Ísfirðingur - 21.10.1988, Blaðsíða 4

4
ÍSFIRÐINGUR
Seljalandsdalur
ný skíðalyfta og lýsing í brekkur
Að undanförnu hafa glöggir menn á ísafirði tekið eftir að eitthvað
hefur verið um að vera á Seljalandsdal. Þar hafa verið að verki
tæki og mannafli að undirbúa uppsetningu nýrrar skíðalyftu.
Til að forvitnast nánar um þessar framkvæmdir var Hafsteinn
Sigurðsson sóttur heim og spurður frétta. Hafsteinn er fyrrum
þjálfari íslenska landsliðsins í alpagreinum, gamall keppnismaður
sjálfur og starfaði sem íþróttafulltrúi ísafjarðarbæjar þegar ák-
vörðun var tekin um að kaupa hina nýju lyftu.
Þegar blaðamann ísfirðings bar að garði var Þorlákur B. Kristjáns-
son staddur hjá Hafsteini, en Þorlákur hefur þjálfað skíðamenn á
Isafírði í mörg ár og hefur þar að auki unnið að undanförnu við
uppsetningu nýju lyftunnar ásamt fleiri skíðaáhugamönnum.
Þær upplýsingar sem hér koma fram á eftir eru fengnar með spjalli
við þá félaga.
Paradís skíðamanna.
Seljalandsdalur hefur löngum
verið nefndur paradís skíða-
manna og vissulega er það rétt-
nefni. Hins vegar hafa skíða-
menn haft af því áhyggjur
undanfarin ár að flutningsgeta
og staðsetning lyftanna væri
ekki nægilega góð.
Norðmaður var fenginn á síð-
asta ári til að skoða skíðasvæð-
ið og gera tillögur um framtíð-
aruppbyggingu þar. Margt
fróðlegt var að finna í tillögum
hans og verður ekki rakið hér,
þó má nefna að hann benti á
þrennt sem væri nauðsynlegt í
uppbyggingu skíðasvæða:
1. Svæðið þarf að vera að-
gengilegt.
2. Næg og góð bílastæði.
3. Fólk komist beint úr
bílnum á skíðastaðinn.
Hvað göngusvæðið snerti var
hann því með hugmynd um að
hægt yrði að aka ofar, allt að
svonefndri Harðarflöt og
geyma bílana þar.
Fyrsti kostur og heppilegasti
varðandi alpagreinar var stóla-
lyfta, sem reyndist of dýr í þess-
um áfanga, svo kostur númer
tvö var valinn að þessu sinni,
það er að leggja toglyftu frá
lyftuhúsi, rétt utan við mark-
húsið og upp undir þriðja staur
í efri lyftu. Þessi kennileiti duga
þeim sem kunnugir eru í
fjallinu, en hinum til fróðleiks
má geta þess, að lyftan nær upp
undir mesta brattann og opnar
leið niður bestu svigbrekkurnar
á Dalnum.
900 manns á klst.
Lyftan sem varð fyrir valinu er
af Leitner gerð, hún er 700
metra löng, fallhæðin er 210
metrar og flutningsgeta hennar
er allt að 900 manns á klst. Mið-
að við fullnýtta flutningsgetu er
hér nánast um tvöföldun á af-
köstum að ræða, auk þess sem
fjölbreytni eykst stórlega.
Smíði á undirstöðum fyrir lyft-
una hófst um mánaðamót á-
gúst-september og hefur nær
eingöngu verið unnið í sjálf-
boðavinnu fram til þessa. Þegar
þetta er ritað er búið að steypa
undirstöður fyrir neðri enda-
stöðina og byrjað að steypa
undir möstrin, sem verða sjö
talsins auk endastöðvanna
tveggja.
Elías Kjaran kemur við sögu.
Næsta skref er að fengin verður
þyrla til að flytja steypuna í
það sem ólokið er, því vegna
brattans er tæpast nokkrum
fært þangað nema fuglinum
fljúgandi og svo Elíasi Kjaran,
þeim landsþekkta ýtumanni.
Elías hefur unnið mikið starf á
ýtunni sinni við afar erfið skil-
yrði við að grafa fyrir endastöð
og efstu möstrum. Það hefðu
sennilega ekki aðrir leikið eftir
honum, fremur en margt annað
sem hann hefur tekist á
hendur.
Þetta er mikil framkvæmd sem
hér hefur verið ráðist í, Kaup-
verð lyftunnar er 7 milljónir
króna, með flutningskostnaði
og áætlaður kostnaður við upp-
Endastöð nýju lyftunnar verður svipuð þessu.
setningu er um 4 milljónir.
Hann mun reyndar lækka í út-
lögðum krónum vegna sjálf-
boðavinnu, sem þegar er orðin
mjög mikil.
Steypumagnið sem fer í undir-
stöðurnar verður ekki undir 70
rúmmetrum, en það er jafnvel
meira en fer til að steypa stórt
einbýlishús. Storum hluta af
þessari steypu þarf svo að
fljúga upp með þyrlu eins og
áður sagði. Til gamans má geta
þess, að eigandi þyrlunnar er
Albína Thoroddsen, annar
höfunda Stjórnsýsluhússins
nýja á ísafirði.
Upplýstar skíðabrekkur.
Lýsing verður í hinum nýju
möstrum, svo unnt verður að
stunda skíði á kvöldin. Það
kemur sér vel fyrir önnum
kafna Vestfirðinga, sem vinna
oft myrkranna á milli eins og
kunnugt er. Auk þess er mjög
algengt að veður sé hér stilltara
á kvöldin.
Samkvæmt áætlunum verður
smíði hinnar nýju lyftu lokið í
Þorlákur, Þröstur og Hermann standa í ströngu við smíðarnar.
Beltabillinn kemur í góðar þarfir í brekkum.
janúar næstkomandi og þeir
félagar, Hafsteinn og Þorlákur
eru bjartsýnir á að það takist.
Allt sem þeir fara fram á er
þokkalegt veður fram yfir helg-
ina og þá er málinu borgið.
Ef allt fer samkvæmt áætlun þá
ætti þyrlan að vera byrjuð
steypuflutninga þegar þetta
blað kemur út.
Talið er að þessi framkvæmd
muni stórauka aðsókn að Selja-
landsdal í vetur, enda komast
mun fleiri að í einu og allir geta
nú fengið brekkur við sitt hæfi.
Samvinna sveitarfélaga?
Að fengnum þessum upplýs-
ingum barst talið að sameigin-
legri aðstöðu fyrir sveitarfélög-
in á norðanverðum Vestfjörð-
um.
Hafsteinn kvaðst telja eðlilegt
með stórbættum samgöngum
að bjóða Bolvíkingum að hafa
sína lyftu á Seljalandsdal, þeir
gætu fengið land og snjó undir
hana, hvort sem þeir rækju
hana sjálfir þar eða það yrði
gert í samvinnu. Reyndar
kvaðst hann telja að þyrfti að
taka upp stóraukið samstarf um
öll meiriháttar íþróttamann-
virki hér á svæðinu og þar væri
samstarfsnefnd sveitarfélaga
kjörinn vettvangur en hún er
þegar starfandi. Hér væri um
fleira að ræða en skíðaíþrótt-
ina, nefna mætti góða frjáls-
íþróttaaðstöðu, samvinnu um
golfaðstöðu og margt fleira.
Hafsteinn sagðist telja að Vest-
ur-ísfirðingar myndu einnig
nota þetta skíðasvæði þegar
samgöngur verða tryggðar með
jarðgöngum, væntanlega innan
fárra ára. Hins vegar sagði
hann það snjalla lausn og rétta
hjá Dýrfirðingum og Önfirð-
ingum að byggja sameiginlega
upp lágmarksaðstöðu á Gemlu-
fallsheiði, þar væri ágæt að-
staða til slíks. Framhaldið yrði
síðar hér á Seljalandsdal.
Viljinn dregur hálft hlass.
Það er orðið kvöldsett, hafnar-
ljósin speglast í Pollinum,
veðurspáin er góð og blaða-
maður snýr heimleiðis smitað-
ur af bjartsýni skíðamannanna.
Án hennar og þeirri elju sem
einkennt hefur starf að skíða-
málum á ísafirði á undanförn-
um árum og áratugum væri
Seljalandsdalurekki sú Paradís
skíðamanna sem raun ber vitni.
Megi starf þeirra bera sem
ríkulegastan ávöxt hér eftir
sem hingað til.