Almanak Hins íslenska þjóðvinafélags - 01.01.1992, Síða 172

Pálsson á Löngumýri, Tár, bros og takkaskór eftir Porgrím
Þráinsson.
Móttökustjóri hættir. Hans Kr. Eyjólfsson móttökustjóri
forsætisráðherra hætti 15. janúar eftir 20 ára starf hjá 8 for-
sætisráðherrum.
Niðjar Hallgríms og Guðríðar. I niðjatali Hallgnms Pét-
urssonar sálmaskálds og Guðríðar Símonardóttur eftir Ara
Gíslason kemur fram, að komnir eru 13 ættliðir frá þeim
og afkomendur orðnir rúmlega 7.000.
Norðurlandaráð. Þing ráðsins, hið 38. í röðinni, var að
þessu sinni haldið 27. febrúar til 3. marz í Reykjavík. Allir
forsætisráðherrar Norðurlanda mættu nema Ingvar Carls-
son. Forseti þingsins var Páll Pétursson. Verðlaun ráðsins
þetta ár fengu Tomas Tranströmer ljóðskáld frá Svíþjóð og
Olav Anton Thommessen tónskáld.
Sambandið leyst upp. I lok ársins voru stofnuð ný hluta-
félög í stað ýmissa deilda SÍS. Goði hf. kom í stað Búvöru-
deildar, íslenzkar sjávarafurðir hf. í stað Sjávarafurða-
deildar, Samskip hf. í stað Skipadeildar SÍS. Þá verða
Mikligarður og Jötunn að hlutafélögum í verzlunarrekstri.
Skafið fyrir milljón á dag. Happdrætti Háskóla íslands
seldi skafmiða fyrir 365 milljónir á árinu eða milljón á dag.
Stórfé til íslenzkukennslu í Oxford. í marz gaf dr. Gad
Rausing, sænskur fornleifafræðingur og iðnhönnuður,
400.000 sterlingspund til þess að endurreisa rannsóknar-
og kennslustöðu í íslenzku í Oxford. Staðan er kennd við
dr. Guðbrand Vigfússon.
Stœrsta upplagið. Símaskráin kom að þessu sinni út í
157.000 eintökum.
Sveitarstjórnir. Hinn 6. október fór fram atkvæða-
greiðsla um sameiningu Hrafnagilshrepps, Saurbæjar-
hrepps og Öngulsstaðahrepps í Eyjafirði. Sameiningin var
samþykkt í öllum hreppunum, en kjörsókn var dræm. Síð-
ar var ákveðið, að nýi hreppurinn skyldi heita Eyjafjarðar-
sveit. Fyrstu kosningar í sveitinni fóru fram 18. nóvember
og voru 632 á kjörskrá. Atkvæði greiddu 452 eða 71,5%.
E-listi fráfarandi sveitarstjórnarmanna fékk 258 atkvæði og
(170)