Almanak Hins íslenska þjóðvinafélags - 01.01.1992, Qupperneq 141

Eimskip og dótturfyrirtæki þess höfðu í árslok 15 skip í
rekstri, 75.460 burðartonn.
Flutningar hjá Skipaútgerð ríkisins námu 120.013 tonn-
um af vörum (129.742 árið áður) og er þetta um 7,5%
minna magn en árið áður. Reglubundnar siglingar voru á
36 hafnir. Haldið var upp á 60 ára afmæli fyrirtækisins á
árinu. - Bílferjan Norröna flutti 6.525 farþega til landsins
(7.189 árið áður) og 2.355 vélknúin ökutæki (2.302). .
Hinn 4. apríl var nýja Breiðafjarðarferjan Baldur afhent.
Hún var smíðuð í skipasmíðastöð Þorgeirs og Ellerts á
Akranesi.
Samgöngur á landi
8.166 nýir fólksbflar voru fluttir til landsins á árinu (6.226
árið áður) og 653 notaðir fólksbflar (485). Alls voru flutt
inn 8.819 fjórhjóla ökutæki (7.476). Nokkur aukning varð
þannig í bílainnflutningi. Mest selda tegundin af nýjum
fólksbílum var Toyota frá Japan með 1320 bíla (822) eða
20,1%. Mitsubishi frá Japan kom næst, en af henni voru
fluttir inn 1.279 bílar (1.108 árið áður). Síðan kom Subaru
frá Japan með 752 bfla. Af einstökum bílum var Toyota
Corolla vinsælastur, en af honum voru flutt inn 810 eintök.
Slys og slysavarnir
Á árinu létust 57 íslendingar af slysförum (49 árið áður).
Af þeim drukknuðu 12 (7), 28 fórust í umferðarslysum
(30), 4 í flugslysum (1) og 13 í öðrum slysum (11).
Slys á sjó
Vélbáturinn Doddi SH 222 frá Rifi sökk á Breiðafirði 7.
febrúar. Prír menn voru á bátnum og var þeim öllum
bjargað um borð í Auðbjörgu frá Ólafsvík. - Hinn 4. marz
sökk vélbáturinn Guðmundur B. Þorláksson ÍS 62 í Jökul-
fjörðum. Þriggja manna áhöfn var bjargað um borð í Báru
ÍS 66. - Höfrungur GK 27 strandaði 8. marz í innsigling-
unni til Grindavíkur. Ekki urðu slys á mönnum og skipið
náðist út fljótlega. - Hinn 15. marz sökk 9 tonna plastbát-
(139)