinu á Högum var ráðstafað, en
það fór í að greiða niður annars
vegar 25 milljarða skuld Baugs og
tengdra aðila við Kaupþing og hins
vegar 5 milljarða veðkröfu við
Glitni. „Kaupverðið hefði átt að
standa til fullnustu annarra krafna
einnig,“ segir Erlendur.
Samkvæmt heimildum blaðsins
munu kröfur þrotabúsins á hendur
Nýja Kaupþingi nema 25 millj-
örðum króna. „Við erum ekki að
gera kröfu um að fá Haga afhenta,
enda snýr krafan að greiðslu pen-
inga,“ segir Erlendur. Riftunin
snýr einnig að nokkrum fyrrver-
andi hluthöfum Baugs, fyrirtækjum
sem eru í eigu Jóns Ásgeirs Jóhann-
essonar og tengdra aðila. Meðal
annars er um að ræða Gaum, móð-
urfélag 1998 ehf., en þrotabúið tel-
ur sig eiga samtals fimm milljarða
króna kröfu á hendur því og ótil-
greindar fjárhæðir á hendur öðr-
um. „Hluthafar Baugs Group og
Kaupþing banki nutu góðs af söl-
unni á Högum,“ segir hann. Að
sögn Erlends er fyrirséð að stefna
þurfi þessum aðilum ef ekki næst
sátt um greiðslu. thorbjorn@mbl.is
Erlendur Gíslason
Þrotabú
Baugs með
kröfu á
Kaupþing
Eftir Björgvin Guðmundsson
bjorgvin@mbl.is
SVAVA Johansen, eigandi verslun-
arfyrirtækisins NTC, segir rekstur-
inn hafa gengið vel á síðasta ári.
Skuldir félagsins hafi eðlilega aukist
við fall krónunnar eins og hjá mörg-
um íslenskum fyrirtækjum. Hins
vegar geti reksturinn staðið undir
afborgunum og verið sé að semja við
Landsbankann um fjármögnun og
greiðsluþol NTC. Hún sé ekki að
fara í neitt kennitöluflakk.
NTC, sem meðal annars rekur
Sautján-verslanirnar, Evu og Retro,
skuldaði um síðustu áramót milljarð
króna í erlendri mynt, mest í jenum
og svissneskum frönkum, sam-
kvæmt ársskýrslu. Þar kemur jafn-
framt fram að félagið þarf að greiða
489 milljónir króna í afborganir af
langtímaskuldum á þessu ári og 624
milljónir á því næsta.
Samkvæmt upplýsingum frá NTC
getur félagið staðið undir þessum
greiðslum með því að draga á lána-
línu sem er endurnýjuð á sex mán-
aða fresti. Svava segir sjálf að ekki
þurfi að greiða svo háa upphæð á
þessu ári. Hún leggur áherslu á að
reksturinn skili hagnaði og unnið sé
að fjármögnun fyrirtækisins í sam-
starfi við Landsbankann án þess að
nokkur kostnaður lendi á öðrum.
Tap á rekstri NTC árið 2008 nam
434 milljónum króna. Eigið fé, sem
var jákvætt um 215 milljónir í árslok
2007, var neikvætt um 319 milljónir
um síðustu áramót.
Meginskýringin á taprekstrinum
liggur ekki í sjálfum rekstrinum
heldur hafa fjármagnsgjöld hækkað
gríðarlega milli ára vegna falls krón-
unnar. Nema fjármagnsgjöld um 705
milljónum króna 2008 en voru 58
milljónir 2007. Sjálfur reksturinn
skilar 164 milljónum fyrir fjár-
magnsgjöld.
„NTC á ekki í neinum erfiðleikum
með reksturinn og hann stendur
undir sér. Það eru öll fyrirtæki í dag
að berjast í þessu árferði,“ segir
Björn K. Sveinbjörnsson, fram-
kvæmdastjóri NTC.
Arðgreiðslur úr félaginu síðastlið-
in tvö ár nema 150 milljónum króna.
Ákveðið var að greiða engan arð í ár.
Í ársskýrslunni kemur fram að all-
ar greiðslukortagreiðslur félagsins
séu veðsettar til tryggingar skuld-
um.
NTC er mesta tískuveldi landsins
og rekur fjölmargar verslanir; við
Laugaveginn, í Kringlunni og
Smáralind.
Háar skuldir
tískuveldis
Svava Johansen segir rekstur ganga vel
Morgunblaðið/Árni Sæberg
Tískuvörur Rekstur búða undir NTC hefur gengið vel. Styrkist krónan aft-
ur lækkar skuldastaða NTC sem hefur jákvæð áhrif á eigið fé félagsins.
LYKILORÐIÐ ER
SVEIGJANLEIKI!
Momentum greiðslu- og innheimtuþjónusta ehf. | Suðurlandsbraut 18, 108 Rvk. | Sími: 510 7700 | momentum@momentum.is
Milliinnheimta sem er kröfuhafa að kostnaðarlausu
Kynntu þér innheimtuaðferðir okkar á momentum.is
A
R
G
U
S
0
8
-0
1
7
4
Hvort sem það snýr að innheimtuferlinu eða greiðslum
viðskipti