Almanak Hins íslenska þjóðvinafélags - 01.01.1992, Side 140
142.054 íslendingar ferðuðust til útlanda á árinu (142.579).
Farþegar til íslands á árinu voru alls 283.772 (273.082). Af
þeim voru 50,1% íslendingar en 49,9% útlendingar.
Flug
Hagnaður varð á rekstri Flugleiða á árinu og nam hann
505,9 milljónum króna eða 4,2% af veltu fyrirtækisins. Ef
tekið er tillit til sölu eigna, nam hagnaðurinn 401,0 milljón
og er þetta mun betri niðurstaða en árið áður. Ástæður
þessarar góðu afkomu eru taldar vera lækkandi gengi
bandaríkjadals, hagstæð ytri skilyrði á Islandi með stöðugu
verðlagi og minni eldsneytiskostnaður nýju flugvélanna.
Félagið flutti 151.328 farþega í Norður-Atlantshafsflugi
(140.999 árið áður), 325.507 í Evrópuflugi (291.305),
256.771 í innanlandsflugi (252.237) og 46.365 í leiguflugi
(47.820). Heildarfarþegafjöldi var því 779.971 (733.018),
og er það 6,0% fjölgun frá árinu á undan. Sætanýting var
65,6% í Norður-Atlantshafsflugi, 57,8% í Evrópuflugi,
51,9% í innanlandsflugi og 65,7% í leiguflugi. Starfs-
mannafjöldi félagsins í árslok var 1.279 (1.283 árið áður). I
árslok var flugvélakostur félagsins 3 Boeing 737-400, 2
Boeing 757-200 og 5 Fokker Friendship F-27-200.
Síðla árs hætti Arnarflug starfsemi sinni og var lýst gjald-
þrota. Flugleiðir tóku við áætlunarleiðunum til Amster-
dam og Hamborgar hinn 31. ágúst.
Siglingar
Hagnaður varð á rekstri Eimskipafélags Islands á árinu,
og nam hann 341 milljón króna, sem er 4,7% af veltu fé-
lagsins. Hefur þá verið gert ráð fyrir hagnaði af sölu eigna
og af rekstri dótturfyrirtækja. Þetta var enn betri afkoma
en á árinu 1989.
Heildarflutningar félagsins á árinu voru 993.000 tonn
(árið áður 949.000 tonn). Er þetta um 5% aukning frá ár-
inu á undan. Félagið flytur farþega með tveimur skipa
sinna og voru þeir alls 501 á árinu.
(138)