Norðurland - 04.10.1979, Side 4
NORÐURLAND
NORÐLENSKT VIKUBLAÐ
Ritnefnd: Böövar Guömundsson, Erlingur Siguröarson,
Helgi Guömundsson, Sofffa Guömundsdótfir, Tryggvi Jakobsson
Ritstjóri: Jón Guöni Kristjánsson (ábm.).
Framkvæmdastjóri: Loftur H. Jónsson.
Ritstjórn og afgreiðsla: Eiösvallagötu 18, simi 21875.
Póstfang: Box 492, 602 Akureyri.
Offsetprentun: Prentsmiöja Björns Jónssonar.
Gefiö út af kjördæmisráði Alþýöubandalagsins
í Norðurlandskjördæmi eystra.
Enn talar
Göbbels
Sú var tíðin að gustaði frá stóli menntamálaráðherra.
Það var í þann mund sem Gylfi sat á tróni. Síðan tók við
atkvæðalaus friðaröld Magnúsar Torfa, - enn eru menn
að reyna að finna út hvort hann gerði yfirleitt nokkuð
sem ráðherra. Allir muna Vilhjálm á Brekku, hann
gerði sér lítið fyrir og setti nafna sinn þrístökkvarann í
stöðu skólastjóra fjölbrautaskólans nýja á Egils-
stöðum, - mikill er kraftur nafns og ættar.
Reyndar má það með ólíkindum heita að ráðherra
• niðgangi reglugerðir, þó er það nú svo að eitt er næst-
um því öruggt, að kratar, framsóknarmenn og íhalds-
menn láta flokkslega hagsmuni, ætt og kunningsskap
ávallt ganga fyrir um stöðuveitingar, - ekki hvað síst ef
grunur er um að róttækni sæki á móti. Það að vera rót-
tækur jafngildir sem sagt því að vera annars flokks
manneskja. Sú var tíðin að þeir sóttu saman um skóla-
stjórastöðu unglingaskólans í Reykholti Vilhjálmur
Einarsson og Jón Böðvarsson, sem nú er reyndar skóla-
stjóri fjölbrautaskólans í Keflavík. Jón var yfirlýstur
kommi, herstöðvaandstæðingur, - Gylfi var mennta-
málaráðherra. Þá var Vilhjálmur Einarsson valinn til
starfsins, - Jón Böðvarsson var að vísu með háskóla-
próf og allt, meira að segja reynslu, en Vilhjálmur hafði
þrístökkið og ekki róttæka stjórnmálaskoðun. IUar
tungur sögðu að Gylfi hefði réttlætt embættisveitinguna
án þess að roðna, - enda ekki gjarn á að sýna blygðun
maðurinn sá, - með því, „að það væri að vísu ákvæði
um það ef tveir sæktu um sömu kennarastöðuna og
annar hefði háskólapróf en hinn ekki, - en“ - bætti svo
Gylfi við: „Það eru engin ákvæði til í reglugerð um
menntun skólastjóra.“ 1978 kom svo reglugerð sem
kveður á um menntun þeirra sem sækja um stöðu skóla-
stjóra. Ekki virtist efni hennar velkjast fyrir brjóstinu
á Vilhjálmi Hjálmarssyni þegar hann veitti nafna sínum
Egilsstaðalén. Nú má ekki skilja þessi orð svo að
Vilhjálmur Einarsson sé einhver samnefnari fyrir
ómögulegar stöðuveitingar, síður en svo. Hann hefur
verið farsæll maður í starfl og staðist í hvívetna þær
kröfur sem gerðar verða til góðs stjórnanda skólastarfs.
Hins vegar er von að mörgum detti hann í hug nú þegar
svo fárlegt níð er kveðið um núverandi menntamálaráð-
herra í íhaldspressunni. Og það skrýtna við öll þau ill-
mæli sem Moggi hefur um Ragnar Arnalds er sú stað-
reynd, að ástæðan fyrir reiði Mogga virðist vera sú að
ráðherra hefur í hvívetna haldið sig við reglugerðar-
ákvæði. Hið spillta sjónarmið Gylfa og Vilhjálms á
Brekku er með öðrum orðum ekki fyrir hendi varðandi
skólastjórastöðuna í Grindavík. Von er að íhaldspress-
unni mislíki. Og ekki nóg með það að Mogga og Vísi
svíði það að Hjálmar Árnason skuli hafa bæði reynslu
og tilskylda menntun, - hann er líka kommi, bölvaður.
Sem sagt hann er annars flokks manneskja, eitthvað líkt
og stjórn V orsters í Suður-Afríku heldur fram um svert-
ingja. Það hét ckki gerræðisleg valdbeiting á síðum
Mogga þegar Gylfi veitti Vilhjálmi Reykholt og snið-
gekk Jón Böðvarsson. Þá var viðreisnarstjórn og kalda-
stríðshetjurnar Bjarni Ben og Gylfí tvíeinir á stóli. Þá
var loflegt að sniðganga venjur og reglugerðir af því að
þannig var hægt að útiloka róttækan mann frá enibætti.
Sé hins vegar reglugerðarákvæði haldin og róttækum
manni veitt staðan sökum verðleika þá emjar Moggi. Sá
sem ekki skynjar skyldleikann við málflutning nasista á
dögum Þriðja ríkisins hlýtur að hafa næsta stóran
bjálka í auganu. - B.G.
Sumarvinna og shemr
Það var í maflok sem Norðurland fór í sumarfrí, en komið af stað
aftur og spyr ævinlega frétta úr Hrísey. Það ber vitanlega fyrst að
nefna að blaðið er boðið velkomið til leiks á ný, og raunar, „það
hefur verið spurt eftir því.“
En hvað fréttir úr Hrísey varðar dettur manni auðvitað fyrst í hug
að það sé alls ekkert að frétta, enda eru litlar fréttir sagðar góðar
fréttir. En það fer eins og þegar kunnugir hittast. Þeir tjá hver
öðrum að þeir segi ekki nokkurn skapaðan hlut - en eru svo
óstöðvandi. Sumarið er búið að úthella sínu besta yfir okkur. Samt
eru Hreíseyingar verulega lítið sólbrenndir, og þeir fáu sem skruppu
í sólina suður á Spáni eru farnir að fölna á ný. En þrátt fyrir kalt
sumar voru mönnum gefin ýmis tækifæri.
Þá verður fyrst að leita fanga
hjá Fiskvinnslustöð K.E.A. þar
hefur vantað vinnuafl í allt
sumar og þar af leiðandi mikil
vinna hjá þeim sem hafa á
annað borð verið starfandi. En
nú kann að rætast úr þessum
málum. Fengið hefur verið leyfi
fyrir 12 erlendum konum sem
von er á nú á næstunni. Ætla má
að það verði til nokkurrar til-
breytningar fyrir karlkynsvinnu
aflið á staðnum. Hins vegar eru
störf kvenna mun fábreyttari,
þannig að það verður að teljast
hið mesta svindl að þeim skuli
ekki ætlaður nokkur skammtur
af rómantík líka. En að góðu
gamni slepptu áorkaði þetta of
iitla vinnuafl þó nokkru, eða
sem hér segir á tímabilinu júlí-
ágúst:
Freðfiskur 16.963 kassar
Saltfiskur 60 tonn unninn
Skreið 43 tonn þurrkuð
Fiskimjöl 95 tonn
í framhaldi af þessu má geta að
Snæfellið, sem fiskað hefur vel á
árinu var ekki gert út til veiða í
ágúst. Hvað beinamjölsverk-
smiðjuna áhrærir, þá fer senn
að ljúka uppsetningu á tækjum
sem sjóða feit bein. All mikið
hefur verið flutt af feitum
beinum í Krossanes en með
tilkomu þessara nýju tækja
verður hægt að vinna öll bein
hér heima.
Úr frystihúsinu í Hrísey
Úr Hríseyjarhöfn. Snæfellið er lengst til vinstri.
Aflabrögð
Sem fyrr segir hefur Snæfell
aflað vel á þessu ári. Einn bátur
er gerður út á dragnót og afli er
tregur. Tveir bátar gera út á net
og afli sömuleiðis tregur hjá
þeim. Margar trillur eru gerðar
úr með handfæri og hafa þær
fiskað lélega í sumar. Þær hafa
aðallega sótt út í fjarðarmynnið
t.d. í svonefndan Gjögrahrygg.
Er það tveggja tíma keyrsla og
þar yfir. Þykir sumum færa-
mönnum blóðugt að sjá síðan
stóra báta skara með dragnætur
heima við Hrísey og einnig að
þurfa að flýja færamiðin vegna
ágangs netabáta.'Einstaka færa
manni fókst að hressa allvel
uppá sumarafkonuna með línu-
útgerð sem gafst vel fyrri hluta
sumars.
Myndir og texti: Guðjón
4 - NORÐURLAND