Einherji - 15.12.1967, Blaðsíða 2
EINHERJI
JÓLABLAÐ 1967
glilil*
JÓN KR. ÍSFELD:
J ólafögnudur
:
örfáir drœttir úr œvisögu:
„Hann var barn. — Úti var kalt og dimmt, svo
að hann varð að vera inni. Honum leiddist. Þá
sagði móðir hans honum, að bráðum kæmu jólin,
og þá fengi hann fallegt kerti til að láta loga. Þá
fór hann að hlakka til jólanna. Svo var það kvöld
nokkurt. Húsið var hreint og fágað. Kveikt voru
mörg ljós. Honum var gefið kerti. Paðir hans tók
hann á kné sér og sagði honum söguna um barnið
í Betlehem, ljósinu, sem skein af himni og lýsti
kringum hirðana. Svo sat hann lengi og hugsaði
um það, sem faðir hans hafði sagt honum og jafn-
framt horfði hann á litia kertaljósið sitt. Jólaljósið
sjálft skein í sál hans.
Hann var imgur maður, kominn burtu úr for-
eldrahúsum, út í heiminn, eins og það er kallað. —
Enn var kominn vetur og úti var dimmt og kalt.
En það hafði líka dimmt í sál hans, því að barns-1
trúin var gleymd — sakleysi bamssálarinnar hulið
myrkri efnishyggju og trúarinnar á eigin mátt og
vísinda-tækni manna. — Rafljósin báru að vísu
birtu umhverfis hann, en hann var dapur í bragði
og órólegur. Þá heyrði hann klukknahringingu. Það
var verið að hringja til aftansöngs, því að það var
aðfangadagskvöld. Hann gekk til kirkjunnar. Söng-
urinn ómaði. Jólaguðspjalhð var lesið. Þá hneigði
ungi maðurinn höfuð sitt — hann minntist bernsk-
unnar heima á jólunum. Hann bað þess að jólaljós-
ið — Jesús — lýsti upp sál sína. Hann farm frið,
fögnuð og helgi jólanna.
Hann var miðaldra maður, þreyttur af starfi og
erfiðleikum lífsins. Það var vetur. Jóhn komu.
Hann keypti jólatré. Hann og kona hans keyptu
smágjafir handa börnunum sínum. Á aðfangadags-
kvöldinu kveikti hann á marglitu kertumnn htlu
á jólatrénu og útbýtti svo gjöfunum til barnanna.
Því næst las hann úr Nýja testamentinu og for-
eldrarnir sögðu börnunum frá Jesú-barninu í jöt-
unni. iLjósin loguðu skært á jólatrénu, fögnuður
og friður umvafði fjölskylduna. En skærast var
jólaljós trúarinnar í hjörtunum.
Hann var gamall maður og sjónin var farin að
daprast. Ástkæra eiginkonan hans var dáin. Hann
dvaldi á heimili eins bamsins síns. — Eim var
kominn vetur og skammdegismyrkur. En svo komu
jólin. Ljósin vom tendruð á jólatrénu og barna-
börnin hans sungu. Þá var bjart yfir ásjónu öld-
ungsins — hann sá jólaljósið, sem mönnunum var
sent frá himni — hann heyrði jólalofsöng englanna:
„Því að yður er í dag frelsari fæddur, sem er Krist-
ur Drottinn í borg Davíðs“. Fagnaðarbylgja fór um
huga öldungsins og friður umkringdi hann. Þá bað
hann milt og blífct: „Nú lætur þú, herra, þjón þinn
í friði fara“. — Hér lýkur frásögunni.
Og jólin koma.
Hún er vissulega táknræn þessi frásaga, sem
sögð er hér að framan. Jólin koma. Þau koma með
fögnuð, birtu og frið til okkar, á hvaða aldurs-i
skeiði, sem við eram. Þau hafa fagnaðarboðskap
að flytja okkur öllum. Á jólum verður öll birta
skærari, jafnvel kertaljósið verður stjörnuskært.
Þetta bjóða jólin öllum — en einstaka menn nafn-
kristnir, vilja ekki þiggja þessar gjafir jólanna.
Þeir kveikja að vísu fleiri ljós á heimilmn sínum
á jólum, svo að bjart er hið ytra, en leyfa jóla-
ljósinu, Jesú Kristi, ekki aðgang að sál sinni. Hjá
þeirn er jólafögnuðurinn raunvemlega rekinn á dyr
samtímis því sem jólatrénu er fleygt.
Jólin hafa boðskap að færa okkur, en em ekki
aðeins formsatriði eða dægrastytting í skammdeg-
inu. Það á vissulega vel við að lýsa jólunum með
orðimum í Jóhannesarguðspjalh, þar sem segir:
„Og ljósið skín í myrkrinu". Okkur, sem búum
„við hin yztu höf“ í skammdegismyrkri, hlýfcur að
skiljast það vel, hversu mikilvægi jólaboðskaparins
er mikið, að hann skuh vera eins og Ijós gegn
myrkri. Þessi líking á sér vissulega grundvöll í
vemleikanum, en það er kærleiksboðskapur Jesú
Krists, eins og hann er að finna í Heilagri ritningu,
í hfi hans og starfi, en einnig í lifi og starfi þeirra,
sem trúlegast hafa framkvæmt þann kærleiksboð-
skap. Kærleiksboðskapurinn er ljósið, sem kom til
þess að útrýma hatri, synd og dauða, sem allt er
myrkur í manhheimi. Varanleg jólagleði kristinnar
trúar stendur andspænis erfiðu viðfangsefni. Hún
þarf að vinna bug á öllum óheilindum, en setja
sannleikann og réttlætið í hásætið. Jólin koma ein-
mitt með styrk til okkar, hvers og eins, til þess
að geta unnið fyrir sannleikann og réttlætið í við-
skiptum okkar við meðsystkin okkar, og styrk til
réttrar afstöðu okkar til Guðs.
Og jólin koma enn. Þau minna á hið mikla hlut-
verk okkar: að vera djarfir og dáðríkir þjónar
sannleikans og réttlætisins í lífi okkar. Þau koma
með fagnaðarboðskap til allra, á hvaða aldurs-
skeiði sem þeir em, hvort sem þeir eru ríkir eða
fátækir, sjúkir eða heilbrigðir: „Yður er í dag
frelsari fæddur. — Svo elskaði Guð heiminn, að
hann gaf son sinn eingetinn, itil þess að hver, sem
á hann trúir, glatist ekki, heldur hafi eilíft líf.“
Á jólum fallast æskan og elhn í faðma við birtu
og yl ástúðarinnar og fagnaðarins.
Guð gefi ykkur öllum slíkan jólafögnuð.
GLEÐILEG JÓL.
I i
:
Siglufjarðarkirkja
MESSUR UM JÓLIN: .
Aðfangadagur:
Aftansöngur kl. 6 e. h.
Jóladagur:
Hátíðarmessa kl. 2 e. h.
Annar jóladagur:
Skírnarmessa kl. 2 e. h.
Gamlaárskvöld:
Aftansöngur kl. 6 e. h.
Nýársdagur:
Hátíðarmessa kl. 2 e. h.
Séra Ragnar Fjalar Láms-
son kveður söfnuðinn.
Beztu óskir um
GLEÐILEG JÓL
og farsælt komandi ár.
Sóknarprestur
Messur um jól og áramót:
Sauðárkrókskirkja
Aðfangadagur:
Aftansöngur kl. 6 e. h.
Jóladagur:
Hátíðarmessa kl. 2 e. h.
Annar jóladagur:
Skímarmessa kl. 11 f. h.
Messa í sjúkrahúsinu
kl. 5 e. h.
Gamlaárskvöld:
Aftansöngur kl. 6 e. h.
Rípurkirkja
Jóladagur:
Messa kl. 4 e. h.
Nýársdagur:
Messa kl. 2 e. h.
Beztu óskir um
GLEBILEG JÓL
og farsælt komandi ár.
Sóknarprestur
Gleöileg jól!
Farsœlt komandi ár!
Þökk fyrir viðskiptin
Egill Stefánsson
Gleöileg jól!
Farsœlt komandi ár!
Þöfck fyrir viðskiptin
Síldarútvegsnefnd
Gleöileg jól!
Farsœlt komandi ár!
Þökk fyrir viðsfciptin
Vélsmiðjan „Neisti“