Norðurland - 19.04.1979, Síða 7
Félagsmiðstöð
í Lundarskóla
Nýverið var opnuð á vegum æsku-
lýðsráðs, félagsmiðstöð í kjallara •
Lundarskóla. Er það liður í þeirri
viðleitni að flytja félagsstarf út í
hin ýmsu hverfi bæjarins.
Fyrir var aðstaða íþrótta-
félagsins Þórs í Glerárhverfi og
KA norðan við Lundarskólann.
I kjallaranum fær KA svo
félagsherbergi og Skátar fá
annað. Auk þess verður þarna
salur sem ætlaður er til
almennrar félagsstarfsemi, ss.
fyrir opið hús eða námskeiða-
hald. Hvað annars verður gert
þar veltur mikið á áhuga og vilja
íbúanna í Lundahverfínu. Ekki
er að efa að mikil þörf er fyrir
aðstöðu sem þessa í hverfinu og
því veltur á miklu að gott
samstarf takist milli þeirra sem
starfsemi reka í skólanum og
íbúa hverfisins.
Heillaóskir til
íslensku
þjóðkirkjunnar
Ég vil óska íslensku þjóðkirkj-
unni til hamingju með hennar
unga og efnilega áróðursmann,
Sigmund Rúnarsson (Norðurland
29.3.1979) Pistill hans „Tæplega
trúfrelsi“ er einhver snjallasta
skopstæling á áróðri gegn kirkju
og kristindómi sem prentast
hefur.
Þarna eru t.d. samankomnir
ýmsir merkingarlausustu fras-
arnir gegn kirkjunni sem svo-
kallaðir „skynsemistrúarmenn"
- andleg afurð kapitalismans í
Evrópu- hafa étið hver upp eftir
öðrum (eins og ákv. útlendur
fugl) síðustu 100-200 árin, (aðal-
lega á 19. öldinni) - og auðvitað
settir fram - svo sem skopstæl-
enda er siður - á mátulega
fábjánalegan hátt, til að undir-
strika grínið.
Sigmundur Rúnarsson er
mjög efnilegur og snjall. Helst
er að háðfuglar gamla Spegilsins
jafnist á við hann, þegar þeir
voru upp á sitt besta. Jafnvel
Skaði og Feilan í „Notað og
Nýtt“ ná honum trauðla. Allter
nú þetta gott og blessað.
Hitt finnst reyndar tilfyndn-
um mönnum merkilegt, að
Norðurland - þótt það sé auð-
vitað frjálslynt blað - skuli
skyndilega gerast áróðursblað
fyrir kirkjuna. Ýmislegt kemurí
hugann. T.d. að þjóðkirkjan
hafði gert samning við Norður-
land um vikulega áróðurspistla,
og tæki svo að sínu leyti þátt í
útgáfukostnaði blaðsins. Væri
náttúrulega ekki nema allt gott
um það að ségja. Óskandi væri,
að sem flestar menningarstofn-
anir þjóðarinnar tækju þátt í
útgáfukostnaði Norðurlands;
því ekki veitir af að styrkja
góðan málstað.
Gleðilegt sumar.
Húsavík 4, apríl 1979
Jóhannes Straumland.
Leikfélag
Akureyrar
Sjálfstætt fólk
eftir
HALLDÓR LAXNESS
Leikgerð og leikstjórn:
Baldvin Halldórsson.
Sýning sunnudag kl. 20.30.
Aðgöngumiðasala opin dag-
lega frá 17.00-19.00 og til
kl. 20.30 sýningardagana.
Sími 24073.
L. A.
PISTILL
VIKUNNAR
Kristjans
Er heimurinn
frelsaður?
Er heimurinn frelsaður?
Undanfarna daga hafa farið fram mikil hátíðarhöld í
tilefni þess að talið er að Kristur hafi frelsað heiminn
með því að líða píslardauða á krossi, og síðan rísa upp
frá dauðum. Líf eins meiri háttar umbótamanns er að
vísu alltaf dýrmætt, en píslardauði eins einasta manns
hefði þó naumast verið of stórkostleg fórn, ef hún hefði
nægt til að frelsa alla veröldina um aldur og ævi. En
brennandi átrúnaður og fróm óskhyggja eru til lítils
þegar hvort tveggja er í órafjarlægð frá raunveruleikan-
um.
Síðan á Krists dögum hafa þúsundir milljóna manna
fórnað lífi sínu, með ýmsu móti, f þeim tilgangi að frelsa
heiminn, en þrátt fyrir það er hann enn þann dag í dag
jafnlangt frá frelsinu og hann var á þeim degi þegar
tímatal okkar hófst. Hernaðarveldi og stríðsböl ræður
enn ríkjum og hefur að líkindum aldrei verið eins
háskalegt jarðneskri tilveru og nú um þessar mundir.
Okkar þjóð kemur vitanlega einnig við sögu í þessum
efnum. A söguöid og sturlungaöld bjó þjóðin við yfirráð
og ofbeldi hernaðarlegra illvirkja, og eftir þá tíð gerðu
jafnvel erlendir stríðshundar innrás á íslenskt land með
morðum og illvirkjum.
Síðan tók smátt og smátt að rofa til og hérlendis tóku
að ríkja hættir siðaðra manna, engir báru vopn né
beittu þeim til ofbeldis og manndrápa.
Að þessu leyti vorum við frelsuð þjóð, sem hefði mátt
vera öðrum þjóðum og stórveldum til fyrirmyndar. Trú á
hernað og ofbeldi var þjóðinni svo fjarlæg sem mest
mátti verða. En aðfaranótt 10. maí, 1940 steig breskur
her á land og tók það hernámi, og þar með þjóðina
einnig.
Þessar aðfarir voru svo rækilega í andstöðu við
heilbrigða réttlætiskennd og skynsemi þjóðarinnar, að
ekki enn einasti íslendingur mælti með þeim bót. Hér
var þó að ræða um tiltölulega velviljaða þjóð, sem stóð í
styrjöld við þýska nasistaillþýðið. Forystumenn þjóðar-
innar lögðu ríka áherslu á að hernámið mætti alls ekki
vara nema aðeins um stundarsakir, og að því yrði aldrei
unað til lengdar. Og ekki fannst einn einasti maður, sem
vildi taka að sér það hlutverk, sem norskir kvislingar
unnu að í Noregi.
En fljótlega tók að siga á ógæfuhliðina. Það kom brátt
í Ijós að það var hægt að hagnast á hersetunni og hjörtu
þeirra, sem áttu buddunnar lífæð innanrifja, tóku að slá
ört í takt við stríðsauðvaldið.
Valdamenn stærstu stjórnmálaflokkannafóru aðgera
sér Ijóst að það gat verið býsna hagkvæmt og þægilegt
að gerast feitir þrælar.
Þeir fóru smátt og smátt að éta ofan í sig flest það, sem
þeir höfðu sagt af heilbrigðum metnaði og sannri
þjóðerniskennd. Sá þáttur í stjórnmálasögu þeirra er
með afbrigðum ófagur og langdreginn. Og þeir héldu
áfram að linast og bogna í háls og hnjáliðum, þar til þeir í
vesalmannlegri auðmýkt skriðu að fótum bandarískra
hernaðarforingja og báðu þá allramildilegast að
hernema fsland, og helst um aldur og ævi.
Það þarf vissulega langt að leita til að finna
ógæfusamlegri, lágkúrulegri og ómanneskjulegri feril
en slóð þeirra stjórnmálamanna, sem leitt hafa
núverandi hernám yffir íslenska þjóð, og mun þeirra
skömm lengi uppi.
Og áhrifin af verknaði þeirra fóru fljótt að koma í Ijós.
Það komu fram menn, sem voru fúsir til að njósna um
landa sína fyrir erlendan her og veita honum allar þær
upplýsingar, sem mættu best koma.
Aðrir gengu fyrir hvers manns dyr og báðu menn að
panta hersetu.
Og aörir hafa gengið rækilega fram í því að halda
bandarískum stríðsáróðri og siðferðilegri ómenningu
þeirrar þjóðar að okkur íslendingum.
Við erum ekki orðin sú þjóð, sem aðrar mættu taka til
fyrirmyndar.
Við erum ekki frelsuð frá ofbeldi hernaðarins, og að
mati annarra þjóða er ísland fyrst og fremst herstöð,
sem á að njóta þeirra forréttinda að verða eitt fyrsta
skotmarkið í næstu heimsstyrjöld.
Þessa dagana vorum við minnt rækilega á þessar
staðreyndir, þegar bandaríski varaforsetinn Walter
Mondale birtist á sjónvarpsskerminum, státinn og
borubrattur eftir „gagnlegar" viðræður við íslenska
ráðamenn.
Honum til beggja handa stóðu íslenski forsætisráð-
herrann og utanríkisráðherrann. Yfir þeim var furðu lítil
reisn og það var rétt eins og þeim liði líkt og snáðum,
sem staðnir eru að prakkarastriki.
Og þeir voru sagnafáir. Það hefði þó ekki farið illa á
því aðlforsætisráðherrann hefði rifjað upp ummæli
annars ráðherra, sem forðum daga talaði af reisn og
sagði, að aldrei kæmi til mála að við islendingar færum
að gefa bandaríkjamönnum hluta af okkar landi, til að
gera að hluta úrsínu landi. Utanríkisráðherra hefði aftur
á móti mátt minna á ummæli flokksbróður síns, sem
sagði svo spaklega, að öruggasta ráðið til að vernda
frelsi þjóðarinnar, væri að fórna því.
Hvers vegna ekki að hælast um vegna þess að því ráði
var fyigt?
Frá póst og símastöðinni
Akureyri
Innheimta landssímans hefur verið flutt og verður
framvegis á bréfapóststofunni (opin 9-17).
Símanotendur eru vinsamlega beðnir að framvísa
gíróseðlum, er þeir greiða gjöld sín, þar sem það
flýtir mjög fyrir allri afgreiðslu.
Reikningum til innheimtu á póst og síma, óskast skil-
að á skrifstofuna á 2. hæð, í síðasta lagi á
þriðjudögum og verða þeir greiddir næsta föstudag.
Skrifstofa pósts og síma á 2. hæð póst og símahúss,
Hafnarstræti 102, verður opin 9-16 frá 23. apríl.
STÖÐVARSTJÓRI.
Félagsfundur
Félag verslunar- og skrifstofufólks á Akureyri og
nágrenni heldur almennan félagsfund að Hótel KEA
föstudaginn 20. apríl kl. 20.30.
FUNDAREFNI:
Ný skipan launaflokka.
Óskum eftir framboðslistum til stjórnar- og fulltrúa-
ráðskjörs. Meðmæli skulu fylgja hverjum lista,
minnst 80 fullgildra félagsmanna.
Listum sé skilað eigi síðar en kl. 18.00 mánudaginn
23. apríl til skrifstofu félagsins að Brekkugötu 4.
STJÓRNIN.
Höfum fyrirliggjandi
mikið úrval af
PHILCO, PHILIPS og
HUSQVARNA heimilistækjum
NORÐURLAND - 7