Mjölnir - 21.10.1941, Blaðsíða 3

M J Ö L N I R
3
Guðmundur Hafliðason,
hafnarvörður, látinn'
Nýlega lézt hér á Sjúkrahúsinu
Guðmundur Hafliðason hafnarvörð-
ur eftir langa legu.
Guðmundur var fæddur 7. maí
1889 hér á Siglufirði og var sonur
hjónanna Hafliða Guðmundssonar
hreppstjóra og Sigríðar Pálsdóttur.
Ólst hann upp hjá foreldrum sín-
um og hefur alið hér allan sinn
aldur.
Eftir fermingu gerðist hann
verzlunarmaður hjá Gránufélags-
verzluninni hér og starfaði að þvi
um hríð. Veturinn 1910 fór hann á
verzlunarskóla og er hann hafði
útskrifazt þaðan 1912, gerðist hann
verzlunarstjóri í verzlun Snorra
Jónssonar og var það um þriggja
ára skeið. 1917 varð hann hrepp-
stjóri eftir föður sinn og gegndi
því starfi til 1919, er Guðmundur
Hannesson varð hér bæjarfógeti
eftir að Siglufjörður hafði fengið
kaupstaðarréttindi. Varð hann síð-
an hafnarvörður hjá bænum og
gegndi því starfi síðan. Hann var
og varafulltrúi í bæjarstjórn um
margra ára skeið. Árið 1912
kvæntist Guðmundur heitinn eftir-
lifandi konu sinni Theodóru Páls-
dóttur Árdals og áttu þau saman
5 börn, sem öll eru á lífi og upp-
komin, auk þess tóku þau einn
dreng til fósturs og ólu hann upp.
Guðmundur heitinn hafði fyrir mörg-
um árum kennt sér þess meins, er
dró hann til dauða, en það var
fyrst síðustu tvö árin, að sjúk-
dómurinn færðist verulega í auk-
ana og má heita, að hann lægí
rúmfastur mest allan þann tíma.
Með Guðmundi heitnum er til
moldar borinn góður drengur og
vill blaðið votta vandamönnum
hans öllum og vinum samúð sina
og hluttekningu.
Berklavarnardagurinn
í sambandi við berklavarnar-
daginn, þann 5. október sl., kom
fram tillaga frá Ólafi Geirssyni,
lækni í Rvík, varðandi fjárframlög
til hins fyrirhugaða vinnuheimilis
berklasjúklinga. Leggur læknirinn
til, að fjásöfnun þessari verði nú
í haust hrundið svo langt áleiðis,
að heimilið geti risið upp hið allra
fyrsta, en með merkja- og blaða-
sölu L. I. B. S. einni saman mundi
slíkt dragast um ófyrirsjáanlegan
tíma, en allra framkvæmda í þessu
máli þegar fyrir löngu brýn þörf.
Hann leggur til, að landsmenn
gefi í vinnuheimiliesjóðinn, sem
svarar tii eins dags tekjum þeirra.
Síðan þessi tillaga kom fram
hafa á þennan hátt safnazt þús-
undir króna og með söfnuninni 5.
okt. mun upphæðin vera orðin
milli 45—50 þús. kr.
5. okt. sl. söfnuðust hér kr. 625
Bæjarbúar ættu að taka vel til-
lögu Ólafs Geirssonar, læknis og
koma framlögum sinum í Bóka-
verzl. Hannesar Jónassonar og
Bókaverzl. Lárusar Blöndals.
Yfirlýsing.
Að gefnu tilefni lýsum við
undirritaðir því yfir, að við
greiddum atkvæði i bæjarstjórn
með herra Daníel Daníelssyni,
sem sjúkrahúslækni. Okkur er
með öllu óskiljanleg sú fram-
'koma meirihluta bæjarstjórnar
að víkja honum frá sjúkrahús-
inu, þar sem vitað er og viður-
kennt af öllum bæjarfulltrúun-
um, að Daníel nýtur almenns
trausts og vinsælda hér í bæn-
um. Við erum sannfærðir um,
að þetta mjög svo einkennilega
athæfi meirihluta bæjarstjórnar,
er ekki í samræmi við vilja
meirihluta bæjarbúa.
Þ. Guðmundsson
G. Jóhannsson
Þróttar-félagar!
Félagsgjöldum erveitt móttaka
á félagsskrifstofunni. Þeir, sem
eiga ógreidd gjöld, mega bú-
ast við að verða sviftir vinnu-
réttindum.
| Guðrún Pálsdóttir |
frá Kambi
27. okt. s.l. lézt hér að heimili sínu
Guðrún Pálsdóttir frá Kambi, kona
Ásgríms Þorsteinssonar skipstjóra.
Guðrún heitin var komin yfir
áttrætt og var hún fædd á Siglu-
nesi og hafði átt heima hér Siglu-
firði s.l. 60 ár.
Guðrún heitin var mesta dugn-
aðar- og eljukona og hið bezta
látin af öllum.
7. nóvember
Eins og að undanförnu mun
Sósíalistafélag Siglufjarðar minnast
afmælis rússnesku verkalýðsbylt-
ingarinnar. 7. nóv. n. k. efnir fé-
lagið til kvöldskemmtunar, sem
verður auglýst nánar síðar.
Vill blaðið hér með skora á alla
að fjölmenna á skemmtunina og
sýna þannig samúð sína þeim
þjóðum, er nú berjast í fylkingar-
brjósti mannkynsins gegn grimmd
og villimennsku fasismans.
Til félaga í Sósíalistafélaginu.
Þeir félagar, sem enn eiga ó-
greidd gjöld sín til félagsins eru
áminntir um að gera það hið fyrsta.
Veturinn eru nú að hefjast og þá
jafnframt regluleg fundarstörf í fé-
laginu. Og vill blaðið skora á alla
félagsmenn að sækja vel fundi og
taka yfirleitt sem mestan þátt í
því starfi, sem nú er framundan,
því að oft var þörf að vel væri
starfað, en nú er nauðsyn.
Takið eftir.
Allir þeir, sem enn skulda
áskriftagjöld fyrir Þjóðviljann, eru
beðnir að greiða þau nú þegar,
því að nú fer fram loka uppgjör
fyrir blaðið. Útsölumaður blaðsins
tekur við áskriftagjöldunum.
Kaupið, lesið og út-
breiðið Nýtt dagblað
Sigluf j arðarprentsmiðj a.
Gjaldkeri.