Austri - 26.06.1981, Blaðsíða 4

4
AUSTRI
Egilsstöðum, 26. júní 1981.
I dagsins önn
American Helldrivers
Nú í vikunni fengu Austfirð-
ingar að sjá fyrirbrigði sem
nefnir sig American Helldrivers
Það er flokkur manna sem ekur
á tveim hjólum, veltir bílum,
stekkur á mótorhjóli yfir menn
og bíla, o.s.frv.
Menn flykktust hundruðum
saman á Seyðisfjörð til þess að
horfa á þessa sýningu. Vonandi
er þetta aðeins saklaust gaman,
sem freistar manna ekki að leika
þessar kúnstir eftir. Mikið er
búið að brýna fyrir landanum að
aka settlega og fara með gát
í umferðinni, en oft kemur það
fyrir lítið.
Ég frétti af því að þessir öku-
fantar hefðu átt í hinu mesta
basli að aka dóti sínu og bílum
yfir Fjarðarheiði á leiðinni suð-
ur. Það leiðir hugann að því
hvernig þeir hinir sömu hefðu
staðið sig á þeim fjallvegi þegar
vindar blása og snjó kyngir nið-
ur á veturna. Þá koma ekki að
haldi kúnstir eins og að velta
bílum og stökkva yfir mann á
mótorhjóli. Einhvern veginn ber
ég í huganum miklu meiri virð-
ingu fyrir þeim bílstjórum sem
aka snjóbílum og fólksflutninga-
bílum yfir Fjarðarheiði vetur-
inn út í hvaða veðri og færi sem
vera skal, heldur en þeim sem
sýna kúnstir á farartækjum,
sem virðast í fljótu bragði einsk-
is nýtar. Það þarf úthald og
seiglu til þess að vera bílstjóri
á Islandi, vetur og sumar og
bílstjórastéttin hefur unnið
margt gott og þarft verk, sem
heldur viðkomandi byggðum í
sambandi við umheiminn. Ég
hef ekki oft heyrt á starf þess-
arar stéttar minnst, en án þess
starfs yrði margur að vera án
mjólkurdropans síns, án blað-
anna sinna, án þess að komast
leiðar sinnar þegar illa viðrar
svo að eitthvað sé nefnt. Það út-
hald og það áræði sem þessum
mönnum er gefið er margfalt
verðmætara en það áræði sem
þarf til þess að velta gömlum
Skóda fram af trépalli, þótt
vissulega hafi menn gaman af
að horfa á slíkt á björtum júní-
kvöldum.
Hfimneyranhílfl slitii
Bændadeild Bændaskólans á
Hvanneyri var slitið hinn 14.
maí s.l. Alls voru í vetur 113
nemendur í skólanum þar af 21
í búvísindadeild, en 92 í bænda-
deild. Af þessum 92 hófu 38
nemendur nám skv. nýlegri lög-
gjöf um búnaðarfræðslu, þar
sem ákveðin er lenging náms-
ins í 2 vetur. Hinir 54 luku nám-
inu á einum vetri eins og verið
hefur mörg undanfarin ár.
Hæstu einkunn á búfræðiprófi
hlaut Þórgunnur Eysteinsdóttir
Arnarvatni í Mývatnssveit, 265
stig, meðaleinkunn 8,9 og veitti
Búnaðarfélag Islands henni
verðlaun fyrir góðan námsár-
angur.
Aðra hæstu einkunn á bú-
fræðiprófi hlaut Sigurbjörg
Ölöf Bergsdóttir, Fjölnisvegi 20
Reykj avík.
Við skólaslitin sagði Magnús
B. Jónsson, skólastjóri, frá þeim
breytingum sem verða á al-
menna búnaðarnáminu við leng-
ingu þess. Hann gat þess að
með því væri komið til móts við
óskir nemenda og bænda um
aukna verkmenntun og verk-
þjálfun. Þriggja mánaða verk-
námsdvöl hjá bændum er felld
inn í fyrri námsvetur og sú
reynsla sem þegar er fengin af
þessu spáir góðu.
Þá ræddi skólastjóri nauðsyn
þess að bændaefni, eins og aðrir
þjóðfélagsþegnar, öfluðu sér
víðtækrar grundvallarþekkingar
áður en þeir hæfu lífsstarf sitt
og að víða erlendis væri bú-
fræðinám nú skilyrði til þess að
menn gætu hafið búskap.
Margt gesta var við skólaslit-
in á Hvanneyri og blíðasta vor-
veður þegar búfræðingarnir
kvöddu staðinn.
Fréttatilkynning.
II flugbraut í Breiðdal
ff 40 dra
Ungmenna og íþróttasamband
Austurlands er 40 ára um þess-
ar mundir og efnir sambandið
til afmælisfagnaðar í Valaskjálf
í kvöld, föstudaginn 26. júní.
Afmælisfagnaðinn sitja
stjórnarmenn aðildarfélaganna,
fulltrúar sveitarfélaga og fé-
lagasamtaka á Austurlandi, al-
þingismenn kjördæmisins og
fleiri gestir.
I starfi Ungmenna og íþrótta-
sambands Austurlands hafa
skipst á skin og skúrir, eins og
hjá fleiri samtökum af líkum
toga. Hitt dylst fáum, að starf
sambandsins hefur verið með
miklum blóma nú síðustu árin,
og hafa margir lagt þar hönd á
plóginn. Þetta starf hefur skilað
verulegum árangri á íþrótta-
sviðinu og það hefur ekki síður
uppeldislegt gildi og ber að
þakka það og virða.
Það eru ófáir unglingar og
reyndar fullorðnir líka sem hafa
sótt lífsfyllingu í starf U.I.A. á
Austurlandi á 40 árum.
Á þessum tímamótum sendir
blaðið Ungmenna- og íþrótta-
sambandi Austurlands sínar
bestu kveðjur, og vonar að starf
þess megi blómgast á ókomnum
árum.
J. K.
JK/BB
I maímánuði síðastliðnum var
byrjað á nýrri flugbraut í Breið-
dalshreppi. Flugbrautin er rétt
fyrir innan kauptúnið á Breið-
dalsvík á svonefndri Meleyri.
Aðstæður til þess að byggja
flugbraut þarna eru mjög góðar
og nú er komin þarna 600 metra
braut tilbúin til notkunar.
Á næsta ári er áætlað að
lengja brautina í 800 metra og
þá er einnig áætlað að ganga frá
öryggissvæðum og girðingu í
kringum flugbrautina.
Þessi flugbrautarbygging er
mikið framfaraspor fyrir
byggðarlagið, því flugbrautin
sem var fyrir var mjög léleg.
Þessi framkvæmd stuðlar að
samgöngubótum í Breiðdal, og
nægjanlegt rými er þarna fyrir
verulega lengingu, ef flugsam-
göngur vaxa á þetta svæði, og
er rými fyrir flugbraut allt að
2000 metra langri.
Þegar þessar framkvæmdir
eru búnar þyrfti að koma upp
flugskýli við flugbrautina.
BÁTAKAUP
Nú hefur Hraðfrystihús
Breiðdalsvíkur gengið frá samn-
ingum við skipasmíðastöð Þor-
geirs og Ellerts á Akranesi um
smíði á 300 tonna togskipi og
afhendingartími er áætlaður 1.
júlí árið 1982. Nú gerir Hrað-
frystihúsið út tvo báta, Andey á
troll og Ilafnarey á humar.
Þetta hráefni er ekki nægilegt
þrátt fyrir góðan afla bátanna
undanfarið. Kemur þetta nýja
skip til með að bæta mjög úr
þeirri þörf þegar það kemur í
gagnið eftir rúmlega ár, ef
samningar standast.
Atvinna
Útgáfa blaðsins Austra óskar eftir að ráða fram-
kvæmdastjóra til þess að annast dreifingu blaðs-
ins, auglýsingaöflun og bókhald og fjármál. Hér
getur verið um um það bil hálft starf að ræða.
Umsóknir sendist til Jóns Kristjánssonar, sími
1314, og gefur hann nánari upplýsingar.
Umsækjandi þarf að hafa nokkra þekkingu á
bókhaldi.
Austri.
Lög úr Dr. Jón Cdlgan d hasettu
Leikfélag Fljótsdalshéraðs
lætur ekki staðar numið í út-
gáfustarfsemi. 1 vetur sýndi fé-
lagið, sem kunnugt er, leikritið
Dr. Jón Gálgan, eftir Odd
Björnsson, en í leikritinu eru
margir söngvar. Nokkrir
músíkalskir félagar og fleiri
sömdu tónlist við tekstana sem
verkinu fylgja, og nú hafa þess-
ir söngvar verið gefnir út á
kasettu, fluttir af þeim leikur-
um sem fluttu þá í sýningunni.
Jón Arngrímsson og Friðrik
Lúðvíksson sáu um upp-
töku, en Mifa tónbönd á Akur-
eyri sáu um að fjölfalda kasett-
una. Kasettan er nú fáanleg í
verslunum hér á Egilsstöðum.
Lögin á kasettunni eru eftir
Guðgeir Björnsson, Gunnlaug
Ólafsson, Stefán Jóhannsson,
Einar Rafn Haraldsson, Krist-
ján Jónsson og Friðrik Lúðvíks-
son.