blaðið - 05.09.2005, Qupperneq 16

16 I NEYTENDUR
MÁNUDAGUR 5. SEPTEMBER 2006 blaöiö
Stœltur kroppur getur
kostað skildinginn
Þeir sem eru að hugsa um að drífa sig
í heilsuátak hafa um margt að velja
þegar kemur að því að ákvarða hvaða
hreyfingu þeir ætla sér að iðka. Sum-
ir kjósa að eyða sem minnstu og fara
þá frekar út að skokka, í göngutúra,
í hjólreiðatúra eða á línuskauta. Aðr-
ir fara að synda og enn aðrir hefja að
æfa einhverskonar boltaíþróttir.
Með auknu framboði á líkams-
ræktarstöðvum eru þó æ fleiri
sem nýta sér þjónustu þeirra sem
er orðin mjög fjölbreytt. Boðið er
upp á alls kyns tíma sem hver og
einn getur prófað og séð hvað hent-
ar best og svo er alltaf klassískt að
fara á brettið að hlaupa og taka síð-
an hring i lyftingatækjunum. Það er
þó vitað mál að það er ekki ókeypis
að stunda þess konar líkamsrækt og
marga rekur í rogastans þegar þeir
ganga í fyrsta sinn inn í ræktina og
ætla sér að fjárfesta í einu korti eða
svo.
World Class í Laugum, Hreyfing
og Sporthúsið eru þrjár af stærstu
líkamsræktarstöðvum landsins.
World Class í Laugum er 7.150 fer-
metra líkamsræktarstöð sem gerir
hana þá stærstu á landsvísu. Einnig
er World Class að finna í Spönginni
og húsi Orkuveitunnar.
Hreyfing var stofnuð sumarið
1998 með sameiningu heilsuræktar-
stöðvanna Máttar og Stúdíó Ágústu
og Hrafns. Máttur var stofnaður ár-
ið 1991 og Stúdíó Ágústu og Hrafns
tók til starfa árið 1986. Hreyfing er
til húsa við Faxafen.
Sporthúsið er hluti af Iceland Spa and Fitness en innan þeirrar keðju telst
einnig Baðhúsið, sem einungis er fyrir konur, Þrekhúsið og Betrunarhúsið.
Blaðið gerði verðkönnun á mánaðarkorti og árskorti í þessum þremur
stöðvum.
Mánaðarkort Árskort
Sporthúsið 8.500* 35.880
World Class Laugum 8.800 50.400**
Hreyfing 8.980*** 55.320
'Venjulegt verfi. Tilboð er í gangi núna þar sem kortiS er á 5.900 og alls kyns fríSindi innifalin.
"StaðgreiSsluafsláttur 10%
***Einnig er kynningartilboð fyrir nýliða í gangi, 3.790 á mánuSi.
Infiniti Elliptical
Cross Trainer
ST 655
Kynningartilboð
Pioneer stillanlegt 20 kg
handlóðasett fylgir
öllumtækjum!
Infiniti Recumbent Þrekhjól JT 950
Infiniti Þrekhjól JT 950
Infiniti Róðrarvéi R80
FAXAFENI 7
FÖS. KL,'9rl8. LAU. KL. 10-14
S: 5200 200 MAN
BlalMH
Breytingar á
bílamarlcaði
Ikjölfar aukins úrvals og opnara
aðgengis að bílalánum hefur
landslag á bílasölum gjörbreyst
undanfarin áratug eða svo. Svo ekki
sé minnst á aukinn innflutning
einstaklinga á nýjum bifreiðum.
t,Gömlu“ bílasölurnar, sem í áratugi
sáu nær einungis um sölu notaðra
bíla hafa þannig þurft að aðlaga sig
að nýjum aðstæðum ellegar þurft að
leggja upp laupana. Margar bílasöl-
ur hafa aukið þjónustu sína við ein-
staklinga og aðstoða þá við innflutn-
ing á sérbílum eða gert sérsamninga
við bílaumboðin um sölu á uppítöku-
bílum.
Markaðurinn mettur
Atli Örn Jensson, sölumaður hjá Bíla-
sölu Reykjavíkur, segir að markað-
urinn í dag sé gríðarlega mettaður.
Mikið sé um notaða bíla í sölu en
þrátt fyrir það sé enn eftirspurn.
„Það tekur lengri tima að selja bíla
núna en fyrir nokkrum árum og
með hliðsjón af auknúm innflutn-
ingi einstaklinga er ljóst að markað-
urinn á eftir að mettast enn meira.
Þannig að þó að staðan sé viðráðan-
leg núna er erfitt að spá um framtíð-
ina.“ Undir þetta tekur Vignir Arn-
arson, sölustjóri hjá Bílabúð Benna.
„Fyrir svona tuttugu og fimm árum
þótti óvenjulegt ef bíll stæði lengur
en viku á sölu. Núna þykja tveir til
þrír mánuðir ekkert tiltökumál. Allt
sem gerist fyrr er bónus. Það liggur
við að maður þurfi alltaf að bjóða
einhvern „pakkadíl" t.d. utanlands-
ferð eða fartölvu til að koma bílun-
um út,“ segir Vignir.
Aukinn innflutningur
Samkvæmt tölum frá Bílgreinasam-
bandinu hefur orðið mikil aukning
á nýskráningu bifreiða frá árinu
2003 en þá voru þær 12.621. I fyrra
voru þær 16.501 og frá janúar til
júlímánaðar 2005 hafa orðið 16.394
nýskráningar og allt stefnir í það að
tölurnar verði enn hærri í ár. Áber-
andi aukning hefur einnig orðið á
nýskráningu notaðra bifreiða en
slíkt má í flestum tilvikum rekja
til innflutnings einstaklinga. Árið
2003 voru þær 1.309 en í júlímánuði
á þessu ári voru þær þá þegar orðnar
3.268 talsins.
Lækkandi verð
Vignir segir að algengara sé orðið
að fólk setji gamla bílinn uppí þann
nýja í stað þess að selja hann beint.
Hann segir þetta einnig vera skyn-
samlegri leið þar sem einstakling-
ar eru mun fljótari að losa sig við
gamla bílinn. „f svona viðskiptum
eignast umboðin bílinn og selja þá
annað hvort beint eða beina þeim til
okkar. Þetta hefur náttúrulega vald-
ið því að mikið af notuðum bílum
hefur flætt inn á markaðinn. Það
hefur síðan haft þau áhrif að verð á
þeim hefur nokkuð lækkað eða um
10% síðastliðin tvö ár“, segir Vignir.
Hann ráðleggur þó fólki að nota frek-
ar þessa leið til að koma gamla bíln-
um í verð frekar en að selja þá beint.
„Fólk losar sig við gamla bílinn strax
og þarf ekki að láta hann standa á
bílasölu í tvo til þrjá rnánuði."