Austurland - 15.08.1985, Blaðsíða 3

FIMMTUDAGUR, 15. ÁGÚST 1985.
Fimmtudagur 15. ágúst kl. 2100
„STREETS OF FIRE "
Sunnudagur Sunnudagur
18. ágúst kl. 1500 18. ágúst kl. 2100
„DANTE OG „HJARTAÞJÓFNAÐIR“
SKARTGRIPAÞJÓFARNIR" Sakamálamynd um svartan
með hjörtu manna
Frá Þroskahjálp
Tímaritið Þroskahjálp 2.
tölublað 1985 er komið út. Út-
gefandi er Landssamtökin
Þroskahjálp.
í ritinu er að finna ýmsar
greinar, upplýsingar og fróðleik
um málefni fatlaðra.
Sem dæmi um efni má nefna:
Viðtal við foreldra sem eiga
þroskaheftan son og viðtal við
ungan mann sem bjó á Kópa-
vogshæli frá unga aldri en býr
núna í sambýli. Hann segir
m. a. frá skólagöngu sinni í
Réttarholtsskólanum og áhuga
sínum á að verða rafvirki. Bald-
ur Guðnason, frjálsíþróttamað-
ur, sem er fatlaður eftir slys,
skýrir frá því hvað íþróttir eru
mikilvægur þáttur í lífi fatlaðra.
Greint er frá ráðstefnu um
frístundir vangefinna sem hald-
in var í maí sl.
Tímaritið er til sölu á skrif-
stofu Landssamtakanna Þroska-
hjálpar Nóatúni 17,105 Reykja-
vík. Áskriftarsíminn er:
91-29901. Fréttatilkynning.
□□□□□□□□□
□□□□□□
□□□□□□□□□
EGILSBUÐ
@7322 — Neskaupstað
Um söfn á Austurlandi
Þann 19. júní var haldinn á
Egilsstöðum aðalfundur Safna-
stofnunar Austurlands (SAL).
Voru þar til umfjöllunar safna-
mál og önnur er varða minja-
vernd í Austfirðingafjórðungi.
Á starfssvæði SAL eru nú
fjögur söfn opin árið um kring,
öll nokkuð sérhæfð.
Að Bustarfelli í Vopnafirði er
varðveittur gamall torfbær og
gefur góða mynd af fornu ættar-
setri, en einnig má þar skoða
ýmsa muni frá upphafi tækni-
væðingar heimilanna.
Á Eskifirði er sjóminjasafn,
til húsa í Gömlu-Búð, sem er
danskt verslunarhús frá því um
1830, nýlega uppgert. Þar er að
finna minjar er tengjast síld- og
hvalveiðum fyrri tíma, en einnig
muni frá iðnaði ýmiss konar og
verslun.
Á Norðfirði er náttúrugripa-
safn, og á Höfn er Byggðasafn
Austur-Skaftfellinga í gömlu
verslunarhúsi er flutt var frá
Papósi í Lóni og fært í uppruna-
legt horf. Auk minja um sögu
og starfsemi hússins má þar sjá
fjölda forvitnilegra muna af
ýmsum toga. Má þar nefna hluti
tengda fiskveiðum Frakka við
íslandsstrendur fyrr á tímum.
Söfn þessi má skoða daglega á
vissum tímum og gegn vægu
gjaldi.
Á Egilsstöðum er staðsett
Ljósmyndasafn Austurlands,
nú með um 600 myndir skráðar.
Unnið hefur verið að gerð
filmusafns jafnframt, sem mun
gera eftirtökur gamalla mynda
ódýrar og auðveldar og hlífir
einnig frummyndum við óþarfa
hnjaski. SAL gekkst fyrir sýn-
ingu á um 100 myndum úr safn-
inu sl. vor og sóttu hana um 140
manns. Safnastofnun átti enn-
fremur bás á Iðnsýningu
Austurlands fyrir skemmstu og
voru þar einkum sýndir munir
frá Sjóminjasafninu og Tækni-
minjasafni á Seyðisfirði. All-
margir gáfu sig þar fram við
minjavörð og kváðust eiga muni
er þeir vildu gefa á safn, og er
vonast til að þeir munir skili sér
á næstunni.
Unnið er að opnun fleiri safna
í fjórðungnum. Lengst á veg
komið er Byggðasafn Austur-
lands á Egilsstöðum, en þar hef-
ur verið unnið við söfnun, við-
gerð og skráningu á undanförn-
um árum. Mikið starf er þó
óunnið, einkum við viðgerðir,
áður en hægt verður að opna
safnið í nýbyggðu húsnæði og er
orðið brýnt að ráða fastan
starfsmann við safnið.
Á Seyðisfirði verður innan
fárra ára opnaðTækniminjasafn
Austurlands í húsi Ottós
Wathne, sem hefur verið gert
við og komið í upprunalega
mynd. Safnið á þegar nokkuð af
munum frá upphafi tæknialdar,
en nokkuð skortir á fjölbreytn-
ina, enda er hugtakið tækni afar
vítt.
Komið hefur til tals að stofna
verslunarsafn á Djúpavogi, en
þar hafa safnast saman gamlar
verslunarminjar. Þar eru nú að
hefjast framkvæmdir við upp-
byggingu Löngubúðar, sem er
pakkhús byggt um 1850, að
hluta til úr viðum enn eldri húsa,
er staðið hafa á sama stað áður.
Af öðrum verkefnum á starfs-
svæði SAL má nefna uppbygg-
ingu gamla vitans á Dalatanga.
Fyrirhugað er að viðgerð fari
fram í sumar, enda má verkið
ekki dragast lengi, eigi að bjarga
vitanum frá falli. Viti þessi var
reistur árið 1895 fyrir tilverknað
Ottós Wathne og var þá aðeins
einn viti fyrir á landinu, þ. e.
Reykjanesviti. Þykir vel við
hæfi að ráðast í viðgerð nú, en
þann 1. september í ár eru 90
ár síðan kveikt var á vitanum í
fyrsta sinn.
Upbyggingu Selsbæjarins í
Skaftafelli, sem er torfbær af
fjósbaðstofugerð, er nærri
lokið. Þó þarf að bæta þar
nokkuð um, þar sem hleðslur
hafa bilað og þekja sigið og er
það forgangsverkefni. Þá þarf
að búa bæinn innanstokksmun-
um og verður hann tekinn til
sýningar að því loknu.
Nýlega var skoðuð kirkjan á
Stafafelli í Lóni, en nokkur um-
ræða um framtíð hennar hefur
átt sér stað á undanförnum
árum. Þar er um að ræða kirkju
frá árunum 1866 - 1868, eða frá
þeim tíma, þegar timburkirkjur
voru að leysa torfkirkjurnar af
hólmi. Þarf að huga að því máli
frekar fyrr en seinna, því við-
gerð verður erfiðari og kostnað-
arsamari því lengur sem tímans
tönn fær að vinna sitt verk á
byggingunni. í Lóni stendur
ennfremur gamalt samkomuhús
sveitarinnar á fögrum stað. Það
er steinhús, byggt árið 1913 af
SUND
SUND
SUND
Sundráð Þróttar bregður nú á það ráð til
fjáröflunar að synda 10 aura sund
Það er áheitasund og er vel þekkt sums staðar
á landinu
Það fer þannig fram, að sundfólk Þróttar
syndir í hálfa klukkustund og hvert þeirra fær
einstaklinga til að heita 10 aurum á hvern
metra sem það nær að synda
Allir sem vilja geta fylgst með sundinu, en
það hefst í Sundlaug Neskaupstaðar nk.
mánudag kl. 1630
Það er einlæg von okkar, að bæjarbúar taki vel
undir þetta og hjálpi, og vinni þannig
sundíþróttinni gagn hér í bæ
Sundráð Þróttar
Næstu helgi bjóðum við upp á
lambalæri bernaise og kalt roastbeef
"ykartöflusalati sem rétti dagsins
auk matseðils hússins
Við minnum á að opnunartími í
matsölunni er ll00 — 2 200 alla daga
Kaffi og meðlæti
815 — 2330 mánudaga — föstudaga
900 — 2 3 30 laugardaga og sunnudaga
Fyrir samkvæmið útbúum við
snittur og brauðtertur
Reynið viðskiptin!
Hafnarkaffi
Restaurant ® 7320
Neskaupstað
framtakssömum heimamönn-
um, sérkennilegt og fallegt. í
húsinu fór fram ýmiss konar
starfsemi allt til ársins 1977, en
síðan hefur það staðið autt og
hafa vatn og vindar leikið það
grátt á undanförnum árum.
Ekki hefur verið tekin ákvörðun
um varðveislu hússins, en hér
eru vissulega á ferðinni verð-
mæti, sem óviturlegt væri að láta
fara forgörðum. Ályktaði aðal-
fundur SAL að rétt væri að leita
leiða til verndunar hússins og að
samstarf við heimamenn í því
skyni væri ákjósanlegast.
Að lokum má geta þess, aö
minjavörður SAL tekur við
ábendingum um áhugaverð
verkefni í fjórðungnum. Væri
einkum vel þegið, ef einhver
byggi yfir vitneskju um sögu
Dalatangavita, sem að gagni
mætti koma við fyrirhugaða
endurreisn vitans.
Fréttatilkynning.