Morgunblaðið - 18.03.2010, Blaðsíða 8

Smiðjuvegi 76 • Kópavogi • Sími 414 1000 • Baldursnesi 6 • Akureyri • Sími 414 1050
Opið virka daga frá 8 -18 laugardaga frá 10 -15 • www. tengi.is • tengi@tengi.is
Eigum mikið úrval af
hreinsiefnum fyrir heita
potta.
Hreinsiefni
fyrir heita potta
Eftir Helga Bjarnason
helgi@mbl.is
ÞEGAR Friðrik Skúlason, framkvæmdastjóri sam-
nefnds fyrirtækis, lítur upp frá tölvunum lítur hann
gjarnan í gegnum linsu myndavélarinnar eða reynir
að koma upp framandi plöntum í garðinum sínum. Þá
grúskar hann í ættfræði eins og fleiri Íslendingar.
Friðrik Skúlason ehf. er fimmtíu manna vaxandi
fyrirtæki sem starfar við hugbúnaðargerð og rann-
sóknir. Fyrirtækið hefur sérhæft sig í að leita að
veirum, trójuhestum og öðrum óværum sem leggjast
á tölvur. Ekki er skortur á verkefnum því fjöldi veira
hefur tvöfaldast á hverju ári frá því sú fyrsta kom
fram fyrir fjórtán árum. Þær skipta nú tugum millj-
óna.
„Við vinnum að því að gera hugbúnað sem á ólög-
legan eða vafasaman hátt reynir að hafa peninga af
fólki. Þeir sem útbúa slíkan hugbúnað gera það ekki
af hugsjón heldur vegna þess að þeir vilja komast yfir
peninga fólks, annaðhvort með því að stela kredit-
kortanúmerum eða plata það til að kaupa einhvern
óþarfa,“ segir Friðrik.
Eins og að rannsaka glæpavettvang
„Alveg á sama hátt og slökkviliðsmenn þurfa að setja
sig í hugarheim brennuvarga,“ segir Friðrik þegar
hann er spurður að því hvort hann þyrfti ekki að setja
sig í spor glæpamannanna til þess að geta snúið á þá.
Hann segir að sér líði stundum eins og hann sé leikari
í bandarískum sakamálaþætti að rannsaka glæpavett-
vang og athuga hvað hver gerði og af hverju.
Friðrik hefur starfað við vírusvarnir frá árinu 1989.
Þá var eitthvað lítið að gera og eitt slíkt verkefni féll
til. Það átti að vera tímabundin vinna en hefur átt hug
hans allan síðan. Ein þekktasta afurð fyrirtækisins er
veiruvarnaforritið Lykla-Pétur sem er þekkt um allan
heim sem F-Prot antivirus.
„Þetta er fyrst og fremst útflutningsfyrirtæki, við
seljum megnið af okkar vöru og þjónustu erlendis og
þar eru allir helstu samstarfsaðilar okkar,“ segir
Friðrik. Starfsemin gengur vel um þessar mundir,
eins og hjá öðrum fyrirtækjum sem fá tekjur í er-
lendri mynt. Hann getur þess að erfitt hafi verið á
hinum svokallaða góðæristíma, þegar genginu hafi
verið haldið háu, og það gerði næstum út af við fyr-
irtækið.
Ræktar framandi plöntur
Áhugamál Friðriks sjást á afurðum fyrirtækisins.
Hann var einn af höfundum ættfræðiforritsins Espól-
ín sem var grunnurinn að Íslendingabók. Fyrir þá
sem hafa áhuga á heimsmetum Íslendinga miðað við
höfðatölu má geta þess að Íslendingabók er vinsæl-
asti gagnagrunnur heims því helmingur landsmanna
hefur fengið aðgang að honum.
„Annars eru það þessi hefðbundnu áhugamál
nörda. Ljósmyndun er ofarlega á blaði hjá mér þessa
dagana,“ segir Friðrik. Hann tekur myndavélina með
sér þegar hann lítur upp frá tölvunni og reynir sig við
allt mögulegt myndefni, nema hvað hann lætur fugla
og íþróttir alveg eiga sig.
Blóm eru vinsælt myndefni, enda ekki langt að
fara. Garðurinn er fullur af framandi plöntum og
sumarbústaðurinn líkist allt eins garðyrkjubýli. Frið-
rik hefur verið félagi í Garðyrkjufélagi Íslands frá
unglingsárum og tekur þátt í starfi erlendra blóma-
klúbba. „Ég geri talsvert af því að panta fræ af
skrítnum plöntum og athuga hvort þær þrífist í ís-
lenskum görðum,“ segir Friðrik og játar því að eitt-
hvað hafi tekist. Ýmisar sérstakar plöntur lifi í garð-
inum hans og í görðum fólks sem hafi fengið fræ hjá
honum.
Morgunblaðið/Árni Sæberg
Vinur Friðrik Skúlason hefur Trygg með sér í vinn-
una í tölvufyrirtækinu á hverjum degi.
Ljósmyndun og
blóm dreifa huganum
Svipmynd Friðrik Skúlason tölvunarfræðingur
ÍSLENDINGAR geta lært margt af
Grikkjum um þessar mundir, þó fyrst
og fremst að það geti verið dýrkeypt
að gefa innblæstri og óskhyggju laus-
an tauminn þegar kemur að því að
greina skuldastöðu ríkisins. Grískir
stjórnmálamenn geta borið þess vitni
að slíkt getur reynst dýrkeypt til
lengri tíma og þrátt fyrir allt saman
hverfa skuldir ekki.
En þá að allt öðrum og ánægjulegri
hlutum.
Fjármálaráðuneytið sendi frá sér
fréttatilkynningu í vikunni. Þar kom
meðal annars fram að hreinar erlend-
ar skuldir ríkisins næmu eingöngu
5% af landsframleiðslu. Þetta er
ákaflega lágt hlutfall og sérstaklega í
því ljósi að íslenska ríkið getur reitt
sig algerlega á innlendan skulda-
bréfamarkað til þess að fjármagna
hallarekstur sinn.
Í þessari fréttatilkynningu er því
að finna einhver ánægjulegustu tíð-
indi sem borist hafa á þessum síð-
ustu og verstu tímum. Án efa þarf
ekki að bíða lengi eftir því að mats-
fyrirtækin bregðist við þeim með
festu og sanngirni og hækki lánshæf-
iseinkunn erlendra skuldbindinga rík-
issjóðs verulega. Að sama skapi má
gefa sér það skuldatryggingaálag rík-
issjóðs hrynji um leið og þessi tíðindi
berast erlendum fjármálafakírum.
Bið kann að verða á þessum við-
brögðum þar sem enska þýðingu á
fréttatilkynningunni er ekki enn að
finna á heimasíðu fjármálaráðuneyt-
isins. En það er í þessu eins og í
flestu öðru: Góðir hlutir gerast hægt.
 Útherji
AP
Grísk kennslustund Zorba gamli kenn-
ir Bretanum Basil réttu danssporin.
Skuldsettur
innblástur
SVISSNESKT
úrsmíðafyrirtæki
ætlar að smíða
einstök arm-
bandsúr sem
eiga að innihalda
risaeðlubein. Úr-
ið á að kosta
tæpa fjörutíu
milljónir króna,
enda verða úr
vart smíðuð úr
sjaldgæfari hráefnum.
Fyrirtækið Louis Moinet ætlar að
smíða tólf armbandsúr, þar sem
risaeðlubeinum verður komið fyrir
í úrskífunni.
Beinin koma úr risaeðlu af teg-
undinni diplodocus, sem var risa-
stór plöntuæta. Diplodocus, sem
heitir á íslensku freyseðla eða þórs-
eðlubróðir, var um þrjátíu metra
löng og vó um tuttugu tonn.
Úrin munu bera heitið Tíma-
ferðalangurinn og eru risaeðlu-
beinin sett í átján karata hvítagull.
Auk þess eru 56 demantar í úrinu.
Risaeðlur í
armbandsúrinu
Risi Diplodocus
risaeðlan.
BAVÍANAR
herja nú á vín-
ekrur vestarlega
í Suður-Afríku.
Bavíanarnir virð-
ast hafa mikinn
smekk fyrir
Chardonnay-
vínþrúgum en
samkvæmt frétt
blaðsins The Tim-
es hefur her bav-
íana hreinlega ét-
ið heilu berjauppskerurnar í
Franschhoek-dalnum. Haft er eftir
Mark Dendy-Young, víngerð-
arbónda á svæðinu, að aparnir geti
torgað allt að tveimur tonnum af
vínberjum á viku eða sem samsvarar
1.500-2.000 vínflöskum. Dendy-
Young mun hafa misst 40% af upp-
skeru sinni í kjaft bavíana í síðasta
mánuði.
Sambúð manna og bavíana í Suð-
ur-Afríku hefur ekki verið áfallalaus
gegnum tíðina. Yfirvöld í Höfðaborg
þurftu þannig fyrr í vetur að skera
upp herör gegn þjófagengi bavíana
en innbrotafaraldur af þeirra völd-
um í bifreiðar í borginni hafði valdið
miklu ónæði og ama.
Bavíanar herja á
hvítvínsbændur
Þessi bavíani
tengist ekki efni
fréttarinnar.