Ísfirðingur - 25.05.1990, Blaðsíða 4
Netagerð Vestfjarða hf.
ísafirði, sími 94-3413 — Útibú Hvammstanga, sími 95-12710
Eigum fyrirliggjandi merktan þríþættan
togvír í 400 faðma rúllum 28 mm. (3,5“)
Netagerð Vestfjarða hf.
Kristinn Jón Jónsson:
Ferðamál — umhverfi
Litið hefur verið til aukinnar
ferðaþjónustu sem vaxtar-
brodds í atvinnu hér á ísafirði.
Á ýmsu hefur gengið og Vest-
firðingar hafa verið sofandi yfir
þeim möguleika sem þessi stór-
brotni landshluti hefur upp á
að bjóða.
Nú eru að verða þáttaskil í
þeim efnum að mínu mati, því
þótt ferja hafi verið í ferðum
yfir Breiðafjörð um langt árabil
þá gefur hið nýja skip sem nú
nýlega hóf siglingar milli Stykk-
ishólms og Brjánslækjar og sú
mikla umfjöllun í fjölmiðlum
sem þetta skip hefur fengið,
von um að verulega fjölgi þeim
ferðalöngum sem leggja leið
sína um Vestfirði.
Til ísafjarðar er nýlega búið
að kaupa hraðskreiðan bát til
skemmtiferða um Djúp og
sömuleiðis bárust þær fregnir
fyrir stuttu að í Reykjanesskóla
verði rekið Edduhótel næstu
sumur, undir stjórn dugandi
fólks. þetta, ásamt þvi góða
orðspori sem af þjónustu
Hótels ísafjarðar fer, vekur
vonir um að vor sé í lofti í þess-
um efnum.
Sérleyfisferðum bifreiða
milli ísafjarðar og Reykjavíkur
er svo háttað að Vestfjarðaleið
er með sérleyfið um Þorska-
fjarðarheiði annars vegar og
um Vestfjarðaveg hins vegar.
Báðar þessar leiðir eru snjó-
þungar og þar er enginn reglu-
bundinn snjómokstur. Þessar
leiðir opnast því seint á vorin
og lokast vegna snjóa snemma
á haustin.
Guðmundur Jónasson h.f.
hefur sérleyfið Reykjavík -
Hólmavík, en milli Hólmavík-
ur og ísafjarðar eru engir far-
þegabílar með fastar ferðir, en
sá vegur er opnaður tvisvar í
viku á veturna meðan snjólétt
er. Enginn vafi er á að hæfist
akstur áætlunarbíla á þessari
leið, allan ársins hring, yki það
fjölda jjeirra ferðamanna er
sæktu Isafjörð heim, þar sem
öryggið um að geta haldið
ferðaáætlun ykist verulega
annaðhvort flugleiðis eða land-
leiðina. Að úrbótum í þessu
máli þarf að vinna.
Ekki er þó nóg að vel sé róið
í fyrirrúmi, það hlýtur að vera
komið að bæjaryfirvöldum og
raunar ýmsum fyrirtækjum í
bænum sem bæði hafa beinan
og óbeinan hagnað af ferða-
mönnum, að sinna sínum hluta
í hinu mikla verkefni umhverf-
ismála sem framundan er.
Bæjarsjóður verður að sjálf-
sögu að ganga á undan með
góðu fordæmi t.d. þarf að bæta
aðstöðu á tjaldsvæðum bæjar-
ins.
Þá er aðkallandi að gera
Skíðaveginn sæmilega akfæran
en á það vantar herslumuninn
en þar uppi á Múlanum er einn
besti útsýnisstaðurinn í
Skutulsfirði.
Umhirða opinna svæða hefur
tekið miklum stakkaskiftum til
bóta seinni árin en betur má
gera.
Strax og hægt er vegna snjóa
og klaka í vor þarf að sá í hin
mörgu opnu svæði sem eru hér
í bæ. Þar á ég við t.d. umrótið
eftir snjóflóðavarnirnar ofan
við Holtahvefið.
Á hafnarsvæðinu eru stór
svæði þar sem ekkert þarf að
gera annað en að jafna með
veghefli og dreifa síðan áburði
og fræi, þetta á við Suðurtang-
ann líka.
Einnig eru blettir við Poll-
götuna og víðar í bænum, sem
ástæðulaust er að eyða pening-
um og tíma í að þekja með tún-
þökum.
Þessa einföldu og ódýru að-
ferð ber að nota hvar sem henni
verður við komið.
Síðar má bæta um ef ástæða
er til. Hér í blaðinu er mynd af
virðulegu og sögufrægu húsi í
hjarta bæjarins. Hver hrekkur
ekki við þegar hann sér þessa
mynd?
Því miður eru of mörg hús
hér í bæ í niðurníðslu eða
umhverfi þeirra í vanhirðu og
ég skora hér með á umsjónar-
aðila þeirra húsa og lóða, sem
eru bæ sínum til skammar, að
láta nú á þessu vori hendur
standa fram úr ermum. Sér-
staklega er þessu beint til þeirra
sem í blöðum lýsa því yfir að
þeir séu þekktir fyrir annað en
að geyma til morguns það sem
gera þyrfti í dag.
Gerum átak í fegrun bæjar-
ins og uppgræðslu umhverfis
hans með fræsáningu og skóg-
ræktarátakinu sem nú er hafið.
Framsóknarflokkurinn
leggur áherslu á:
★
Strangt aðhald í rekstri bæjarsjóðs.
★
Betri innheimtu bæjargjalda.
★
Það er stefna Framsóknarflokksins
að varast beri „leiftursókn“
til bættrar fjárhagsstöðu bæjarins,
enda ekki þörf á slíkum aðgerðum.
★
Tvo menn í bæjarstjórn X-B
★
Framsókn til framfara X-B
X-B fyrir betri bæ X-B
1111111111111111111111
Andlit
ísafjarðar
Er þar allt
eins og við
vildum helst
hafa það?
Svari hver
fyrir sig