Ísfirðingur - 30.01.1990, Blaðsíða 4

Netagerð Vestfjarða hf.
ísafirði, sími 94-3413 — Útibú Hvammstanga, sími 95-12710
Eigum fyrirliggjandi merktan þriþættan
togvír í 400 faðma rúllum 28 mm. (3,5“)
Netagerð Vestfjarða hf.
Af bæjarmálum
— Kristinn Jón Jónsson bæjarfulltrúi Framsóknarflokksins
Þegar Framsóknarflokkur,
Alþýðuflokkur og Alþýðu-
bandalag ákváðu eftir síðustu
kosningar að mvnda meirihluta
í bæjarstjórn ísafjarðar, var
búið að gera ítarlegan sam-
starfs og málefna- samning.
í þennan samning, sem er í
þremur greinum, var lögð mikil
vinna og er hann að mínu mati
forsenda þess góða samkomu-
lags er ríkt hefur innan bæjar-
stjórnar þetta kjörtímabil.
í síðustu grein samningsins
segir: „Gerð verði áætlun um
allar þær framkvæmdir er að
framan greinir, þannig að ylir-
sýn fáist um framgang þeirra til
loka kjörtímabilsins.“
Það kom í hlut Framsóknar-
flokksins, sem hafði for-
mennsku í bæjarráði fyrsta árið
á þessu kjörtímabili, að hrinda
þessum síðasta en þýðingar-
mikla hluta samningsins í
framkvæmd.
Var hafist handa strax og
sumarleyfistímanum lauk, að
láta kostnaðarreikna hinar
ýmsu framkvæmdir sem ákveð-
ið var að ráðast í. Þessar kostn-
aðaráætlanir lágu fyrir þegar
vinna hófst við gerð fjárhags-
áætlunar fyrir árið 1987 Hófust
nú fundahöld hjá meirihluta-
flokkunum um framkvæmdar-
öð og framkvæmdahraða hinna
ýmsu verkefna sem málefna-
samningurinn gerði ráð fyrir að
framkvæmd yrðu. Lauk þeim
viðræðum með framlagningu
fjárhagsáætlunar fyrir árið 1987
ásamt áætlun um framkvæmdir
næstu þrjú árin á eftir eða til og
með 1990.
Þessar áætlanir voru sam-
þykktar um miðjan janúar 1987
og voru athyglisverðar að
tvennu leyti. Annars vegar var
áætlunin fyrir 1987 óvenju
snemma á ferðinni miðað við
mörg fyrri ár og að hinu leytinu
var þriggja ára áætlun til við-
bótar nýlunda, en gert er ráð
fyrir því í lögum að slíkar áætl-
anir séu gerðar í upphafi kjör-
tímabils og síðan endurskoðað-
ar árlega . Þessa dagana er
verið að endurskoða áætlunina
og gera úttekt á stöðu þeirra
framkvæmda sem enn er ólok-
ið. Þá er eftir að gera sér betri
grein fyrir hvernig bæjarsjóður
kemur út úr verkaskiptingu
þeirri milli ríkis og sveitar-
félaga sem gekk í gildi um ára-
mótin svo og hvaða áhrif virðis-
aukaskatturinn hefur á starf-
semi bæjarins Málin munu því
skýrast betur næstu daga og í
framhaldi af því er hægt að
ákveða framkvæmdir bæði
þessa árs og næstu þriggj a ára.
Ég mun nú og í næstu blöð-
um Isfirðings gera grein fyrir
þeim áföngum sem náðst hafa
á kjörtímabilinu ásamt því sem
við Framsóknarmenn munum
vinna að og teljum fram-
kvæmanlegt miðað við fjár-
hagsgetu bæjarsjóðs. Eins og
fram kom hér að framan er ver-
ið að meta stöðu hinna ýmsu
verkefna sem ólokin eru úr
samstarfssamningnum og
fjármagnsþörf til þeirra, þann-
ig að ekki er tímabært að ræða
um þau atriði að sinni. Mörgum
þeirra hefur tekist að ljúka og
önnur liggja ljós fyrir. Mun eg
nú gera grein fyrir nokkrum
þeirra.
Skipulagsmál:
Unnið hefur verið að aðal-
skipulagi fyrir næstu 20 árin en
verkinu hefur miðað seint og
það skipulag er átti að ná yfir
árin 1987 - 2007 var auglýst nú
eftir áramótin og þá fyrir árin
1989-2009. Helstu breytingar á
skipulaginu eru, að nú er gert
ráð fyrir jarðgöngum í Tungu-
dal og vegi þaðan neðst í Hníf-
unum yfir á Vestfjarðaveg í
nánd við Grettistökin ofan
hugsanlegrar byggðar sem í
framtíð mun rísa þar. þá er gert
ráð fyrir miklum fyllingum á
Leirunum neðan Holtahverfis
ásamt vegi neðst á fyllingunni.
Myndi þá vegurinn úr Miðbæ
að flugvelli liggja með sjó fram
alla leið, ef þessar tillögur fá
samþykki réttra yfirvalda, en
frestur til að skila athugasemd-
um við skipulagstillögurnar er
fram í miðjan febrúar. Unnið
hefur verið að deiliskipulagi,
fyrst og fremst á hafnarsvæð-
inu. Þau ánægjulegu tíðindi
gerðust að samið var við unga
ísfirska konu, Elísabetu Gunn-
arsdóttur arkitekt, sem nýlokið
hafði námi, að taka þetta verk
að sér. Framundan er mikil
vinna í skipulagsmálum kaup-
staðarins og það er ætlun nú-
verandi meirihluta í bæjar-
stjórn að sú vinna verði sem
mest unnin hér heima. Von-
andi er að önnur sveitarfélög á
Vestfjörðum notfæri sér þá
þjónustu sem hér er til staðar
svo þessi starfssemi geti vaxið
og dafnað hér vestra.
Æskulýðsmiðstöð:
Það er ef til vill erfitt fyrir þá
sem nú nýta sér aðstöðuna í
æskulýðsmiðstöðinni að gera
sér grein fyrir, að það eru
aðeins rétt þrjú og hálft ár síð-
an að sett var í samstarfssamn-
ing meirihlutaflokkanna þessi
setning. „Fundið verði framtíð-
arhúsnæði fyrir æskulýðamið-
stöð og ráðinn að henni starf-
smaður“.
Strax fyrsta haustið var Góð-
templarahúsið tekið á leigu
fyrir þessa starfsemi og þar
starfaði æskulýðsmiðstöðin í
þrjú ár. Nú í vetur er hún að
flytja væntanlega í sitt framtíð-
ar húsnæði í Grunnskólanum
og fer vel á þvi. Ég óska sér-
staklega þessu unga fólki til
hamingju með þá aðstöðu sem
það fær þarna bæði til skemmt-
anahalds og annarar starfsemi
er iðkuð verður í þessari
miðstöð. Foreldrum og kenn-
urum er einnig ástæða að óska
til hamingju með aðstöðuna
jafnvel þó einhverjum finnist
vanta ýmsan búnað svona í
byrjun.
Skóladagheimili:
„Kannaðir verði möguleikar
á rekstri skóladagheimilis,“
segir í fyrrgreindum samningi.
Skóladagheimili var sett á stofn
1988, þá í húsnæði Mennta-
skólans og var rekið þar í tvo
vetur. Nú er búið að fá framtíð-
arhúsnæði fyrir þessa starfsemi
í húsnæði þar sem skattstofan
var áður. Þörfin fyrir þetta
heimili virðist þó minni en gert
var ráð fyrir og er nýting i al-
geru lágmarki.
Áhaldahús:
„Byggt verði nýtt áhaldahús
og tækjakostur þess bættur.“
Hafist var strax handa um þessa
framkvæmd og er starfsemin
komin öll í nýtt og gott hús
enda ekki vanþörf á, þar sem
öll vinnuaðstaða í gamla
áhaldahúsinu var fyrir neðan
allar hellur. Enn vantar nokk-
uð á að verkfæri og búnaður
innanhúss sé eins og æskilegt
væri, en væntanlega stendur
það til bóta smátt og smátt.
Nokkur endurnýjun vélakosts
bæjarins hefur orðið, m.a. var
keypt ný hjólaskófla á síðasta
ári, þá var keyptur notaður
götusópur af Kópavogsbæ.
Þessi sópur sem fékkst á mjög
góðu verði gjörbreytti útliti á
götum bæjarins á skömmum
tíma og í stað þeirra radda er
töluðu sífellt um sóðaskap ís-
firðinga voru komnar aðrar
sem lýstu ísafirði sem snyrti-
legum bæ. Ég er þessum síðar-
nefndu sammála þó eg telji
mjög margt betur mega fara
hjá okkur. Ég mun ræða um-
hverfismálin sérstaklega
seinna, en þetta litla dæmi um
sópinn sýnir vel þörfina á að
búa áhaldahúsið okkar góðum
og fjölbreyttum tækjakosti til
að auðvelda starfsmönnum
þess að sinna þeim verkefnum
sem þeim er ætlað.
Snjóflóöavarnir:
„Lokið verði nauðsynlegun
snjóflóðavörnum í bæjarland-
inu.“ Þetta verkefni hefur tekið
lengri tíma en menn vonuði í
upphafi. Fyrir lá hugmynd að
vörnum á þessum stað sem
mönnum fannst alltof fyrirferð-
armiklar og falla illa að um-
hverfinu, auk þess að vera
mjög dýrar, var því sett á fót
nefnd er skoða skyldi þessi mál
frá grunni. Árangurinn varð
það mannvirki sem nú er komið
ofan Holtahverfis. Að vísu er
eftir að koma þeim gróðri fyrir
sem þar á að verða. Ég tel að
miðað við fyrri hugmyndir hafi
vel til tekist og þetta nauðsyn-
lega umrót komi til með að falla
það vel að umhverfinu að fólk
almennt geti sætt sig við slík
mannvirki í bæjarlandinu.
Veðurstofan vinnur nú að
hættumati á snjóflóðum m.a. í
Hnífsdal og lagði fyrir skömmu
fram skýrslu um snjóflóð sem
mun vera hugsað sem fyrsti
hluti hættumats fyrir Skutuls-
fjörð og Hnífsdal. Bæjarráð
óskaði í haust eftir því við ofan-
flóðanefnd að hættumati yrði
hraðað fyrir Hnífsdal þannig að
framkvæmdir gætu orðið í
sumar. Ég mun beita mér fyrir
því á meðan ég hef aðstöðu til,
að þessum vörnum verði við
komið svo fljótt sem verða má.
í næstu blöðum mun ég gera
grein fyrir ýmsum kostnaðar-
miklum framkvæmdum svo
sem hreinsun neysluvatns
ásamt aukningu vatns fyrir
Hnífsdalsveitu, viðhaldi gatna-
kerfisins, nýjan veg í gegn um
eða framhjá Hnífsdalsbyggð.
Hvað kostar að ljúka þeim
byggingum sem í smíðum eru
t.d. íþróttahúsi oggrunnskóla?
Hvaða úrbætur þarf að gera
varðandi hafnaraðstöðu?
Húsnæðismál og skipulag þjón-
ustu við aldraða, og svo mætti
lengi telja.
Leiðrétting:
Vegna mistaka urðu nokkrar leiðar villur í jólablaði ís-
fírðings.
Niður féll nafn höfundar á greininni Þurfamannaflutning-
ar, en hún er eftir Halldór Kristjánsson frá Kirkjubóli.
Þá vantaöi nafn Huldu Sigmundsdóttur við kvæðin tvö,
Hafgolan og Horft í húmið, en hún er höfundur kvæðanna.
Eru höfundar og lesendur Isfirðings beðin velvirðingar á
þessum leiðu mistökum.
Næsta blað ísfírðings kemur út 27. febrúar.