Ísfirðingur - 25.05.1990, Blaðsíða 2

2
ÍSFIRÐINGUR
Útgefandi:
Kjördæmissamband Framsóknarmanna á Vestfjörðum.
Blaðstjórn:
Pétur Bjarnason, ritstjóri, (ábyrgðarmaður)
Geir Sigurðsson, aðstoðarritstjóri, (ábyrgðarmaður)
Anna Lind Ragnarsdóttir, Sigríður Káradóttir,
Björn Teitsson, Guðmundur Jónas Kristjánsson
Pósthólf 253, Isafirði.
Prentvinnsla: Isprent.
Pólitískþreyta?
Góðir ísfirðingar.
Sú kosningabarátta, ef barátta er þá rétta nafnið, sem
nú er senn á enda hefur að flestra mati verið heldur bragð-
dauf og tilþrifalítil.
Þetta er á ýmsan hátt undrunarefni, því mörgum finnst
að tilefnin hafi verið næg til hvassra deilna og nógu eru
framboðin mörg.
Hætt er við að stjórnmálaskörungar þeir sem hér börð-
ust fyrr á öldinni hefðu haft meira umleikis og valdið meira
umróti í bænum en nú er.
Margir velta vöngum yfir þessum breytingum sem orðn-
ar eru og finnast engar viðhlítandi skýringar. Rúm þrjú ár
eru síðan síðast var kosið og ætti því kosningaþreyta ekki
að vera til staðar.
Telja má líklegt að fjölmiðlar og þær áherslubreytingar
sem þeir hafa valdið, séu stór þáttur í áhugaleysi fólks.
F*eir fjalla um stjórnmál og stjórnmálamenn dag út og dag
inn, og láta dynja á neytendum sínum stöðugar fréttir af
orðum stjórnmálamanna og athöfnum. Gildir þá einu
hvort eitthvað „markvert" er að gerast eða ekki, fjölmiðl-
arnir smíða þá einhverja umgjörð, sem þeir fylla síðan
eftir geðþótta. Reyndar held ég að nokkuð sé til í því sem
gamall fréttahaukur sagði í útvarp nýlega: „Fréttamenn
eru stöðugt að búa til fréttir fyrir eða þá um aðra frétta-
eða fjölmiðlamenn og missa þannig sjónar á raunverulegu
hlutverki sínu.“
Eitt er víst, almenningur er orðinn hundleiður á þessu
öllu saman. Líklega á þetta einnig við um kosningablöðin
sem dynja yfir bæjarbúa um þessar mundir. Þetta blað
ísfirðings er hið síðasta fyrir kosningar og var sett upp með
það að markmiði að það væri fljótlesið, en kæmi þó því til
skila sem að væri stefnt.
Ætla má að tíu mínútur séu sá tími sem hvert blað fær
til yfirlits þessa dagana. Það ætti líka að nægja.
Við óskum ísfirðingum góðviðris á kosningadaginn.
P.B.
DD X-B UH
Vátryggingafélag íslands
auglýsir:
Breyttur opnunartími:
Frá 1. maí til 1. okt. verður
opið frá kl. 8-16 virka daga.
Athugið: Opið í hádeginu.
Svæðisskrifstofa
Hafnarstræti 1, ísafirði
Sími 3164

VÁTRYGGIIVGAFÉLAG
Guðrfður Sigurðardóttir:
Æskan er framtíðin
Málefni unglinga hafa verið
mikið til umfjöllunar að undan-
förnu, hér á ísafirði og víðar.
Margir halda því fram að staða
unglinga í þjóðfélaginu fari
versnandi, og þeim sé ekki búin
nægileg aðstaða til félagslegra
samskipta í skólum og víðar.
Vel má vera að svo sé, en nauð-
synlegt er jafnframt að ungling-
ar fái að njóta eigin frumkvæðis
og að þeim sé treyst.
Við sem erum foreldrar þurf-
um að huga vel að þessu og
jafnframt að veita aðhald. For-
eldrar ættu t.d. að taka hönd-
um saman og reyna að sam-
ræma og framfylgja útivistar-
tíma barna og unglinga. Með
slíku aðhaldi myndi eflaust
fækka í þeim hópi unglinga sem
er á götum bæjarins langt fram
á nætur um helgar.
Unglingar þurfa að fá ein-
hversstaðar útrás fyrir athafna-
þrá sína, og er því nauðsynlegt
að beina þeim til þátttöku í
heilbrigðu félagslífi s.s. í skóla,
félagsmiðstöð eða skátastarfi
og til iðkunar íþrótta.
Með tilkomu nýs íþróttahús
opnast nýr möguleiki fyrir
unglinga, að fá tækifæri til að
stunda íþróttir. Þá munu
unglingar eiga þess kost að
stunda sem flestar íþróttagrein-
ar innanhúss, ásamt öðrum
greinum s.s.sundi, skíðum,
knattspyrnu, golfi, hesta-
mennsku o.fl.
Leggja þarf áherslu á aukna
íþróttaiðkun í skólum með
fjölgun kennslustunda. Það
auðveldar börnum og ung-
lingum undirbúning fyrir
frjálsa íþróttaiðkun hjá íþrótta
félögunum.
Ekki vilja allir unglingar
stunda íþróttir, og þurfa þeir
að fá dyggan stuðning við að
byggja upp félagsmiðstöðina,
og jafnvel aðstoð við að finna
sér eitthvað við sitt hæfi. Sá
staður sem unglingar vilja
sækja, þarf að vera aðlaðandi,
gerður að þeirra frumkvæði, og
þurfa þeir að bera sem mesta
ábyrgð sjálfir, og finna að þetta
er þeirra staður.
Stöndum vörð um hag
unglinga og veitum þeim
stuðning, þau eru okkar
framtíð.
KOSNINGASKRIFSTOFA B-LISTANS
að Hafnarstræti 8
Á kjördag verður opið allan daginn.
Kaffi og meðlæti.
Þeir kjósendur sem óska eftir akstri á kjörstað
hafi samband við okkur í síma 3690 eða 4600.
Verið velkomin!
X-B
X-B
B-LISTINN