Morgunblaðið - 12.03.2010, Síða 4

4 Íþróttir
MORGUNBLAÐIÐ FÖSTUDAGUR 12. MARS 2010
Breiðablik – Hamar 74:73
Smárinn, úrvalsdeild karla, Iceland Ex-
press-deildin, fimmtudag 11. mars 2010.
Gangur leiksins: 4:4, 6:13,13:13, 15:18,
21:20, 28:24, 31:28, 38:30, 42:34, 49:49,
54:47, 59:53, 61:59, 61:64, 69:67, 74:73.
Stig Breiðabliks: Jonathan Schmidt 22,
Daníel Guðmundsson 17, Jeremy Caldwell,
Aðalsteinn Pálsson 11, Hjalti Friðriksson
7, Þorsteinn Gunnlaugsson 5.
Fráköst: 26 í vörn – 16 í sókn.
Stig Hamars: Marvin Valdimarsson 25,
Andre Dabney 25, Viðar Hafsteinsson 9,
Páll Helgason 6, Svavar Pálsson 4, Hjalti
Þorsteinsson 2, Oddur Ólafsson 2.
Fráköst: 19 í vörn – 8 í sókn.
Villur: Breiðablik 16 – Hamar 18.
Dómarar: Sigmundur Már Herbertsson og
Davíð K. Hreiðarsson - Góðir.
Áhorfendur: 150.
FSu – Tindastóll 73:99
Selfoss, úrvalsdeild karla, Iceland Express
deildin, fimmtudag 11. mars 2010.
Gangur leiksins: 0:2, 8:8, 14:14, 20:29,
22:40, 27:45, 31:48, 38:52, 42:61, 50:68,
54:76, 58:84, 62:91, 73:99.
Stig FSu: Christopher Caird 25, Aleksas
Zimnickas 22, Orri Jónsson 12, Jake Wyatt
5, Kjartan Kárason 5, Sæmundur Valdi-
marsson 3.
Fráköst: 15 í vörn – 16 í sókn.
Stig Tindastóls: Friðrik Hreinsson 25,
Svavar Atli Birgisson 21, Cedric Isom 16,
Helgi Rafn Viggósson 12, Axel Kárason 10,
Halldór Halldórsson 6, Sigmar Björnsson
4, Donatas Visockis 3, Hreinn Birgisson 2.
Fráköst: 19 í vörn – 14 í sókn.
Villur: FSu 12 – Tindastóll 16.
Dómarar: Eggert Aðalsteinsson og Jón
Bender.
Áhorfendur: 29.
Keflavík – Njarðvík 82:69
Toyotahöllin, úrvalsdeild karla, Iceland
Express deildin, fimmtudag 11. mars 2010.
Gangur leiksins: 14:13, 23:18, 31:18, 37:23,
45:36, 56:47, 67:55, 82:69.
Stig Keflavíkur: Draelon Burns 21, Gunn-
ar Einarsson 16, Þröstur Leo Jóhannsson
12, Sigurður Þorsteinsson 12, Urule Igbev-
boa 7, Gunnar Stefánsson 4, Hörður Axel
Vilhjálmsson 4, Sverrir Þór Sverrisson 3,
Jón Norðdal 2, Davíð Þór Jónsson 2.
Fráköst: 25 í vörn – 7 í sókn.
Stig Njarðvíkur: Magnús Þór Gunnarsson
15, Nick Bradford 13, Friðrik Stefánsson
12, Guðmundur Jónsson 11, Páll Kristins-
son 8, Jóhann Á. Ólafsson 5, Egill Jónasson
4, Kristján R. Sigurðsson 1.
Fráköst: 38 í vörn – 16 í sókn.
Villur: Keflavík 26 – Njarðvík 23.
Dómarar: Björgvin Rúnarsson og Rögn-
valdur Hreiðarsson.
Áhorfendur: 560.
Úrvalsdeild karla,
Iceland-Expressdeildin:
KR 19 16 3 1787:1530 32
Keflavík 20 15 5 1862:1582 30
Njarðvík 20 14 6 1771:1553 28
Grindavík 19 14 5 1770:1524 28
Snæfell 19 13 6 1800:1585 26
Stjarnan 19 13 6 1609:1526 26
Hamar 20 7 13 1688:1771 14
Tindastóll 20 7 13 1654:1789 14
––––––––––––––––––––––––––––––
ÍR 19 6 13 1589:1733 12
Fjölnir 19 6 13 1506:1658 12
––––––––––––––––––––––––––––––
Breiðablik 20 5 15 1554:1816 10
FSu 20 1 19 1502:2025 2
 FSu er fallið í 1. deild og KFÍ frá Ísafirði
hefur tryggt sér sæti í úrvalsdeildinni.
Næstneðsta liðið fellur einnig. Átta efstu
lið fara í úrslitakeppnina.
Leikir í kvöld:
12.3. Snæfell – Grindavík
12.3. Stjarnan – KR
12.3. Fjölnir – ÍR
21. umferð:
14.3. Hamar – Stjarnan
14.3. Njarðvík – Snæfell
14.3. Breiðablik – Fjölnir
15.3. Tindastóll – ÍR
15.3. Grindavík – FSu
15.3. KR – Keflavík
22. umferð:
18.3. ÍR – Grindavík
18.3. FSu – Njarðvík
18.3. Snæfell – KR
18.3. Keflavík – Hamar
18.3. Stjarnan – Breiðablik
18.3. Fjölnir – Tindastóll
Besta meðalskorið í deildinni:
Justin Shouse, Stjörnunni ................... 25,32
Andre Dabney, Hamri ......................... 25,30
Marvin Valdimarsson, Hamri ............. 24,65
Christopher Smith, Hamri .................. 24,65
Sean Burton, Snæfelli .......................... 21,62
Cristopher Caird, FSu......................... 21,43
Darrell Flake, Grindavík ..................... 21,21
Jovan Zdravevski, Stjörnunni............. 20,79
Páll Axel Vilbergsson, Grindavík........ 20,56
Hlynur Bæringsson, Snæfelli.............. 20,41
Brynjar Þór Björnsson, KR ................ 18,84
Svavar Birgisson, Tindastóli ............... 18,84
Aleksas Zimnickas, FSu ...................... 18,80
Sigurður Á. Þorvaldsson, Snæfelli...... 18,71
Staðan
Eftir Guðmund Karl
sport@mbl.is
TINDASTÓLL lagði fallið lið FSu í
átakalitlum leik á Selfossi í gær-
kvöldi, 73:99, og eru komnir upp í 8.
sæti úrvalsdeildarinnar. Sauðkræk-
ingar eiga spennandi leiki eftir en
þeir mæta ÍR og Fjölni í síðustu
tveimur umferðunum en auk Ham-
ars eiga öll þessi lið möguleika á
sæti í úrslitakeppninni.
„Markmiðið okkar er að komast í
úrslitakeppnina og við lögðum það
upp fyrir Snæfellsleikinn að þetta
væri algjörlega í okkar höndum.
Við ráðum örlögum okkar sjálfir og
það er besta staðan sem við getum
verið í,“ sagði Karl Jónsson, þjálf-
ari Tindastóls. „Fyrir leikinn í
kvöld vorum við þremur skrefum
frá úrslitakeppninni og nú eru tvö
skref eftir. Við sjáum markmiðið
handan við hornið og munum vinna
saman eins og lið til að ná því.“
Karl var ánægður með leik sinna
manna og ekki síst með Cedric
Isom sem var einu frákasti frá þre-
faldri tvennu; með 16 stig, 12 stoð-
sendingar og 9 fráköst. „Við náðum
fínum hraða í leiknum og Cedric
stjórnaði leiknum alveg eins og
herforingi. Hann veit hverjir eru
heitir og leitar að þeim. Heilt yfir
er ég mjög sáttur, við gerðum það
sem við lögðum upp með, að spila
grimma vörn og fá auðveldar körf-
ur. Það tókst af og til en þess á milli
sýndum við mikinn aga í sókn-
arleiknum. Það getur verið hættu-
legt að fara í leiki gegn liði eins og
FSu. Þrátt fyrir erfiðleikana sem
þeir hafa gengið í gegnum í vetur
þá er þetta vel þjálfað lið með góð-
an þjálfara og þeir vita alveg hvað
þeir eru að gera,“ sagði Karl að
lokum.
Stólarnir voru smá stund að finna
taktinn en Friðrik Hreinsson var
funheitur í 1. leikhluta og skoraði
þá 17 stig. Um miðjan 2. leikhluta
var forskot gestanna orðið 20 stig
og eftir það var ekki spurning
hvorum megin sigurinn myndi
lenda.
„Ráðum örlögum okkar sjálfir“
Eftir Helga Reyni Guðmundsson
sport@mbl.is
BREIÐABLIK vann gríðarlega mikilvægan sigur á
Hamri þegar liðin áttust við í Smáranum í Iceland
Express deildinni í körfuknattleik í gærkvöldi,
74:73. Mikið var í húfi fyrir leikinn þar sem baráttan
um síðustu sætin inn í úrslitakeppnina er mikil, auk
þess sem stutt er í fallsætið.
Það tók leikmenn beggja liða smá tíma að ná
mesta hrollinum úr sér í byrjun leiks. Það er
kannski eðlilegt þar sem mikilvægi leiksins var mik-
ið upp á framhaldið að gera. Bæði lið standa frammi
fyrir mikilvægum lokaspretti í deildinni þar sem
stutt er á milli þess að ná inn í úrslitakeppnina og
hreinlega að falla niður í 1. deild. Lokafjórðung-
urinn var æsispennandi þar sem Dabney kom
Hamri einu stigi yfir með tveimur vítaskotum þegar
10 sekúndur voru eftir. Breiðablik hélt í sókn og var
það Jonathan Schmidt sem skoraði sigurkörfuna
þegar 3 sekúndur lifðu leiks. Dabney fékk svo
dæmdan á sig ruðning í síðustu sókn Hamars og sig-
urinn þar með í höfn hjá Breiðabliki.
Sævaldur Bjarnason þjálfari Breiðabliks var að
vonum ánægður með sigur sinna manna: „Ég er
fyrst og fremst gríðarlega ánægður með þennan
sigur þar sem hann heldur okkur enn þá á lífi í bar-
áttunni um að halda sæti okkar í deildinni. Það hefði
verið gríðarlega erfitt að mæta Fjölni á sunnudag-
inn með tap á bakinu en þetta gefur okkur aukið
sjálfstraust fyrir síðustu tvo leikina, sagði Sævald-
ur.
Það er ljóst á spilamennsku Breiðabliks í gær-
kvöld að mikil batamerki eru á leik liðsins og þeir
munu ekki gefa sæti sitt í úrvalsdeildinni átakalaust
eftir. Það er þó enn á brattann að sækja þar sem
botnbaráttan er ekki minna spennandi en baráttan
á toppi deildarinnar.
Schmidt
hélt Blikum
í baráttunni
Morgunblaðið/Ómar
Hátt uppi Jeremy Caldwell, leikmaður Breiðabliks, gnæfir yfir leikmenn Hamars í Smáranum.
Eftir Skúla Sigurðsson
sport@mbl.is
LEIKUR þessi verður seint hafður
í minni sem einn af þeim betri og
líkast til hefði verið nóg fyrir Kefl-
víkinga að senda unglingaflokk sinn
í leik gegn afar bragðdaufu liði
Njarðvíkinga. Undirritaður hefur
séð þó nokkra hildina háða hjá
þessum stórveldum körfuboltans á
Íslandi. Þessi viðureign er án nokk-
urs vafa sú allra slakasta. Bæði lið
léku afleitan körfuknattleik og þá
sérstaklega þeir grænklæddu sem
voru mættir líkamlega en hugurinn
greinilega einhvers staðar allt ann-
ars staðar. Það var gestunum frá
Njarðvík til happs að í fyrri hálfleik
hittu heimamenn ekki vel úr skot-
um sínum og voru „aðeins“ 15 stig-
um undir. Njarðvíkingar höfðu þá
þegar tapað 18 boltum og enduðu
leik með 30 tapaða bolta.
Keflvíkingar léku fasta vörn líkt
og í bikarleiknum á milli þessara
liða fyrr í vetur. Njarðvíkingar virt-
ust ekki geta staðist þessa pressu
og grunnatriði eins og sendingar
milli leikmanna rötuðu oftar en
ekki beint í hendurnar á heima-
mönnum eða hreinlega út af vell-
inum.
Keflvíkingar voru einnig langt
frá sínu besta en áttu nógu marga
kafla í leiknum til þess að getað
knúið fram sigur. Það verður því
enn einhver bið hjá Sigurði Ingi-
mundarsyni að ná sigri á sínu
gamla liði í því húsi sem hann hefur
á ferli sínum sem þjálfari skilað
flestum sigrum. Guðjón Skúlason
þjálfari Keflvíkinga er hinsvegar
einnig vanur að sigra í sama húsi
og hann var sáttur með sigur á
Njarðvík. „Þessi leikur var nú ekk-
ert svakalega fallegur og þeir verða
það nú líklega ekkert þessir leikir
sem eru eftir í deildinni. Það er
mikil barátta og mikið dæmt. Við
hefðum líklega getað nýtt okkur
betur í öðrum leikhluta og komið
okkur í betri forystu. Hörkuvörn og
þeir skora bara 5 stig í leikhlut-
anum. En á móti Njarðvík er ég al-
veg sáttur með 13 stiga sigur. Það
var lagt upp með líkt og í síðasta
leik að pressa bakverðina þeirra
fast og það er bara það sem þarf að
gera í svona leikjum,“ sagði Guðjón.
Magnús Þór Gunnarsson var afar
daufur í viðtali við Morgunblaðið.
„Ég vil bara biðja stuðningsmenn
Njarðvíkur innilegrar afsökunar á
því að trufla þá þetta fína fimmtu-
dagskvöld. Það var líklega eitthvað
fínt í sjónvarpinu sem þeir hefðu
betur horft á.“
Slakasti grannaslagurinn
 Keflavík vann lélega Njarðvíkinga léttilega  Skoruðu 5 stig í öðrum leikhluta
Keflvíkingar báru sigurorð af Njarð-
víkingum í grannaslag þessara liða í
gærkvöldi í Iceland Express-deild
karla. 82:69 var lokastaða leiksins og
líkt og í fyrri leik liðanna í deildinni
lauk þessum með 13 stiga mun.