blaðið - 03.03.2006, Blaðsíða 10

10 I ERLENDAR FRÉTTIR
FÖSTUDAGUR 3. MARS 2006 blaðið
Myndband sýnir að Bush
hlustaði ekki á viðvaranir
Yfirvöld almannavarna gerðu sér grein fyrir aðflóðgarðar New Orleans myndu bresta
Embættismenn almannavarna
Bandaríkjanna vöruðu George
Bush, forseta Bandaríkjanna, við
því að flóðgarðar New Orleans
gætu brostið, nokkrum dögum
áður en fellibylurinn Katrína
gekk á land þann 29. ágúst í fyrra.
Fréttastofan Associated Press hefur
komist yfir upptökur af samskiptum
æðstu embættismanna almanna- og
heimavarna Bandaríkjanna vikuna
áður en að fellibylurinn gekk yfir.
Fram kemur að þegar ljóst varð
hvert fellibylurinn Katrín stefndi
hafi Max Mayfield, forstöðumaður
fellibyjlarannsóknamiðstöðvar
Bandaríkjanna, lýst yfir áhyggjum
sínum við stjórnvöld um að flóðgarð-
arnir myndu bresta.
Daginn áður en fellibylurinn
gekk yfir átti Bush, sem var staddur
á búgarði sínum í Crawford í Texas-
ríki, símafund með yfirmönnum
almanna- og heimavarna í Wash-
ington. Á þeim fundi lýsti Michael
D.Brown, yfirmaður almannavarna-
stofnunarBandaríkjanna,áhyggjum
sínum yfir að viðbúnaður væri ekki
nægilega mikill til þess að flytja
íbúa borgarinnar á öruggan stað ef
til þess þyrfti að koma og hjálpar- og
björgunarsveitir væru of fámennar
til að fást við verstu hugsanlegu af-
leiðingar fellibylsins. Bush spurði
einskis á fundinum. Þrátt fyrir það
tjáði hann embættismönnum Lou-
isiana-ríkis eftir fundinn að alríkis-
stjórnin væri reiðubúin að takast á
við hjálparstarfið.
Eykur á erfiðleika Bush
Þessar fréttir koma sem reiðar-
slag fyrir Bush-stjórnina en nýjar
RR ehf 1 samstarfi viö Solo kynna

auqavegi 18,
Miöasala hefst 5
Mól og
Penninn - AR®yri,'Hljóöhúsið - Selfossi
Hljomval - Keffffýik, Ton
eskaupstaö
lceland Express{>;
ppiysin
WWW.ICELANDEXPRESS.IS
Kimchi gegn
fuglaflensu?
Vísindamenn við Háskólann
í Seoul í Suður-Kóreu telja
sig vera nærri því að finna
lækningu við fiiglaflensu.
Vísindamennirnir fóðruðu
þrettán sýkta kjúkhnga á kimchi,
sem er þjóðarréttur í Kóreu, og
eftir viku voru ellefu þeirra á
batabraut. Þrátt fyrir að vísinda-
mennirnir hafi ekki fært sönnur
fyrir lækningamætti kimchi
telja þeir víst að tengslin séu til
staðar - kjúklingarnir hafi verið
mun hressari effir að þeir hófu
að éta fóðrið og hægðir þeirra
hafi verið sérstaklega heilbrigðar.
Vegna þessara jákvæðu
áhrifa munu vísindamenn
halda áfram rannsóknum.
Kimchi er réttur sem er búinn
til úr súrsuðu káli, radísum,
rauðum pipar og nokkru
magni af engifer og hvítlauk.
Fréttirnar af bættri líðan
kjúklinganna hafa gert að
verkum að neysla ldmchi hefur
aukist til muna f Kóreu. Slíkt
er ekki einsdæmi því Kóreu-
búar hafa löngum trúað því
að kimchi sé allra meina bót.
Þegar ótti hefur gripið um sig
vegna nýrra afbrigða hættu-
legra sjúkdóma hefur neysla
á réttinum jafnan aukist.
kannanir sýna að ánægja með störf
hans meðal bandarískra kjósenda er
í sögulegu lágmarki. Eftir hamfar-
irnar lýsti Bush því yfir að enginn
hefði getað séð fyrir að flóðgarð-
arnir myndu bresta og hversu gríð-
arlega mikla eyðileggingu fellibyl-
urinn myndi hafa í för með sér en
myndbandið sýnir hið gagnstæða
og gæti því veikt pólitíska stöðu for-
setans enn frekar.
Eftir fellibylinn voru yfirvöld
almannavarna Bandaríkjanna
gagnrýnd harðlega fyrir skipulags-
leysi og fyrir ranga forgangsröðun
í starfi sínu, en óttinn við hryðju-
verkaárásir hafði breytt áherslum
stofnunarinnar og hún lagt meiri
áherslu á hörmungar af manna-
völdum á kostnað náttúruhamfara.
Einnig var George Bush gagnrýndur
fyrir að hafa skipað Brown yfir-
mann almannavarna, en hann þótti
hafa takmarkaða innsýn í almanna-
varnastörf. Starfsreynsla hans fólst
að mestu leyti í hagsmunagæslu
fyrir eigendur arabískra hrossa í
Bandaríkjunum.
Brown sagði af sér í kjölfar felli-
bylsins. Myndbandið þykir hreinsa
nafn hans að einhverju leyti þar sem
það sýnir að innan stjórnkerfisins
voru menn sem sáu fram á hversu
alvarlega afleiðingar Katrínar gæti
haft í för með sér. Þau vandamál
sem sköpuðust við björgunarstörf
hafi fyrst og fremst stafað af skorti
á viðbúnaði.
Veröld ný,
kaþólsk og góð
Bandaríski auðkýfingurinn Tom
Monaghan, sem auðgaðist á því
að baka og selja Dominos-pitsur,
lagði hornstein í síðustu viku að
nýjum bæ sem hann hyggst reisa
í Flórída-ríki í Bandaríkjunum.
Bærinn, sem hefur fengið
nafnið Ave María, mun rúma
um 35 þúsund íbúa og verður
hann sérstaklega sniðinn að
þörfum strangtrúaðra kaþólikka.
Sjónvarpsútsendingum verður
stjórnað svo að tryggt verði
að klám og annar dónaskapur
sjáist ekki í viðtækjum bæjar-
búa og lyfjaverslunum verður
óheimilt að selja getnaðarvarnir.
Borg guðs endurreist
I Ave María verður kaþólskt
þekkingarþorp og reistur
verður fimm þúsund manna
háskóli. Verður það fyrsti
kaþólski-háskólinn sem er
stofnaður í Bandaríkjunum
í fjörtíu ár. Að sögn Nicholas
J. Healy, tilvonandi rektors
skólans, verður markmið hans
að „hjálpa nemendum að end-
urbyggja borg guðs í samfélagi
á barmi menningarhruns."
Þrátt fyrir að framkvæmdir
séu ekki langt á veg komnar
hafa sjö þúsund manns lýst
yfir áhuga á að búa í Ave María
og hefur Jeb Bush, ríkisstjóri
Flórída, lýst ánægju sinni með
framtak Monaghan. Þrátt fyrir
það er ekki tryggt að draumsýn
hans verði að veruleika þar
sem fjölmargir baráttuhópar
fyrir borgaralegum réttindum
telja reglur bæjarins brjóta í
bága við stjórnarskrá Banda-
ríkjanna. Stofnendur bæjarsins
séu í raun að taka framfyrir
hendur rílúsvaldsins með því
að takmarka frelsi íbúanna.
FRJALST
OHAÐ
blaði6=