Morgunblaðið - 13.01.2011, Blaðsíða 27

EHF-STJÓRNANDI
Víðir Sigurðsson
vs@mbl.is
„Þegar ég sat og fylgdist með lands-
liðinu í fyrri leiknum við Þjóðverja
síðasta föstudag fékk ég mjög góða
tilfinningu fyrir liðinu og er viss um
að það nær langt í Svíþjóð,“ sagði
Helga Magnúsdóttir handboltafröm-
uður þegar Morgunblaðið spurði
hana um hennar mat á möguleikum
landsliðsins á HM.
„Mér fannst strákarnir mjög ein-
beittir, þeir höfðu mjög gaman af
þessu, og það var gott andrúmsloft í
kringum liðið. Ég missti af seinni
leiknum en mér skilst að hann hafi
verið enn betri og þetta lofar góðu.
Ég fæ yfirleitt pínu sting í magann
þegar liðinu gengur svona vel
skömmu fyrir stórmót, þá fer ég að
kvíða fyrir því að nú bregðist eitthvað
þegar á hólminn er komið, en ég er
ekki farin að fá hann ennþá. Ég trúi
því að þeir standi sig mjög vel,“ sagði
Helga.
Ekkert venjulegur milliriðill
Þegar á hana var gengið með spá
um sæti til handa íslenska liðinu svar-
aði hún: „Ég hef sagt í mörg ár að það
sé komið að því að við fáum verð-
launapening á HM. Ég spái liðinu
hiklaust verðlaunasæti, ég ætla ekk-
ert að draga af því í þetta skipti. Hóp-
urinn á eftir að smella enn betur sam-
an og halda þessum stöðugleika.
Stundum hefur það brugðist þegar
mótið hefst en ekki núna. Þetta er
orðið svo sjóað lið, margir reyndir og
sterkir leikmenn, og þeir vita hvað
þeir geta.
Auðvitað verður milliriðillinn ekk-
ert venjulegur, þegar við mætum
Spáni, Frakklandi og Þýskalandi, en
ég hef fulla trú á drengjunum. Við er-
um búin að fá verðlaunapeninga á Ól-
ympíuleikum og Evrópumóti, og nú er
komið að HM. Svo förum við aftur á
Ólympíuleika. Hvernig litur verður á
peningnum verður svo að koma í ljós,“
sagði Helga.
Hún hefur ekki látið stóru mótin
framhjá sér fara og hefur farið á þau
flest á seinni árum. Að sjálfsögðu er
Helga búin að panta sér far til Sví-
þjóðar.
Förum á nánast öll stórmót
„Jú, við hjónin ætlum að fara á mót-
ið, reyndar ekki fyrr en milliriðlarnir
hefjast, enda erum við viss um að ís-
lenska liðið komist þangað. Við erum
búin að fara á nánast öll karlamótin í
seinni tíð, nema hvað við vorum ekki á
EM í Noregi 2008. Ég fór meira að
segja með liðinu til Sviss fyrir 25 ár-
um, 1986,“ sagði Helga, sem ferðast
gott betur en það til að sinna stóra
áhugamálinu sínu, handboltanum.
Hún hefur nefnilega nóg fyrir stafni í
störfum fyrir Evrópska handknatt-
leikssambandið, EHF, auk þess sem
hún á sæti í framkvæmdastjórn ÍSÍ.
„Já, ég er í mótanefnd EHF, ein af
fimm sem sitja þar, og mitt hlutverk
þar er að bera ábyrgð á Evr-
ópumótum kvenna. Þetta er stærsta
nefndin hjá EHF og hún tekur á öll-
um mótamálum sambandsins.“
Erlendis vegna handboltans í
rúma 100 daga á ári
„Síðan sé ég um eina unglinga-
keppni á hverju ári. Síðasta sumar
var ég með strákakeppnina í Svart-
fjallalandi og næsta sumar verð ég í
Hollandi þar sem U19 ára lið stúlkna
spila til úrslita.
Ég er nýbúin að taka saman hvern-
ig síðasta ár var hjá mér og þá var ég
erlendis vegna starfa í kringum hand-
boltann í 120-130 daga. Þar af voru
ríflega 100 dagar vegna starfa minna
hjá EHF, og þar að auki fór ég fyrir
ÍSÍ sem fararstjóri með lið á Partille
Cup og Gothia Cup í Gautaborg. Það
er mikið um fundahöld og ferðalög til
að taka út aðstöðu vegna móta, og svo
er ég oft eftirlitsmaður á Evrópu-
leikjum til viðbótar við það,“ sagði
Helga sem var einmitt eftirlitsmaður
á fyrri leik Íslands og Þýskalands í
Laugardalshöllinni á föstudags-
kvöldið síðasta.
Helga er ekki í fullu starfi með
handboltaverkefnunum, enda vart
tími til þess. „Nei, ég tek fyrst og
fremst að mér ýmiss konar verkefni
sem falla til. Svo passa ég barnabörn-
in og reyni að sinna eiginmanninum
og heimilinu þegar ég er á annað borð
heima. Þetta á ágætlega við mig, mér
leiðist aldrei þó ég sé ekki í fastri
vinnu, og svo nýt ég þess mikið betur
að vera heima hjá mér þegar ég hef
verið í burtu. Eins og til dæmis í
kringum Evrópukeppni kvenna í
Noregi og Danmörku í desember
þegar ég var þar í þrjár vikur. Það
var mikil törn og gott að koma heim
að henni lokinni.“
 Helga Magnúsdóttir telur að röðin sé
komin að Íslandi að komast á verðlaunapall
HM  Hefur ekki fengið sting að þessu sinni
Veit ekki hver liturinn verður
Morgunblaðið/RAX
Mætir Helga Magnúsdóttir ætlar til Svíþjóðar áður en keppnin í milliriðlunum
hefst og er sannfærð um að í þetta sinn sjái hún liðið á verðlaunapalli HM.
MORGUNBLAÐIÐ | 27
Þorbjörg Ágústsdóttir margfaldur Íslands-
og Norðurlandameistari í skylmingum:
„Ég vil þakka Saffran kærlega fyrir
stuðninginn. Ég finn hvað maturinn frá
Saffran gerir mér gott. Góður árangur í
íþróttum er samtvinnaður góðri næringu.
Ég er í engum vafa um að góð næring hafi
átt stóran þátt í árangri mínum.“
Mark Wesley Johnson, bikarmeistari og í
hópi 15 bestu stangastökkvara í Banda-
ríkjunum: „Sem atvinnumaður í íþróttum og
þjálfari þekki ég mikilvægi þess að við-
halda fjölbreyttu og næringarríku mataræði.
Það byggir upp vöðva og minnkar um leið
fitumagn, en að auki er það nauðsynlegt
fyrir ákjósanlega andlega starfsemi.
Saffran er með mjög næringaríkan mat, án
þess að fórna bragði. Saffran er án efa
uppáhalds heilsuveitingastaðurinn minn og
hef ég prófað þá marga, alla leið frá San
Diego til Íslands.“
Lára Örlygsdóttir, þjálfari í Sporthúsinu:
„Ég hef nýtt mér veisluþjónustu Saffran
sem stóðst allar þær væntingar sem hægt er
að gera og meira til. Ég ráðleggg öllum
sem ég þjálfa að borða á Saffran og eru
allir sammála um að nú sé loksins hægt að
fá hollan og næringarríkan „skyndibita“
sem hægt er að verða saddur af.“
Hólmfríður Magnúsdóttir, landsliðskona
í fótbolta: „Það er mikilvægt fyrir mig
sem afrekskonu í íþróttum að borða hollan
mat sem er framleiddur úr fersku hráefni
og án aukaefna. Það fæ ég á Saffran, auk
þess sem maturinn þar er líka framandi og
bragðast einstaklega vel.“
Elvar Þór Karlsson, Íslandsmeistari í
CrossFit 2010 og Lífstílsmeistari 2010:
„Saffran hefur hjálpað mér gríðarlega
að ná inn þeirri hágæða næringu sem ég
þarf til að stuðla að stífum æfingum og
viðhalda hámarksþreki, þoli og styrk. Það
besta er að matseðillinn er mjög góður og
fjölbreyttur þannig að ég hlakka alltaf
til máltíðarinnar. Saffran undirstrikar
það að hollur matur ER góður.“
Magnús Bess á 31 Íslandsmeistaratitla í
vaxtarækt og var Norðurlandameistari
2008. Katrín Eva er Íslandsmeistari og
vann Arnold Classic 2010: „Mataræðið
skiptir mjög miklu máli ef þú ætlar að
ná árangri í Fitness og vaxtarrækt.
Saffran sameinar hollan og mjög bragð-
góðan mat. Við mælum tvímælalaust með
Saffran við alla sem við þjálfum.“
Gunnleifur Gunnleifsson landsliðsmark-
maður í fótbolta: „Til að halda mér í
fremstu röð í minni grein á Íslandi þarf
ég að æfa mjög vel, vera í góðu andlegu
jafnvægi og huga vel að næringu. Ég hef
vanið komur mínar á Saffran frá því að
staðurinn opnaði á Dalvegi. Maturinn er
mjög bragðgóður og að auki er hann virki-
lega næringaríkur sem hjálpar mér við það
sem ég tek mér fyrir hendur.“