Okkar á milli - 01.04.1988, Blaðsíða 10
Nr.: 1713
Fullt verð: 988 kr.
Okkar verð: 848 kr.
Ævintýralegt
konungsríki á ruslahaugnum
Rympa á ruslahaugnum er skemmtileg bamabók eftir Herdísi
Egilsdóttur kennara myndskreytt af Brian Pilkington. Það er býsna
fróðlegt að kynnast henni Rympu, því að hún er svolítið öðruvísi en
fólk er flest og lætur sér fátt fyrir brjósti brenna. Bogga og Skúli voru
fljót að komast að því daginn sem þau ákváðu að fara hvorki í
skólann né heim til sín. Ruslahaugurinn er nefnilega konungsríkið
hennar Rympu og þar getur lífið orðið ævintýri líkast. Herdís Egils-
dóttir hefur áður sýnt það og sannað, að henni lætur vel að skrifa
fyrir börn. Hér hefur henni tekist að skapa sérstæða og sprelllifandi
persónu, sem allir krakkar hafa gaman af.
Nr.: 1714
Fullt verð: 1.160 kr.
Okkar verð: 640 kr.
Hver er
frægasti spæ jari Þýskalands?
Já, hver skyldi vera frægasti leynispæjari Þýskalands? Sumir
mundu eflaust svara um hæl og segja, að það væri Derrick. En um
það eru að sjálfsögðu áhöld eins og allt annað. Og sá sem skákar
honum er auðvitað sjálfur meistaraspæjarinn Baldvin Píff. Veröld
gefur félagsmönnum sínum nú kost á að kynnast honum með því
að kaupa tvær bækur um hann næstum á sama verði og ein kostar.
Bækurnar heita Dularfullur draugagangur og Spiladósin spræka,
höfundurinn er Wolfgang Ecke, en íslenska þýðingu gerði Þor-
steinn Thorarensen. Þetta eru stórskemmtilegar bækur, sem eng-
inn verðursvikinn af.
Nr.: 1715
Fullt verð: 1.880 kr.
Okkar verð: 1.598 kr.
Kanntu
að rækta garðinn þinn?
Fyrir síðustu jól kom út ný og endurbætt útgáfa bókarinnar Rækt-
aðu garðinn þinn eftir Hákon Bjarnason fyrrum skógræktarstjóra.
Bókin fjallar um trjárækt í görðum. Sagt er frá gerð og lífi trjánna,
næringarþörf þeirra, uppeldi trjáplantna, gróðursetningu, hirðingu
og grisjun. í þessari þriðju útgáfu er bókarauki um trjárækt við
sumarbústaði. Hákon Bjarnason hefur um tugi ára verið forystu-
maður í trjárækt hér á landi og er því sakir reynslu og þekkingar
öðrum færari til að veita leiðbeiningar um ræktun trjáa, sem að
gagni koma. Auk bókaraukans eru plöntuteikningar í bókinni allar
nýjar og gerðar af Eggerti Péturssyni.
10