blaðið - 11.10.2005, Page 18

26 I BÖRN OG UPPELDI
ÞRIÐUDAGUR 11. OKTÓBER 2005 blaöid
Stubbalubbar
Skemmtileg klipping íyrir börn
Margir foreldrar kannast við
þann veruleika að þurfa að draga
börnin í klippingu, jafnvel öskr-
andi og æpandi. Hárgreiðslustof-
ur eru venjulega daufar, erilsamar
og óspennandi og því lítið um að
vera fyrir fjöruga og skemmtilega
grislinga. Á hárgreiðslustofu í
Grafarvogi er ætíð gaman að vera
enda sérhæfir hún sig í börnum.
Stofan er litrík og spennandi og
án efa draumaveröld fyrir börn
og jafnvel fullorðna. Stofan heitir
Stubbalubbar.
Helena Hólm hárgreiðslumeistari
rekur Hárgreiðslustofu Helenu og
Stubbalubba. Það er opið á milli stof-
anna tveggja og því tilvalið að heilu
fjölskyldurnar líti við. Helena segir
að hárgreiðslukonurnar á Stubba-
lubbum séu orðnar mjög hæfar að
taka á móti börnunum. „Við erum
orðnar ansi sérhæfðar og vitum
hvernig er best að taka á börnunum
enda komnar með mikla reynslu.
Stundum koma börn grátandi hér
inn því þau vilja ekki klippingu en
fara svo grátandi út því þau vilja
ekki fara,“ segir Helena hlægjandi.
Setið í bíl og horft á stubbana
Helena segist hafa fengið hugmynd-
ina af barnahárgreiðslustofu þegar
hún var í skóla. „Ég tók eftir því að
þegar börn voru að koma inn á venju-
lega stofu, voru þau sett í venjulegan
stól og fyrir framan þau venjulegur
spegill og þá var ekkert gaman. Ég
fékk þessa hugmynd að vera með sér-
Verndum bernskuna
Mikilvægt að
setja
börnum mörk
í september hófst átak sem er
ætlað að vekja athygli á stöðu
barna í samfélagi okkar, styrkja
foreldra og forráðamenn í uppeld-
ishlutverkinu auk þess að auka
umræðuna um málefnið. Átakið
ber nefnið Verndum bernskuna
og hluti þess var bæklingur með
tíu heilræðum fyrir foreldra og
uppalendur sem var sendur inn
á hvert heimili. Heilræðunum
var ætlað að vekja foreldra og
uppalendur til umhugsunar um
uppeldi barna sinna. Heilræðið
sem áhersla er lögð á í október
er: Þorum að axla ábyrgð sem
uppalendur.
Það er ekkert leyndarmál að það er
erfitt að ala upp börn og ábyrgðin
sem því fylgir er mikil og merkileg.
Að sama skapi getur þessi mikla
ábyrgð stundum verið yfirþyrm-
andi og erfið. Oft koma upp vanda-
mál sem erfitt er að leysa og foreldr-
um finnst þeir í raun óhæfir til að
leysa úr. Foreldrar eiga ekki að hika
við að leita aðstoðar hjá fagfólki eða
öðrum foreldrum ef þeir eru óvissir
um lausn mála.
Allir gera mistök
Foreldrar verða líka að hafa trú
á sjálfum sér og sínum úrræðum.
Enginn er fullkominn og allir gera
mistök, meira að segja í uppeldi. Ef
Ábyrgð uppalenda getur á stundum verið
yfirþyrmandi
foreldrar gera mistök gagnvart börn-
um sínum þá skiptir miklu máli að
biðja þau afsökunar. Börnin finna
þá að borin er virðing fyrir þeim og
sjálfstraust þeirra eykst. Það er líka
mikilvægt að setja börnum mörk
og ekki vera hikandi í þeim efnum.
Börnum líður betur og eru örugg-
ari ef þeim eru sett mörk. Foreldrar
þurfa því að vera fylgnir sjálfum sér
og vera óhræddir við að segja nei
þegar þess þarf. ■
Ullarveður!
Góð ullarnærföt
fyrir krakka aldrinum
0-16 ára.
Gott verð!!!
Opið: mán-fös.kl. 10-18 laugard. kl. 10-14

Barónsstig 3
101 Reykjavík
S: 552-7499
Sóley Ósk klippir Óliver sem virðist ánægður í bílnum
BlaWFrikki
stofu fyrir börn. Stólarnir eru bílar
og svo erum við með ungbarnastól
sem þau eru örugg í. Svo fá börnin
að velja myndband til að horfa á og
stubbarnir eru náttúrulega vinsæl-
astir. Þau horfa því á sjónvarpið á
meðan þau eru klippt. Eldri krakk-
arnir velja hins vegar oft að spila í
playstation á meðan þau eru klippt.
Áðspurð að því hvort börnin séu
ekki á fullri ferð þegar þau spila
playstation segir Helena: „Nei, nei,
þau eru alveg kyrr.“
Verðlaun eftir góða klippingu
Helena segir að aðsóknin sé mikil
og börnin séu alltaf stillt og prúð.
,Eftir hverja klippingu fá þau síðan
verðlaun og ég gef aldrei nammi,
það er alltafbara dót. Svo veljum við
oft Stubbalubba dagsins og afmælis-
börn eins og sjá má á heimasíðunni
www.stubbalubbar.is. Við erum líka
með páfagauka og erum að fá okkur
fiska. Það er voða barnvænt hérna.“
Helena segir að það sé ekki mikið
um svona barnahárgreiðslustofur í
heiminum sem kom henni á óvart.
,Það er gaman að segja frá því að
netpantanirnar okkar eru rosalega
mikið notaðar. Það er hægt að panta
tíma á netinu, fólk segir bara til
hvenær það vill koma og við send-
um til baka. Ég er ánægð með það
því ég vissi ekki hvað ég var að fara
út í þegar ég hóf þessar netpantanir
en þær virka mjög vel.“ ■
svanhvit@vbl.is
Að flytja i nýtt
húsnœði með börn
Það er að ýmsu að hyggja þegar
flutt er í nýtt húsnæði með börn,
hvort heldur sem um er að ræða
nýbyggingu eða eldra húsnæði.
Nýbyggingar
Það er ekki
óalgengt að
fólk sé að
flytja inn í
húsnæði sem
ekki er búið
að samþykkja
af Bygging-
arfulítrúa.
Það eru ótal Herdís L. Storgaard
dæmi þess að
byggingaraðilinn sem er ábyrgur
fyrir að hafa samband við bygging-
arfulltrúan til að fá gerða lokaúttekt
á húsnæðinu geri það seint og illa.
Það er því mikilvægt að kaupand-
inn geri fyrirspurn um þetta áður
en flutt er inn í húsið. Byggingarað-
ilinn er oft farinn í annað verk en á
eftir að klára eitthvað smávegis sem
oft á tíðum getur skipt öryggi barna
sköpum og vil ég þá nefna að setja
htvukelAw cjruMAmlLir
UíAbeútmailF' imt
brjórttu]ja,pr ' ''-•x
\
\
öryggislæsingar á glugga, handrið
á svalir og fleira. í byggingarreglu-
gerð eru gerðar kröfur um að glugg-
ar í húsum sem eru á fyrstu hæð eða
þar fyrir ofan geti einungis opnast
ío sm og ganga þarf frá þeim með
stormjárnum sem ekki leyfa stærri
opnun. Mikilvægt er að setja örygg-
islæsingu á svalahurðir og best er
að setja reglu um það að yngri börn
séu aldrei ein úti á svölum. Börn eru
mjög úrræðagóð og finna alltaf eitt-
hvað til að standa á til að geta horft
niður. Þegar kemur að handriðum á
svölum eru reglur um að ekki megi
vera meira en ío sm bil á milli rimla
eða bil frá gólfi svala að handriði.
Handrið skulu vera þannig að börn
geti ekki klifrað í þeim, best er ef
pílur eru lóðréttar. 1 þeim tilfellum
þar sem pílur liggja öðruvísi eða um
mjög skrautleg handriði er að ræða
er nauðsynlegt að setja gler að innan-
verðu til að koma í veg fyrir klifur.
Það sama á við um alla stiga og
stigapalla inni í húsum. Mikiívægt
er að hafa blöndunartæki á baðher-
bergjum, sérstaklega á sturtum og
baðkörum en einnig nauðsynlegt í
handlaugum.
Ef keypt hefur verið eldavél sem
er frístandandi er mikilvægt að
hún sé fest við vegginn. En því mið-
ur hafa orðið alvarleg slys þegar að
börn hafa verið að klifra og notað
hurðina á ofninum sem tröppu en
þá hafa þungar vélar oltið yfir börn
eins og ekkert sé.
Umhverfið í nýbyggingahverfum.
Umhverfið er oft mjög varasamt,
opnir grunnar fullir af vatni eða
steypujárn sem skaga upp úr plöt-
um. Samkvæmtbyggingarreglugerð-
inni eiga slík svæði að vera afgirt
meðan á byggingu stendur en því
miður er ekki alltaf farið eftir því og
getur þetta skapað mikla hættu fyr-
ir börnin í hverfinu. Það er því mikil-
vægt að foreldrar séu á varðbergi og
kynni sér nánasta umhverfi barna
sinna og fræði þau um hvar óhætt
sé fyrir þau að leika sér.
Eldra húsnæði.
Eins og fram kemur í kaflanum um
nýbyggingar þá þarf ekki síður að
gæta að eldra húsnæði því byggingar-
reglugerðin hefur verið að breytast í
gegnum tíðina. Sem dæmi um þetta
var leyft að hafa bil á milli rimla í
handriðum 12 sm í byggingum byggð-
um fyrir 1998. I eldra húsnæði eru
handrið á svölum og á stigapöllum
oft mjög lág, til dæmis geta þau ver-
ið 65 sm. Það er því mjög mikilvægt
að fara yfir þessi atriði og til að gera
sér þetta auðvelt er hægt að finna
gátlista á heimasíðunni okkar www.
lydheilsustod.is undir Árvekni, slysa-
varnir barna. Gott er að nota hann
til að ganga með um húsið en á hon-
um eru spurningar um öll þau örygg-
isatriði sem þurfa að vera til staðar á
heimilum þar sem ung börn eru. ■
Herdís L. Storgaard
Verkefnastjóri barnaslysavarna
Árvekni, Lýðheilsustöð