Mjölnir - 11.05.1962, Blaðsíða 1

Þróttur og Brynja segja
upp samningum
Verkalýðsfélögin Þróttur og
Brynja hafa fyrir stuttu sagt upp
gildandi kjarasamningum við
vinnuveitendur í Siglufirði og
eru samningar félaganna lausir
frá næstu mánaðamótum. Verka-
lýðshreyfingin um land allt býst
nú til baráttu fyrir bættum kjör-
um og nú þegar hafa 2 stéttarfélög
hafið verkföll. Togaraverkfallið
hefur staðið í röska 2 mánuði og
járniðnaðarmenn í Reykjavík
hófu verkfall 4. maí sl.
Ríkisstjórnin heldur að sér
höndum og hefur tjáð sig ráð-
lausa í sambandi við kjarabætur.
Þó hefur hún látið í ljós hug sinn
í garð launþega og mun vart unnt
að líta á setningu bráðabirgða-
laganna um taxta Verkfr'æðinga-
félagsins, öðruvísi en ódulbúna
hótun við verkalýðshreyfinguna
í komandi deilum. Kemur þar og
glöggt í ljós einræðistilhneiging
ríkisstjórnarinnar, þar sem Al-
þingi situr í allan vetur án þess
að til afskipta þess komi í sam-
bandi við verkfræðingadeiluna,
en strax og þing hefur verið sent
heim grípur ríkisstj órnin til
bráðabirgðalaganna, sem koma
ekki til staðfestingar Alþingis fyrr
en næsta vetur.
Tíminn sem valinn er undir-
strikar einnig hótunina, sem í
bráðabirgðalögunum felst. Þann
1. maí setja verkalýðsfélögin um
allt land fram kröfur sínar um
hærra kaup og mannsæmandi
laun fyrir 8 stunda vinnu. 2. maí
gefur ríkisstjórnin út bráða-
birgðalög. Hótunin hefði vart
verið skýrari, þó að aftan við
hefði verið bætt: „Svona ætlum
við að bregðast við öllum kjara-
bótum, sem verkalýðshreyfingin
knýr fram.“
En viðbrögð stéttarfélaganna
gefa eindregið til kynna að þau
ætli sér ekki að sætta sig við
kjaraskerðinguna. Það er nú op-
inberlega viðurkennt í útreikn-
ingum Hagstofunnar að tímakaup
þarf að hækka um 9 krónur á tím-
ann, ef unnt á að vera að fram-
fleyta meðalfjölskyldu af launum
8 stunda vinnudags. Er þó fullvíst
að í útreikningum Hagstofunnar
er neyzlan örugglega ekki ofreikn-
uð, nema síður sé.
Verkalýðshreyfingin hefur ein-
sett sér að ná því marki á nýjan
leik að unnt sé að lifa af launum
8 stunda vinnudags, hún hefur á-
kveðið að hrista af sér þrældóms-
fjötra 12—14 tíma strits fyrir
nauðþurftum dag hvern. Að vísu
mun sá mismunur, sem þarna er
á orðinn, vart verða jafnaður í
einum áfanga, en að því skal þó
stefnt að eyða honum.
Verkalýðshreyfingin veit að
búast má við allhörðum átökum,
ríkisstjórnin hefur ótvírætt mark-
að afstöðu sína með gróðasjónar-
miðum atvinnurekenda, þrátt fyr-
ir gefin loforð um að blanda sér
ekki í vinnudeilur, en verkalýður-
inn veit einnig að sameinaður er
hann það afl, sem ekkert aftur-
hald fær sigrað. Verkalýðshreyf-
ingin mun í deilunum í vor beita
bæði gömlum og nýjum baráttu-
aðferðum, sigurviss í baráttunni
fyrir aukinni hlutdeild í arðsköp-
un eigin handa.
Hvað grera þeir nú?
Tillögur Alþýðubandalagsins
um bætta aðstöðu til þorskútgerð-
ar hér í Siglufirði, og greinar
Mjölnis þar um, hafa hlotið svo
almennt fylgi meðal kjósenda, að
nú fyrir kosningar þykjast allir
flokkar vilja vinna að þessum
brýnu hagsmunamálum bæjarbúa.
Það er reyndar ekkert nýtt, að
flokkar afturhaldsins þykist vera
frjálslyndir og róttækir fyrir
kosningar, meira að segja Tím-
inn er alltaf prentaður meira og
minna í rauðum lit fyrir allar
kosningar. Það er heldur ekki ný
saga, að kjósendur þessara ílokka
láti blekkjast af fagurgala þeirra
og trúi því, að þeir gangi í endur-
nýjun lífdaganna, því að yfirleitt
vilja menn gjarnan trúa því bezta
um flokkinn sinn. Það skal heldur
ekki fortekið, að stundum fái
jafnvel afturhaldssálirnar smá-
vegis iðrunarköst fyrir kosningar
og vilji nú ef til vill reynast betur
næst, því að venjulega er það ekki
af illvilja, heldur af sljóleika,
þröngsýni og leti, sem þessir menn
berjast, eða að minnsta kosti
þybbast gegn sérhverju framfara-
máli.
Nú vill svo vel til, að flokkarnir
þrír, sem hér liafa myndað meiri-
hluta undanfarin ár og hindrað
allar nauðsynlegar ðramfarir í
atvinnumálum hér, verða nú að
ganga undir smávegis próf fyrir
kosningarnar.
Nú býðst sérstakt tækifæri til
að bæta nokkuð aðstöðu bátaút-
gerðar hér í höfninni, og það
þykjast þeir allir vilja. Hlutafé-
lagið Sunna mun nú vera að selja
hluta af söltunarstöð sinni, og
einmitt þann hlutann, sem liggur
næst bátastöðinni. Það virðist nú
alveg sjálfsagt mál, að bærinn
noti nú forkaupsrétt sinn og kaupi
þessa stöð. Sennilega mætti leigja
hana til síldarsöltunar í sumar,
jafnframt því,sem hafinn væri
strax undirbúningur að því að
notfæra stöðina til bættrar að-
stöðu fyrir bátaútveginn. Þarna
mundi bætast töluvert bryggju-
pláss og mikið landrými fyrir
byggingar, en nú er það einna
mest aðkallandi að byggja hér
fiskmóttökuhús. Benda má á það,
að hafnarsjóður hefur liaft það
góðar tekjur undanfarin ár, að
væntanlega er nægilegt fé fyrir
hendi, eða er það máski ekki liand-
bært? Kjósendur ættu að athuga
Vel hvernig meirihlutaflokkarnir
standast þetta próf fyrir kosn-
ingar. Að vísu má segja, að þetta
sé aðeins smápróf fyrir þá, sem
l.moí bátíiflhiliii

Samkvæmt venju hófust 1. maí
hátíðahöld verkalýðsfélaganna
Þróttar og Brynju að kvöldi hins
30. apríl með skemmtifundi að
Hótel Höfn. Fór þar fram skipti-
vist (parakeppni), Jjá þjóðdansa-
sýning undir stjórn frú Regínu
Guðlaugsdóttur og lýst var úr-
slitum í innbyrðiskeppni félag-
anna í skíðalandsgöngunni. Að
síðustu var dansað.
Parakeppnin gekk samkvæmt
áætlun og urðu sigursælust Björn
Björnsson og frú, Hverfisgötu 18.
Þjóðdansasýningin var eitt af
skemmtilegustu sýningaratriðum,
sem hér hafa sést. Það eru nem-
endur Gagnfræðaskóla Siglufjarð-
ar, sem mynda þennan þjóðdansa-
flokk, en stjórn hans og þjálfun
hefur frú Regína Guðlaugsdóttir,
fimleikakennari, annast. Það er
lofsverð viðleitni, sem frú Regína
sýnir, bæði nú og áður, til að
vekja áhuga og athygli á þessari
skemmtilegu íþrótt og list, því alltaf
verða þjóðdansar taldir til þeirra
greina þjóðlegra lista, sem á sér
hafa þokkafyllstan og menningar-
legastan blæ. Væri óskandi, að sá
hópur, sem þarna sýndi, héldi
saman eitthvað framvegis og gæfi
fleiri bæjarbúum kost á að sjá
hina fallegu og skemmtilegu
dansa.
Úrslit göngukeppninnar urðu
þau, að Þróttur vann með sáralitl-
um mun. Hlaut félagið að verð-
launum mjög fallega mynd af
konum við síldarsöltun, en mynd-
ina gerði frú Halla Haraldsdóttir.
Myndin verður staðsett í skrif-
allt þykjast ætla að gera eftir
kosningar, nokkurs konar „gamni-
próf“. En það gæti þó gefið dá-
litla bendingu um það, hvernig
þessir flokkar muni taka á stærri
verkefnum að kosningum lokn-
um.
stofu verkalýðsfélaganna í Gránu-
götu 14.
1. maí rann upp bjartur og
fagur. Fólk safnaðist saman upp
úr hádegi við hús verkalýðsfélag-
anna, Gránugötu 14. Kl. 2 lagði
kröfugangan af stað með Lúðra-
sveit Siglufjarðar í broddi fylk-
ingar og var gengið um helztu
götur bæjarins og staðnæmst við
Barnaskólann og þar settur úti-
fundur.
Ræðumenn fundarins voru frú
Valgerður Jóhannesdóttir og
Hannes Baldvinsson. Lúðrasveit
Siglufjarðar lék á undan ræðun-
um og milli þeirra og að síðustu
Alþj óðasöng verkalýðsins.
Þau Valgerður og Hannes lögðu
bæði áherzlu á Jrað í ræðum sín-
um hvílík kjaraskerðing hefði átt
sér stað á undanförnum árum, og
hvernig ráðstafanir ríkisvaldsins
beindust sérstaklega að því að
þrengja kost launafólksins í land-
inu. Þau fordæmdu óhemjulega
langan vinnudag íslenzks verka-
lýðs, sem varnar honum þátttöku
í menningarlegu og félagslegu
starfi. Þau lögðu áherzlu á nauð-
syn samstöðu alls verkalýðs í
átökum þeim fyrir bættum kjör-
um, sem nú væru framundan, og
í lok ræðu sinnar hvatti Hannes
verkamenn til sérstakrar árvekni
í sambandi við ráðagerðir um
inngöngu Islands í Efnahags-
bandalag Evrópu. •
I 1. maí ávarpi nefndarinnar
eru settar fram kröfur dagsins
og mótmæli: Mótmælt er hinni
stórkostlegu kjaraskerðingu og
krafist lífvænlegri launa fyrir
8 stunda vinnudag. Mótmælt er
vinnuþrælkun verkamanna, hús-
mæðra, barna og unglinga. Kraf-
izt er samninga við verkalýðinn
sem heildar, án tillits íil kynferð-
is, og sömu launa fyrir sömu
störf. -—- Krafizt er aukins at-
Framhald á 2. síSu.
Kosninpslirifstolfl
Alftýðabaiidolagsins
hcfur verið opnuð að Suðurgötu 10. Fyrst um sinn er hún opin fró
3—7 og 8—10 daglega. Simi skrifstofunnor er 194.
Kjósendur. Athugið hvort þið eruð á kjörskró og gerið það strax.
Kjörskróin liggur frommi ó skrifstofunni.
Skrifstofan veitir allar upplýsingar um kosningornar þ. ó. m. um
ollt, er lýtur að kosningum utan kjörstaðar.
Nauðsynlegt er, að skrifstofan fói NU ÞEGAR upplýsingar um
kjósndur, sem lögheimiii eiga utanbæjar, en dvcljast hér um stund-
arsakir.
Stuðningsmenn Alþýðubandalagsins. Hafið samband við kosn-
ingaskrifstofuna. Lcitið upplýsinga og gefið upplýsingar. Góð sam-
vinna skrifstofunnar og stuðningsmanna G-listans er skilyrði fyrir
sigri listans í kosningunum.