Framsóknarblaðið - 09.02.1968, Qupperneq 4
4
FRAMSÓKNARBLAÐIÐ
Bæjaimál
Sigurgeir Kristjánsson, forseti bæjarstjórnar, heldur ræðu.
Skátaheimili vígt
Fremur hljótt hefur nú um skeið
verið um bæjarmálin í blöðum
bæjarins. Er þó að vonum, að bæj-
arbúar vilji fylgjast með því, sem
gerist enda hefur Framsóknarblað-
ið oft birt fréttir frá bæjarstjórn.
Vatnsveitan er að sjálfsögðu
höfuðmálið, sem nú er unnið að,
og náðist í því á s.l. sumri stór á-
fangi með leiðslunni .frá Syðstu-
Mörk til sjávar. Kostnaður við
þann hluta framkvæmdarinnar
mun nú vera ca. 15 millj. kr. Af
þeirri upphæð greiddi ríkissjóður
á árinu sem leið kr. 2,7 millj., eða
svipaða upphæð og greidd var í
tolla af vatnsveituefninu.
Þá var svo sem kunnugt er unn-
ið mikið í bæjarkerfinu á s.l. ári.
Austurbærinn var að mestu graf-
inn í sundur og eru margar götur
komnar í samband við væntanlegt
vatnsveitukerfi. Nú í skammdeg-
inu hefur verið lagt í Brekastíg og
síðan er byrjað á vatnslögn í Vest-
urveginn. Þannig þokast bæjar-
kerfið áfram þó ekki kæmi fleira
til.
Þá er þess að geta í sambandi
við vatnsmálið, að gengislækkunin
gerir þar strik í reikninginn, þar
sem hækkun, sem af henni leiðir,
nemur a.m.k. 16 millj. kr. Við þá
breytingu á kostnaði raskast allar
áætlanir í sambandi við fjárhags-
jhliðina, og verður að vinna það
upp aftur eftir því, sem við á.
En hvað sem því líður er vatn-
ið komið niður í Landeyjasand og
sjóleiðslan kemur næsta sumar og
iþar með fer það að renna hingað
til Eyja. Dælustöðin, sem fyrirhug.
uð er í Landeyjasandi er mál út af
fyrir sig, og er fyrirsjáanlegt að
hún verður dýrari en búizt hafði
verið við. Er nú unnið að því máli
í samráði við efnahagsstofnun rík-
isins, sem hefur hönd í bagga varð
andi fjárútvegun til framkvæmdar
innar.
Á s.l. ári var mikið unnið við
IÐNADARM.FÉL.
Framhald af 2. síðu.
Bók þessi er vel fallin til að
glæða áhuga iðnaðarmanna á sögu
stéttar sinnar í heild, vekja stolt
þeirra yfir að vera starfsbræður
slíkra áhuga- og dugnaðarmanna,
sem gerðu sannarlega sitt til þess
að gera garðinn frægan.
Þess ber þó að geta að endingu,
að eins og viðeigandi er um slíka
bók, hefir Prentverk Odds Björns-
sonar gert hana svo vel úr garði,
sem kostur hefir verið á.
endurnýjun Friðarhafnarbryggj-
unnar og fer sú framkvæmd nú að
nálgast lokastig. Alls mun það
verk kosta nálægt 20 millj. kr. og
hefur Hafnarsjóður ekki getað
staðið undir þeim greiðslum. Bæj-
arsjóður hefur hlaupið undir bagg-
ann og á nú hjá Hafnarsjóði 12
millj. kr. Hafnarsjóður á þó svip-
aða upphæð hjá ríkissjóði í ó-
greiddum lögboðnum framlögum
til hafnarinnar. Standa vonir til að
sú upphæð greiðist eitthvað niður
á næstunni og er full þörf á því.
Það er ekki hægt til lengdar að
byggja upp höfnina með útsvör-
um bæjarbúa.
Mikið var unnið á árinu í holræs
um og gatnagerð. Má þar nefna
Illugagötuna, Suðurveg og Nýja-
bæjarbraut. Auk þess var möl bor.
in í næstum alla vegi á Eyjunni og
er þar um að ræða allkostnaðar-
samar framkvæmdir. Annars er
illt til þess að vita hve efnið er
lélegt, sem við höfum í vegavið-
hald og gatnagerð, *,ar sem mölin
úr Helgafelli er. Má nú sjá í rign-
ingunum hvernig hún rennur úr
vegunum og skilur þar eftir skurði
og skorninga. Hér er sem víðar
þörf á nýjum úrræðum, sem þeg-
ar eru fyrir hendi, þótt vegna
kostnaðar verði að bíða um sinn.
Myndlistarskóli Vestmannaeyja
hefur starfað óslitið síðan 1954.
Ekkert skipulagt tómstundastarf
hefur verið stundað hér í bæ leng-
ur. Nemendafjöldi hefur að miklu
leyti miðast við húsrýmið, sem
hópurinn hefur fengið afnot af.
I ár er starfað í þrem deildum,
barnadeild, unglingadeild og kvöld
deild. Fastir kennarar eru þrír:
Magnús Á. Árnason, Sigurfinnur
Sigurfinnsson og Páll Steingríms-
son.
Nemendafjöldi á skólaárinu er
83.
Skólinn nýtur nokkurs styrkjar
frá ríki og bæ.
KVENFÉLAGIÐ „LÍKN”
þakkar hjartanlega öllum, sem
lagt hafa félaginu lið á liðnu ári
og nú síðast fyrir veitta aðstoð við
skemmtun eldra fólks, þann 10.
janúar. Jafnframt þökkum við öll-
um, sem sóttu skemmtunina fyrir
komuna.
Óskum bæjarbúum árs og friðar
á nýja árinu.
Stjórnin.
Laugardaginn 3. febrúar, var
skátaheimilið í „Stúkuhúsinu”
formlega vígt.
í tilefni þessara merku tíma-
móta í sögu skáthreyfingarinnar
var haldið boð inni fyrir bæjar-
stjórn og fleiri gesti.
Elías Baldvinsson, formaður hús-
nefndar, bauð gesti velkomna og
bað þá að gera sér að góðu, er
fram var reitt, en það var hið
bezta heimabakað brauð, framreitt
af föngulegum kvenskátum. Elías
fór síðan nokkrum orðum um
heimilið, lýsti húsaskipan, og gangi
framkvæmda. Á s.l. ári var skát-
hreyfingunni úthlutað um helm-
ing af kjallara „Stúkuhússins”,
hefur í haust verið unnið ötullega
að innréttingu af félögunum, eldri
sem yngri, svo og öðrum. Hefur
innréttingin tekist með prýði, hafa
skátarnir þarna til umráða, 3 fund
arherbergi, eldhús, er einnig má
nota sem fundarherbergi, 2 snyrti-
herbergi, geymslu og fjölritunar-
herbergi, þar sem áætlað er að
vinna að smærri að stærri fjölrit-
unarverkefnum fyrir félagsstarf-
semina og aðra er þessarar þjón-
ustu óska.
Einnig gat hann þess, að innan
tíðar fengi félagið til afnota sal í
kjallara hússins er tæki um 50 til
60 manns í sæti.
Elías þakkaði siðan öllum, sem
unnið hafa að því að láta þennan
langþráða draum verða að veru-
leika, einkum þakkaði hann bæj-
arstjórn fyrir velvilja og fynr-
greiðslu alla.
Sigurgeir Kristjánsson, forseti
bæjarstjórnar, tók næstur til máls
og sagði það vera sér mikil ánægja
að afhenda skátahreyfingunni
húsakynni þessi til afnota, færði
hann hreyfingunni sínar beztu árn
aðaróskir og vonaði að allt starf
í húsakynnum þessum mætti verða
æsku þessa bæjar og byggðarlagi
til heilla.
Aðrir veizlugestir er tóku til
máls, voru: Helgi Benediktsson,
Jón Runólfsson og Magnús Magn-
ússon, bæjarstjóri.
Halldór Ingi Guðmundsson, skáta
foringi, þakkaði fyrir hönd Skáta-
félagsins Faxa, alla þá fyrir-
greiðslu, er þeim hafi verið veitt
svo og fögur orð og árnaðaróskir.
Mikil gróska er nú yfir starfi
„Faxa”, nær 200 börn og unglingar
eru virkir meðlimir, pá starfar
einnig deild eldri skáta með um
80 félögum, einnig er starfandi
hjálparsveit og sjóskátasveit.
Bœjarfréttir.
Nýr knattspyrnuþjálfari.
Í.B.V. hefur ráðið knattspyrnu-
þjálfara, Hreiðar Ársælsson frá
Reykjavík.
Hann er þegar tekinn til starfa.
Landakirkja.
Messa kl. 2 nk. sunnudag. Séra
Jóhann Hlíðar predikar.
Andlát og jarðarfarir.
Sveinn Ársælsson, útgerðarmað-
ur, Túngötu 16, andaðist að heim-
ili sínu 3. þ.m. Jarðarförin fer
fram frá Landakirkju á morgun
kl. 2 e.h.
Um 60 bátar
munu nú vera byrjaðir róðra og
hefur afli verið allgóður síðustu
daga.
i ______..._.._____________„
I
i Framsóknar-
blaðið
Rhnefnd:
Sigurgeir Kristjánsson,
Jóhunn Björnsson, áb.
Afgreiðslu annast:
Sveinn Guðmundsson.
Gjaldkeri:
Hermann Einarsson.