Ísfirðingur - 14.01.1978, Blaðsíða 2

2.
ÍSFIRÐINGU R
4MSÓKNAKMANNA i VESTFJARÐAKJÖRD&MI
Utgefandi:
Kjördœmissamb. Framsóknarrnanna í Vestfjarðakjördœmi.
Ritstjórar:
Halldór Kristjánsson ogjón A. Jóhannsson, áb.
Afgreiðslumaður:
Guðmundur Sveinsson, Engjavegi 24, sími 3332.
Verð árgangsins kr. 600.
Urræðalaus og
vanmáttug
stjórnarandstaða
Mörgum þykir það næsta skopleg og óraunhæf
fullyrðing, þegar Alþýðubandalagið og Alþýðu-
flokkurinn eru sí og æ að auglýsa sjálfa sig sem
sérstaka verkalyðsflokka, sem öðrum stjórnmála-
flokkum fremur sé umhugað um hagsmunamál
verkafólks í landinu. Fylgi þessara flokka meðal
þjóðarinnar bendir ekki til þess að þeir njóti mikils
trausts eða álits meðal þeirra fjölmennu, mikils-
verðu og þjóðhollu stétta þjóðfélagsins, sem al-
mennt eru flokkaðar undir vinnustéttir.
í síðustu alþingiskosningum hlutu Alþýðu-
flokkurinn og Alþýðubandalagið samtals liðlega
27% atkvæða, eða Alþ.fl. 9,1% og Alþýðubanda-
lagið 18,3%. Núverandi stjórnarflokkar hlutu þá
samtals liðlega 67% atkvæða, eða Framsóknar-
flokkurinn 24,9% og Sjálfstæðisflokkurinn 42,7%.
Flestir sem eitthvað þekkja til samsetningar eða
uppbyggingar stjórnmálaflokkanna vita, að vinnu-
stéttirnar fylgja að einhverju leyti öllum stjórn-
málaflokkunum, en auðvitað er ekkert um það
vitað hversu margir úr þessum stéttum fylgja
hvorum stjórnmálaflokki um sig, enda vafalaust
margir ekki flokksbundnir. En fullyrðingar um að
Alþýðubandalagið og Alþýðuflokkurinn séu öðr-
um fremur byggðir upp af verkalýðs- og vinnu-
stéttunum, og þjóni hagsmunum þeirra betur, eru
auðvitað ekkert annað en marklaust þvaður.
Þessar staðreyndir um fylgi flokkanna eru rifj-
aðar upp hér og nú vegna þess, að Alþýðubanda-
lagið og Alþýðuflokkurinn bera það nú linnulaust
á borð fyrir fólkið í landinu, að núverandi stjórnar-
flokkar, sem njóta trausts liðlega 67% þjóðarinnar,
vinni gegn hagsmunum hennar. Hvað getur þetta
þýtt annað en það, að Alþýðufl. og Alþýðubanda-
lagið telji þessi 67% atkvæðisbærra manna í
landinu svo skyni skroppna að þeir kjósi sér
fulltrúa sem að kosningum loknum vinni gegn
hagsmunum þjóðfélagsins? Eða telja þessir marg-
nefnu flokkar, að þessi vitnisburður um mikinn
meiri hluta þjóðarinnar, sé vænlegur til ávinnings í
kosningum að vori?
Það er einkennandi fyrir þessa flokka báða,
Alþ.fl. og Alþýðubl., að þegar þeir eru í stjórnar-
andstöðu hafa þeir allt á hornum sér og telja, að
flest sem ríkisstjórnin gerir og framkvæmir sé
rangt, og stundum er á þeim að skilja að þetta sé
gert af ráðnum hug til að ná sér niðri á og
knésetja fólk. Séu þeir hinsvegar inntir eftir hvern-
ig þeir vilja afgreiða hlutina svo að betur fari hafa
þeir engin frambærileg úrræði. Það eru ekki
miklar líkur á því að almenningur telji slíka afstöðu
trausts verða.
J.Á.J.
— Áramót 1977 — 1978
Framhald af 1. afðu
Vígorðið mlkla - báknið burt.
Ungir Sjálfstæðismenn
hafa búið sér til vígorð:
Báknið burt. Það kvað
tákna að umsvif ríkisins og
afskiptasemi eigi að minnka
svo að létta megi af þjóðinni
sköttum og álögum. Sumir
þeir sem að þessu standa
virðast haldnir barnalegri
trú á stjórnleysi á almenn-
um málum samfara rammri
ótrú á ríkisafskiptum.
Hvað felst í þessu mikla
vígorði þegar til alvörunnar
kemur?
Fjármálaráðherrann er
góður drengur. Hann skip-
aði nefnd til að athuga
hvaða starfsemi ríkisins
mætti leggja niður eða fela
öðrum. Sjáfstæðisráðherr-
ann kom til móts við hug-
sjónir ungu mannanna. í
fjárlagaræðu sinni núna fyr-
ir jólin gat ráðherrann þess,
að nefndin væri ekki fjarri
því að Landssmiðjan yrði
seld. Hún greiddi 10 mill-
jónir í opinber gjö'd af
rekstri sínum 1976 en ágóði
hennar það ár var 16 mill-
jónir. Það léttir því ekki
gjaldabyrðina þó að eitt
gott fyrirtæki sem rekið er
með hagnaði væri selt.
Svo að ekki sé gert minna
úr hugsjónum ungra Sjálf-
stæðismanna en efni standa
til skal þess getið að auk
Landssmiðjunnar hefur ver-
ið talað um að selja Sigló-
síld og leggja niður Ferða-
skrifstofu ríkisins. Siglósíld
er lítið lagmetisfyrirtæki
norður á Siglufirði. Ferða-
skrifstofa ríkisins hefur stað-
ið undir sér fjárhagslega.
Með Edduhótelunum hefur
hún unnið merkilegt starf til
þess að erlendir og innlendir
menn geti ferðast um ísland
og hlotið móttöku sem eng-
in skömm er að. Sú starf-
semi má ekki falla niður og
óséð að hún fari betur í
annarra höndum.
En jafnvel þó að ríkið
losaði sig við þessi þrjú fyr-
irtæki mun ýmsum finnast
að vígorðið mikla og fram-
kvæmd þess minni á dæmi-
söguna fornu þegar fjallið
tók jóðsótt og fæddist mús.
Sjálfstæðisflokkurinn
vann kosningarnar 1974
vegna þess,að hann gat bent
á að vinstri stjórnin hafði
ekki nógu styrk tök á efna-
hagsmálum. Þær vonir sem
menn gerðu sér um gagn-
gera breytingu þar við til-
komu hans í ríkisstjórn hafa
brugðist. Og það er ekkitak-
andi mark á neinum loforð-
um um örugga stjórn þeirra
mála eftir kosningar nema
til komi önnur tilhögun við
skipun kjaramála oggjald-
eyrismála en verið hefur.
Síðustu daga heilagir.
Þjóðviljinn ræðir nú mik-
ið um almenna spillingu- og
ekki að ástæðulausu. Hins
vegar lýsir hann flokki sín-
um svo að ætla má að hann
taki bráðum upp það nafn
sem mormónar gáfu sjálfum
sér forðum - síðustu daga
heilagir. Því miður eru mal-
in ekki svo einföld að við
höfum einhverja stétt eða
flokk heilagra manna. Um
það skal ekki frekar rætt
hér. Hins vegar er skylt að
svipast eftir úrræðum Al-
þýðubandalagsins.
Lúðvík Jósefsson kom í
sjónvarpið að lokinni fjár-
lagaafgreiðslu. Hann hafði
lítið til mála að leggja. Þó
var hann að reyna að berg-
mála vanhugsað fleipur
ungra íhaldsmanna: Báknið
burt. Það eru ekki full fjög-
ur ár síðan hann sat sjálfur í
ríkisstjórn. Hvaða tillögur
gerði hann um samdrátt og
sparnað þau þrjú ár sem
hann var ráðherra?
í öðru lagi vakti það at-
hygli að Lúðvík deildi mjög
á það að heimilað væri að
verja fé úr ríkissjóði til þess
að flytja megi opinberar
skrifstofur úr leiguhúsnæði.
Einstök húsakaup kunna að
orka tvímælis en einkenni-
legt er það í sambandi við
Víðishúsið er rökin eru eink-
um þau að eigandinn sé
Sjálfstæðismaður sem þurfi
að koma þessari eign sinni í
verð þar sem hann hafi
byggt yfir starfsemi sína
annars staðar. En lágkúru-
leg stefna er það í húsnæðis-
málum ríkisins ef það er
talin fjárhagsleg fyrirmynd
að það skuli um aldur og
ævi leigja hjá Garðari Gísla-
syni, Kristjáni Siggeirssyni
o.s.frv.
Það sýnir fullkomið úr-
ræðaleysi þegar aðaltals-
maður hinnar róttæku
stjórnarandstöðu hefur ekk-
ert fram að bera annað en
svona gaspur.
Hverju má treysta?
Enda þótt ýmsir kunni að
hlusta með björtum vonum
á almennar ádeilur og hróp-
yrði um spillingu og óstjórn
er þó einksins að vænta frá
þeim sem slíkt flytja nema
þeir hafi eitthvað til mála
að leggja. Á því ber næsta
lítið hjá ýmsum þeim sem
stærst hafa orðin.
Vestfirðingar geta treyst
því, að Framsóknarflokkur-
inn mun beita áhrifum sín-
um til að halda fram þeirri
byggðastefnu sem á dögum
vinstri stjórnarinnar olli
þáttaskilum i atvinnulífi og
byggðaþróun á Vestfjörð-
um. Hann mun stuðla að
því, að íslenskir atvinnu-
vegir þróist og þjóðin setji
traust sitt á þá fremur en
erlent fjármagn og stóriðju í
höndum útlendinga. Hann
mun vinna að jöfnun lífs-
kjara og lífsaðstöðu milli
héraða. Og hann mun
stuðla að því, að hvergi sé
skertur réttur og aðstaða
manna til að leysa mál sín
með frjálsum félagssamtök-
um á grundvelli samvinn-
unnar.
Þetta eru nægileg rök til
þess að eins og sakir standa
hafa Vestfirðingar hvergi
trausts að leita umfram það
sem þeir finna hjá Fram-
sóknarflokknum. Það sem
kann að verða til umræðu í
þá átt að stuðla að meiri
hófsemi og gætni í meðferð
gjaldeyris og utanríkisvið-
skipta eða endurbætur við
ákvörðun launakjara mun
ekki stranda á Framsóknar-
flokknum. En þessi mál öll
verða rædd nánar fram að
kosningum.
Pólitlísk mál og önnur.
Pólitísku málin erumörg
mikilvæg. Síst skal úr því
dregið eða móti því mælt.
En margt það sem fastast
leitar nú á hugann er oháð
stjórnmálaflokkum, að því
leyti að engir stjórnmála-
flokkar ráða við það eða það
liggur ekki á þeirra sviði.
Svo er t.d. um þá upplausn
í mannfélaginu sem veldur
uppeldisleysi og öryggisleysi
barna í þeim mæli, að kalla
má að óþekkt hafi verið
fram á þessa öld. Þannig er
komið upp utangarðsfólki
og brotamönnum. Með
framhaldi á slíkri lausung
og ábyrgðarleysi, og jafn al-
mennri áfengisnautn og nú
um sinn, hljóta vandræði og
ólán af því tagi að aukast á
næstu áratugum. Það er
heimska ein að ímynda sér
annað.
Hér þarf því endurmat á
lífsgildum og siðfræði. Jafn-
framt þvi þarf að opna augu
almennings fyrir því, að
hófsemi og nokkur sjálfsaf-
neitun er forsenda þess að
lífsins verði notið almennt
svo ríkulega sem mest má
verða. En vonlítið er að al-
menn hófsemi verði ráðandi
nema jöfnuður verði auk-
inn. Jöfnuður í lífskjörum á
að nást með víðtæku sam-
komulagi sem gert er ,,að
bestu manna yfirsýn" eins
og fyrrum var tekið til orða.
Islenska þjóðin er dugleg
og mikilhæf og getur látið
ser líða vel ef hún ber gæfu
til að gæta hófs og skipa
málum sínum farsællega.
Megi þetta nýja ár þoka
okkur áleiðis að því marki.
Þá verður það merkisár.
Gleðilegt nýár.
H. Kr.
Auglýsingasíminn
er
3104