Dagsbrún - 01.03.1974, Page 9

Um uppsagnarfrest verkamanna
Þegar verkmaður hefur öðlast rétt til fasts viku-
kaups, þ. e. hefur unnið 6 mánuði eða lengur hjá
sama vinnuveitanda, er gagnkvæmur uppsagnar-
frestur 1 vika, miðað við vikuskipti, þar til við-
komandi hefur öðlast rétt til eins mánaðar upp-
sagnarfrests samkv. lögum nr. 16, 1958. Mánaðar-
kaupsmenn eiga ávallt eins mánaðar uppsagnar-
frest, miðað við mánaðamót, sé ekki annað ákveð-
ið í samningum.
Þegar verkamanni er sagt upp vegna samdrátt-
ar, skal hann, ef um endurráðningu er að ræða
innan 6 mánaða, halda áunnum réttindum, svo
sem starfsaldurshækkunum, föstu vikukaupi og
rétti til kaupgreiðslu í veikinda- og slysatilfellum.
Kaupgreiðsla í
veikinda- og slysatilfellum o. fl.
Slasist verkamaður vegna vinnu eða flutnings til
og frá vinnustað, skal hann halda kaupi eigi skem-
ur en 7 virka daga. Verði ágreiningur um bóta-
skyldu vinnuveitanda, skal farið eftir því, hvort
slysatrygging ríkisins telur skylt að greiða bætur
vegna slyssins. Vinnuveitandi kostar flutning hins
slasaða til heimilis eða sjúkrahúss.
I veikinda- og slysatilfellum skal verkamaður,
sem unnið hefur skemur en eitt ár hjá sama at-
vinnurekanda fá greiddan einn dag fyrir hvern
unninn mánuð (150 klst.). (f slysatilfellum þó
aldrei skemur en allt að 7 virkum dögum).
Verkamenn, sem unnið hafa hjá sama atvinnu-
rekanda í eitt ár eða lengur, skulu halda óskertu
kaupi í allt að 4 vikur.
Vinnuveitandi getur krafist læknisvottorðs um
veikindi verkamanns.
Vinnuveitandi greiði læknisvottorð að því til-
skildu, að veikindi séu þegar tilkynnt til atvinnu-
rekanda á fyrsta veikindadegi, og að starfsmönn-
um sé ávallt skylt að leggja fram læknisvottorð.
9