Einherji - 13.11.1956, Qupperneq 4

* *
9. tölublað.
25. árgangur
idig&n Þriðjudagur 13. nóvember 1956.
3í.
Eysteinn Jónsson, fimmtugur
Framhald af 1. síðu
Framsóknarflokkurinn hefur
verið brautryðjandi á sviði land-
helgismálanna og átti hann því
frumkvæðið að landhelgisgæzlunni
og hefur flokkurinn jafnan stutt
viðgang hennar.
Framsóknarfl. átti frumkvæðið
að setningu laga um Sildarverk-
smiðjur ríkisins og síðar að lög-
um um Síldarútvegsnefnd, ásamt
Alþýðuflokknum.
Fiskiveiðasjóði Islands var
breytt 1930, fyrir forgöngu Fram
sóknarflokksins, í lánastofnun
fyrir bátaútveginn og hefur Fram
sóknarflokkurinn jafnan staðið að
eflingu þessa sjóðs, til ómetan-
legs gagns fyrir útvegsmenn.
Framsóknarflokkurinn átti frum
kvæðið að lögum um vátrygging-
arfélög fyrir vélbáta og sömuleið-
is stuðlaði flokkurinn að því, að
talstöðvar væru settar í fiskiskip.
Framsóknarflokkurinn beitti sér
fyrir stofnun og starfrækslu Fiski
málanefndar og Fiskimálasjóðs,
og geta þeir, sem bezt til þekkja,
borið um, hvort þessar stofnanir,
ásamt Fiskiveiðasjóði, hafa ekki
verið haldgóð reipi fyrir útvegs-
menn og sjómenn, þegar á reyndi.
Framsóknarflokkurinn hefur
beitt sér fyrir því, að skipaðar
hafa verið milliþinganefndir í
sjávarútvegsmálum, þegar vanda
hefur borið að höndum og hefur
þá flokkurinn, sem endranær, rétt
sjávarútveginum styrka hendi og
stutt hann í erfiðleikum og þreng-
ingum.
Ekki ætla ég mér að halda því
fram, að þessi afstaða til sjávar-
útvegsins hafi verið mótuð af
neinum einum manni innan Fram-
sóknarflokksins. Síður en svo. —
Hinu held ég hiklaust fram, að
s.l. 25 ár hefur Eysteinn Jónsson
verið sá maðurinn í hópi þing-
manna Framsóknarflokksins, sem
ríkastan þáttinn hefur átt i að
móta þessa stefnu flokksins og
bera hana fram til sigurs, enda
hefur hann á liðnum árum gert
sér sérstakt far um að kynna sér
þessi mál. Ey9teinn Jónsson nýt-
ur því verðugs trausts meðal út-
vegsmanna og sjómanna og fjöl-
margir þessara manna senda hon-
um 1 dag hlýjar kveðjur og þakk-
ir fyrir stuðning við málstað
þeirra.
Þegar ég tók við bæjarstjóra-
starfinu í Siglufirði fyrir 7 árum
og hafði kynnt mér eftir föngum
ástandið í efnahags- og atvinnu-
málum Siglfirðinga, þá varð mér
strax ljóst, að fyrr en seinna yrði
ég að halda á fund ríkisstjórnar-
innar og skýra henni frá gangi
mála hér og ræða við hana útlit
og úrbætur í atvinnu- og efna-
hagsmálum Siglufjarðarkaupstað-
ar. Fyrstu ferð mína á ráðherra-
fund fór ég eftir áramótin 1950,
að afstöðnum bæjarstjórnarkosn-
ingum. Rætt var við alla þáver-
andi ráðherra. Allir tóku mála-
leitan Siglfirðinga vel — skyldu
ástandið — en fimm þeirra sögðu:
Það er bara allt undir fjármála-
ráðherra lcomið, hvað hægt er að
hjálpa ykkur. Hafið þér talað við
hann?
Hvað sagði fjármálaráðherra ?
Já, hvað sagði fjármálaráðherra
Eysteinn Jónsson við Siglfirðinga
árið 1950 og hver hafa svör hans
verið við árlegum málaleitunum
Siglfirðinga s.l. 7 ár. Svar ráð-
herrans árið 1950 og æ síðan var
þetta: Eg skil aðstöðu Siglfirð-
inga vel á þessum þrengingartím-
um. Eg man, að Siglufjörður hef-
ur séð fífil sinn fegurri og ég
man þá tíð, er Siglufjörður var
ein meginstoð undir útflutnings-
framleiðslunni. Því er það mín
skoðun, að það þarf að hjálpa
Siglufirði og bægja atvinnuleys-
inu og erfiðleikunum frá, eftir
því sem föng eru á. Eysteinn
Jónsson lét ekki sitja við orðin
tóm. Fyrir hans tilstilli og með-
ráðherra hans fengum við keypt-
an hingað til bæjarins b.v. Haf-
liða og reist hraðfrystihús S.R.
Fyrir hans stuðning hefur tekizt
að fá byggða upp síðari vélasam-
stæðu Skeiðsfoss. Og það voru
fyrst og frernst hans verk, að það
tókst árið 1953 að útvega hingað
milljónalán til framhaldsreksturs
togara Siglufjarðarkaupstaðar.
Að mínum dómi hefur enginn einn
stjórnmálamaður unnið Siglufirði
og Siglfirðingum meira gagn en
hann. Fyrir þetta þakka ég í dag
og ég veit, að undir þær þakkir
taka allir samherjar mínir hér í
bæ og Siglfirðingar almennt.
Eysteinn Jónsson er kvæntur
hinni ágætustu konu, Sólveigu
Eyjólfsdóttur múrara Jónssonar
í Reykjavík og eiga þau sex
mannvænleg börn, sem í senn eru
yndi foreldra sinna og bera heim-
idinu fagurt vitni.
Vinir og samherjar Eysteins
og frú Sólveigar senda þeim og
börnum þeirra í dag innilegustu
árnaðaróskir og biðja þess, að
blessun sú, sem fylgt hefur heim-
ili þeirra, megi vara sem allra
lengst. Þjóð minni óska ég þess,
að hún megi enn um langan aldur
njóta starfskrafta Eysteins Jóns-
sonar.
Jón Kjartansson
Ríkisstjórn Islands fordæmir harðlega hern-
aðarárás Rússa á Ungversku þjóðina. Einnig
fordæmir hún jafnframt árás Frakka og
Breta á Egypta
Hermann Jónasson, fors.ráðherra, ávarpar þjóðina
Eftirfarandi yfirlýsing ríkisstjórnar íslands var samþykkt ein-
róma á ráðherrafundi 5. þessa mánaðar:
„Ríkisstjórn íslands fordæmir harðlega hernað-
arárás Rússa á Ungversku þjóðina og lýsir djúpri
samúð með hetjulegri baráttu hennar fyrir frelsi
og rétti til að taka upp lýðræðislega stjórnarhætti.
Ríkisstjórnin fordæmir jáfnframt harðlega árás
Breta og Frakka á Egipta.
Hún mun stuðla að því innan Sameinuðu þjóð-
anna, að komið verði á réttlátum friði og að báðar
þessar þjóðir fái óskoruð yfirráð yfir landi sínu, án
íhlutunar erlendra stórvelda.
^ i
I samræmi við þessa yfirlýsingu hefur verið og
verður afstaða fulltrúa íslands á Allsherjarþingi
Sameinuðu þjóðanna.“
I ávarpi forsætisráðherra, Hermanns Jónassonar, var vikið nokkru
nánar að þessum málum. Niðurlagsorð ráðherrans voru þessi:
„Við fslendingar munum halda vöku okkar og
dómgreind viðkomandi því, sem nú er að gerast.
Þessir viðburðir minna okkur enn einu sinni á það,
hvers virði það er að búa í lýðræðisþjóðfélagi, þar
sem frjálsar rökræður, frjáls hugsun og lög ráða
ríkjum.“
Guðm. Þorleifsson
SJÖTUGUR
Þann 31. október s.l. átti Guð-
mundur Þorleifsson, Hávegi 12 B
hér í bæ, sjötugsafmæli.
Guðmundur er ættaður úr
Skagafirði, en fluttist hingað til
Siglufjarðar. Kvæntur er Guð-
mundur Ingibjörgu Jónsdóttur,
ættaðri úr Svarfaðardal, mikil-
hæfri ágætiskonu. Þau hafa eign-
ast einn dreng, Þráin, mikinn efn-
ismann, sem nú stundar Háskóla-
nám.
Guðmundur er Siglfirðingum að
góðu 'kunnur. Hann er mikill elju-
og dugnaðarmaður og liggur ekki
á hði sínu, að hverju sem hann
gengur.
Fyrir nokkrum árum réðist
Guðmundur í það, að rækta all-
stórt stykki í fjallshlíðinni ofan
við hús sitt við Háveg. Land þetta
var ekki árennilegt til ræktunar,
ekkert annað en aur og grjót. Má
það teljast mikil bjartsýni, að
byrja á slíku verki. En þetta hef-
ur Guðmundi samt tekizt. Hann
hefur með dugnaði sínum og ó-
venjulegu viljaþreki breytt aur-
skriðunni á stóru svæði í fagran
töðuvöll. Með þessu framtaki sínu
hefur Guðmundur reist sér fagr-
an minnisvarða, sem mun um
langa framtíð halda nafni hans á
lofti og vitna um viljaþrek hans
og athafnaþrá.
Guðmundur er að eðlisfari hlé-
drægur maður, en greindur vel
og fylginn sér í því, sem hann
tekur sér fyrir hendur.
Um leið og ég árna Guðmundi
allra heilla í tilefni af afmælinu,
vil ég þakka þeim hjónum liðnar
stundir. Það er mikilsvert fyrir
hvert byggðarlag að hafa menn
eins og Guðmund Þorleifsson inn-
an sinna vóbanda. B. J. J.
Vatteruð efni
I barnaföt,
nátttreyjur og
greiðslusloppa.
Kambriz-léreft
Bleyjugas
Verzl. G. Rögnvalds
Ábyrgðarmaður:
RAGNAR JÖHANNESSON