Fréttabréf Ættfræðifélagsins - 01.03.1993, Qupperneq 3

Skýrsla formanns Ættfræðifélagsins,
Hólmfríðar Gísladóttur, á aðalfundi 25. febrúar 1993
Góðir fundarmenn!
Starfsemi Ættfræðifélagsins er með hefðbundnum
hætti. Við höfum haldið 9 stjórnarfundi og 7 félagsfundi,
fyrir utan óformlega fundi, eins og við pökkun fréttabréfs-
ins.
Við höfum fengið ágæta fyrirlesara á fundi og hefur
það verið mjög ánægjulegt. Við fórum í ferðalag 25. júlí
og skoðuðum norðanvert Snæfellsnesið, en höfðum 2
árum áður farið fyrir Jökul. Ferðin tókst ágætlega, en við
hefðum mátt fá betra veður, sérstaklega á Skógarströnd-
inni, því þar er mjög fallegt útsýni í góðu veðri.
Verkefni sem unnið er að, er Manntalið 1910. Það
gengur hægt en sígandi, við erum núna með Húnavatns-
sýslu. Svo hafa Skaftafellssýslur verið enduryfirfarnar.
Nefndin fyrir manntalið 1910 sótti um styrki til
Vísindasjóðs og Þjóðhátíðarsjóðs 1992, en fékk synjun.
Við fengum engan styrk fráríkinu 1992, en við sóttum um
styrk aftur fyrir árið 1993. Við sóttum einnig um styrk úr
Gjafasjóði Jóns Sigurðssonar og Þjóðhátíðarsjóði. Og
svo er bara að sjá til hvort við fáum einhver viðbrögð.
Ritnefnd Fréttabréfsins fékk til liðs við sig Hálfdan
Helgason og vinnur hann fréttabréfið og hefur samstarf
við hann gengið mjög vel.
Mér hefur flogið í hug að undanförnu hvort kynning á
félaginu væri ekki nógu mikil. Það var talað í sjónvarpinu
um áhuga íslendingaá ættfræði, í þættinum Litrófi, en það
var ekki minnst á Ættfræðifélagið. Ég talaði við Arthúr
Björgvin Bollason eftir þáttinn, en hann vissi ekki að
félagið væri til, en þó talaði hann í þættinum við fjóra
menn, sem allireru í Ættfræðifélaginu. Ég benti honum á,
að það væri ekki hægt að tala um áhuga á ættfræði án þess
að minnast á félagið, þ ví það væri mælikvarði á áhugann,
þar sem í félaginu væru á sjötta hundrað manns, og fundir
haldnir einu sinni í mánuði yfir veturinn og væru þeir vel
sóttir.
Já, þetta starf í Ættfræðifélaginu er með ýmsu móti,
það hringir talsvert af fólki, bæði félagsfólk og annað,
sem þarf að fá leiðbeiningar og upplýsingar. Ég hringi
stundum í einhvem, sem ég held að geti leyst vanda þess,
eða bendi því á að setja fyrirspurn í Fréttabréfið.
Það er mjög gott ef við getum orðið þessu fólki að
liði, hvort sem það er í félaginu eða ekki, það er tilgangur
félagsins.
Takk fyrir.
Manntöl Ættfræöifélagsins
Manntal 1801
Nú eru Suðuramt og Vesturamt
aftur fáanleg.
Verð bókanna er sem hér segir:
Suðuramt kr. 3.000.-
Vesturamt kr. 2.800,-
Norður- og austuramt kr. 2.500.-
Manntal 1816
V. hefti kr. 600,-
VI. hefti kr. 600,-
Manntal 1845
Suðuramt kr. 3.000,-
Vesturamt kr. 2.800,-
Norður- og austuramt kr. 3.100,-
Öll manntölin saman eru fáanleg á
15.000 kr. eða manntölin 1801 og
1845 á 14.000 kr.
Nafnalykill við
Manntalið 1801
Tekist hefur að ná í fáein eintök af
nafnalykli fyrir Manntalið 1801, sem
út kom í einu bindi hjá Sögusteini
1984, og eru þau til sölu á 1500,-
krónur eintakið.
Manntölinognafnalykilinn, mápanta
í póstkröfu hjá formanni félagsins,
Hólmfríði Gísladóttur, hs. 91-74689
og gjaldkera, Klöm Kristjánsdóttur,
hs. 91-51138.
Allir menn
eiga
tvær ættir
Látnir félagar á liðnu ári
Ámi Örnólfsson, rafvirki
f. 22. des. 1921 á Suðureyri við
Súgandafjörð
d. 4. des. 1992
Eggert Jóhannsson, læknir
f. 15.jan. 1925 í Reykjavík
d. 13. júní 1992
Jóhann Hjálmtýsson, verkstjóri
f. 15. júlí 1924 í Villingadal,
Haukadalstungu, Dal.
d. 2. nóv. 1992
Kristjón Þ. ísaksson,
f. 23. nóv. 1913 íReykjavík
d. 29. maí 1992
María Hjaltadóttir, húsmóðir
f. 1. júlí 1924 í Reykjavík
d. 18. júlí 1992
Sigurgeir Þorgrímsson, sagnfr.
f. 4. nóv. 1943 í Reykjavík
d. 8. júlí 1992
Teitur Daníelsson, bóndi
f. 12. okt. 1924 á Bárustöðum,
Andakílshr., Borg.
d. 15. ágúst 1992
3