Mjölnir - 27.04.1962, Blaðsíða 4
1. HAFNARMÁL.
a) Uppbygging Innri-hafnarinnar verði
hafin hið allra fyrsta og til þeirra fram-
kvæmda tekið 10—15 millj. kr. lán.
Verkinu verði hagað á þann veg, að
hluti mannvirkisins komist í notkun
þegar á næsta ári. Verði þar aðstaða
fyrir 2—3 báta, verbúðir og fisk-
vinnsluhús. Þannig verði haldið áfram
í áföngum unz verkið er fullunnið.
b) Flóðvarnargarðurinn verði endur-
byggður eins og með þarf til að hindra
flóðahættu á Eyrinni. Framkvæmd
þess verks hefjist þegar í sumar.
c) Lokið verði sem fyrst endurbyggingu
Hafnarbryggjunnar, og framkvæmd
athugun og viðgerð á Öldubrjótnum.
d) Dráttarbrautinni norðan við Hafnar-
bryggjuna verði komið í það horf, að
hún geti veitt síldveiðiflotanum og ver-
tíðarbátum nauðsynlega viðgerðar-
þjónustu, og að þar verði hægt að
vinna jafnframt að smíði smærri báta
til að tryggja stöðug verkefni. Jafn-
framt þessu verði hafinn nauðsynleg-
ur undirbúningur að byggingu stærri
og fullkomnari slipps á athafnasvæði
Innri-hafnarinnar, er gæti annazt við-
gerðir og nýsmíði stærri skipa.
2. ÚTGERÐARMÁL.
e) Bundinn verði endir á núverandi rekstr-
arform bæjarútgerðar Siglufjarðar. —
Keyptir verði 2—3 bátar af heppilegri
stærð í stað togarans Elliða og þeir
gerðir út héðan allt árið á vegum Bæj-
arútgerðar Siglufjarðar. Lögð verði á-
herzla á, að rekstur skipa Bæjarút-
gerðarinnar verði sameinaður rekstri
hraðfrystihúss S. R., eða komið upp
sérstöku frystihúsi og annarri nauð-
synlegri aðstöð.u fyrir þessi skip.
Auk þess beiti bæjarfélagið sér fyrir
því og stuðli að því eftir fremsta megni,
að héðan verði gerðir út sem flestir
bátar, og leggi allt kapp á að koma upp
aðstöðu í landi fyrir bátaútgerð.
Aðstaða til smábátaútgerðar verði
bætt stórlega hið fyrsta, þannig að
smábátarnir eigi öruggt athafnasvæði
í höfninni.
3. SÍLDARIÐNAÐUR.
Bæjarfélagið beiti sér fyrir því, að nið-
urlagningar- og niðursuðuiðnaður eflist í
Siglufirði með því að stuðla að stækkun
núverandi fyrirtækja og stofnun nýrra í
þessari grein.
4. RAFMAGNS- OG HITAVEITUMÁL.
Framkvæmdar verði fullnaðarrann-
sóknir á jarðhitasvæðinu í Skútudal og
gengið úr skugga um, hvort þar sé heitt
vatn til hitaveitu fyrir bæinn. Jafnframt
verði athugaðir möguleikar til hitaveitu-
framkvæmda með vatni frá gufukatli
Rauðku eða S. R.
Athugaðir verði möguleikar til raf-
magnsframleiðslu á hagkvæman hátt.
5. SAMGÖNGUMÁL.
Athugaðir verði möguleikar á að hraða
lagningu Strákavegar, m. a. hugmyndin
um lántöku til lagningar jarðganganna
í einum áfanga.
Bæjarstjórn hafi forgöngu um, að
kannaðir verði til hlítar möguleikar til ör-
uggra flugsamgangna við bæinn.
6. ÝMIS MÁL.
Reynt verði að fá breytt lögum um út-
svarsgreiðslur ríkisrekinna atvinnufyrir-
tækja, þannig að bæjarfélaginu verði
heimilað að leggja útsvör á slík fyrirtæki,
þannig að tekjur bæjarsjós af þeim verði
sambærilegar við tekjur annarra bæjarfé-
laga af svipuðum rekstri í félags- eða
einstaklingseign.
Skipulag bæjarins verði tekið til ræki-
legrar endurskoðunar og gert nýtt skipu-
lag. Tryggt verði, að ávallt séu tiltækar
heppilegar byggingarlóðir, bæði fyrir at-
vinnufyrirtæki og íbúðarhús.
Kapp verði lagt á að Ijúka byggingu
nýja sjúkrahússins.
Varanlegri gatnagerð verði haldið á-
fram eftir því, sem aðstæður leyfa og fjár-
magn er til hverju sinni.
Bætt verði aðstaða til íþróttaiðkana í
bænum í samráði við íþróttafélögin.
Komið verði upp leiksvæðum fyrir börn
á nokkrum stöðum í bænum. Hlynnt verði
oð menningar- og tómstundastarfsemi
æskulýðs bæjarins.
GREINARGERÐ
I langan tíma, eða a. m. k. frá stríðsbyrjun og fram
yfir 1950, höfðu ráðamenn Siglufjarðar, bæði bæjar-
stjórnarmenn, þingmenn og aðrir áhrifamenn, for-
göngu um að afla þeirra tækja til bæjarins, sem til
atvinnuaukningar gætu orðið og eru öll stórvirkustu
atvinnutækin í bænum tilkomin fyrir atbeina þessára
aðila, bæði síldarverksmiðjur, togarar, hraðfrystihús
SR, tunnuverksmiðjan o. fl.
Þessi viðleitni hefur gert Siglufjörð að því sem hann
er í dag og bjargað honum frá algeru hruni, frá því
að verða aðeins sumarsíldarverstöð, þar sem aðeins
örfátt fólk ætti sér fasta búsetu.
Með byggingu hraðfrystihúss SR og kaupum togar-
ans Hafliða lýkur þessum þætti um forgöngu ráða-
manna í Siglufirði í atvinnumálum bæjarins, og síð-
ustu tvö kjört/mabil hefur bókstaflega ekkert verið
gert af þingmanni eða bæjarstjórnarmeirihluta í þess-
um málum. Afleiðingin er stöðnun og jafnvel sam-
í Siglufiröi MVti
dráttur í avtinnumálunum, minnkandi trú á framtíð
bæjarins og fólksflótti héðan.
Nú er svo komið, að síðustu forvöð eru að spyrna
við fótum og breyta þessari óheillastefnu síðari ára.
Hér verður að tryggja næga og vaxandi atvinnu árið
um kring.
*
Alþýðubandalagið álítur, að framtíð Siglufjarðar
verði að byggjast á þorskveiðum, auk síldveiðanna.
Alþýðubandalagið er þeirrar skoðunar, að svo góð at-
vinna, sem síldin skapar þann tíma sem hún er, þá sé
ekki hægt að byggja eingöngu á síldarsöltun og síldar-
bræðslu til stöðugrar ársatvinnu bæjarbúa. Hér verður
að gera stórt átak til aukinnar þorskútgerðar og fisk-
iðju. Það er aðalstefnumál Alþýðubandalagsins í þess-
um kosningum og verður að vera höfuðverkefni bæjar-
stjórnar næsta kjörtímabil, ef samdráttur og fólksfækk-
un á ekki að halda áfram og stóraukast.
Siglufjörður hefur betri höfn frá náttúrunnar hendi
og styttri leið á miðin, bæði til síld- og þorskveiða en
nokkur annar staður á Norðurlandi. Aftur á móti hefur
Siglufjörður verri aðstöðu í landi fyrir þorskútgerð
en aðrir norðlenzkir útgerðarstaðir og er engu öðru
um að kenna en að þessum málum hefur ekkert verið
sinnt.
Til að nýta þau hagstæðu náttúruskilyrði, sem Siglu-
firði eru búin, og gera útgerð héðan mögulega, þarf að
skapa henni nauðsynlega aðstöðu í landi. Nú er sem-
sagt öll strandlengja Eyrarinnar setin af söltunarstöðv-
um og síldarverksmiðjum, þannig að eini möguleikinn
til sköpunar þorskútgerðar er Innri-Höfnin.
Þess vegna leggur Alþýðubandalagið á það höfuð-
áherzlu í stefnuskrá sinni, að ráðist verði af stórhug í
framkvæmdir þar og að á sem stytztum tíma verði gerð
þar aðstaða fyrir viðlegu og aflavinnslu í þágu þorsk-
útgerðar.
Þessar framkvæmdir eru“það stórar í sniðum, að ekki
verður í þær ráðizt af neinu viti nema aflað sé allmikils
fjármagns strax í upphafi. Því leggur Alþýðubanda-
lagið til að tekið verði stórt lán í þessu skyni, en hafnar
þeirri framkominni tillögu núverandi bæjarstjórnar-
meirihluta, að í þessar stórframkvæmdir verði aðeins
varið afgangsfé bæjarins á hverjum tíma og engu öðru.
Ef þetta verður ekki framkvæmt, mun fólksflóttinn
halda áfram úr bænum og ekki þarf nema eitt eða tvö
síldarleysisár til að algert hrun blasi við.
*
Síldarniðurlagning og niðursuða er annar möguleiki
til aukningar atvinnu og verðmætasköpunar í landi.
Alþýðubandalagið lýslr yfir ánægju sinni yfir þeim
framkvæmdum, sem þegar eru hafnar í þessum grein-
um og telur þær marka spor í rétta átt.
I framhaldi af þeim vill Alþýðubandalagið, að bær-
inn beiti sér fyrir byggingu niðurlagningarverksmiðju
og leiti eftir samvinnu við síldarsaltendur í bænum um
stofnun hlutafélags í þeim tilgangi.
*
Höfnin er lífæð Siglufjarðar og því verður að halda
mannvirkjum hennar sómasamlega við. í því sambandi
verður að bæta úr vanrækslu síðari ára á viðhaldi flóð-
varnargarðs, öldubrjóts, dráttarbrautar og annarra
nauðsynlegra mannvirkja.
' *
Samgöngumál hljóta að verða mikill þáttur í starf-
semi næstu bæjarstjórnar. Ber að ráðast í þau mál af
atorku og stórhug, því Strákavegurinn kemst ekki í
notkun næstu áratugina með árlegum smáframlögum
ríkissjóðs. Aftur á móti má nota þau framlög til af-
borgana á láni, sem hugsanlega yrði tekið til að Ijúka
vegarlagningunni á skömmum tíma.
Framhald á 2. síðu.