blaðið - 17.05.2006, Blaðsíða 18

34 I EUROVISION
MIÐVIKUDAGUR 17. MAÍ 2006 blaöiö
Á stjörnuslóðum
Margrét Hugrún skrifarfrá Aþenu
Er hún klikkuð?
Smátt og smátt virðist það vera
að renna upp fyrir þeim blaða-
mönnum sem eru staddir hér í
Aþenu að Silvía Night er kannski
ekki öll þar sem hún er séð. Á
marga aðra eru byrjaðar að renna
tvær grímur. íslendingarnir í
hópnum eru mikið spurðir að
því hvort þetta sé leikur eða
hvort manneskjan sé í raun svona
klikkuð. Þeir yppta að sjálfsögðu
flestir öxlum og segja það vera
stóru spurninguna. Klikkuð eða
ekki, leikin eða ekki, Silvía er engu
að síður að slá rækilega í gegn hér
í Aþenu og athyglin sem fjölmiðla-
menn veita henni er engu lík.
1 fyrrakvöld fór hún í partí sem
borgarstjórinn í Aþenu stóð fyrir.
Þetta glæsta partí var haldið fyrir
utan gömlu konungshöllina og
þangað voru flestir komnir sem
tengjast keppninni, ásamt mýgrút
af fulltrúm fjölmiðlanna héðan og
þaðan úr Evrópu.
Þegar Silvía mætti til leiks
þyrptust Ijósmyndarar að henni
úr öllum áttum. Hún gekk í ró-
legheitunum að höllinni líkt og
sannkölluð drottning, en um leið
og hún steig inn í mannþröngina
sem var samankomin þar fyrir
utan mættu sjónvarpsstöðvarnar
til að rífast um að fá að taka viðtöl
við hana og Romario. Pepe bless-
aður stóð alltaf hjá, brosandi út að
eyrum en hann átti víst stórleik í
einhverju sjónvarpsviðtalinu þar
sem þeir Romario fengu heilan
hálftíma til að sprella í beinni út-
sendingu fyrr um daginn. Þar bað
Romario hann m.a. um að fara og
sækja handa sér vatnsglas. Pepe
stóð upp, reif af sér hljóðnemann
og ráfaði eitthvað fram til að ná í
vatn. Svo kom hann aftur til baka
þar sem hann mundi ekki hvað
hann var að fara að sækja, en tókst
svo á endanum að koma vatnsglas-
inu til átrúnaðargoðsins. Þetta olli
miklu uppnámi í beinu útsending-
unni en eins og flestir vita er ekki
algengt að fólk taki upp á því að
losa af sér hljóðnema til að ná í
vatn við slík tilefni.
Aftur að höllinni... Það var engu
líkara en að Britney Spears væri
mætt á svæðið, slík var athyglin
sem Silvia Night Superstar fékk.
Ég varð vitni að viðbrögðum eins
myndatökumannsins og það var
ekki hægt að segja annað en að
honum væri skemmt. Fólk gapti
ýmist í forundran eða hló að Silvíu
og fylgdarliði hennar en eitt er víst
að hún fór ekki framhjá neinum.
Meira að segja Lordi féllu í skugg-
ann af henni þegar hún stormaði
framhjá þeim og kona sem var
að taka viðtal við eitt skrýmslið
hreinlega hljóp í burtu með hljóð-
nemann sinn á lofti þegar hún
sá fulltrúa íslands koma marser-
andi. Við sem reyndum að taka af
þessu myndir flutum með mann-
þrönginni eins og í undarlegum
rússíbana.
I gær var svo allur þróttur úr
dívunni. Hún þurfti að aflýsa
blaðamannafundi á þaki hótels-
ins, en þar komu fulltrúar Norð-
urlanda saman í hádeginu. Silvia
er ekki við fulla heilsu og því þarf
hún á allri sinni orku að halda
til að takast að komast í gengum
atriðið á fimmtudagskvöld. Það
olli mörgum vonbrigðum að hún
væri veik þar sem mikið af fólki
var mætt með von um að ná henni
í viðtal, en það sýndi þó skilning
þar sem það krefst ansi mikilla
krafta að koma fram eins og hún
gerir. Sofna seint á nóttunni og
vakna fyrir allar aldir dag eftir
dag. Stjörnulífið er ekki alltaf
dans á rósum, en viðburðaríkt er
það svo ekki sé meira sagt.
VIÐSKIPTI &
FJARMAL
HEIMILAWWA
Þriðjudaglnn 23.mai

blaóió
mmmmmmmmmmmmmmmm
Auglysendur, upplysingar veita:
)iiús Gauti Hauksson • Símí 610 3723 ♦ Gsm 691 2209 • maggKffivbl.ia
Svipmyndir írá Aþenu
Sjónvarpsmyndavélar, hljóðnemar, flöss og laeti. Silvía vekur ótrúlega athygli hvar sem hún kemur hér og á nokkrum dögum hefur
henni tekist að verða þjóðþekktur einstaklingur í Grikklandi.
Svipbrigði Silvíu geta verið óborganleg. Hér er hún f viðtali við eina sjónvarpsstöðina.
Takið eftir mannskapnum í bakgrunni sem reynir að ná athygli hennar.
Asi fatahönnuður og Yifa stílisti voru
svakalega sæt i partiinu og það voru ófáar
myndir teknar af þessum glæsilegu vinum.
Hér brosir fulltrúi okkar sinu breiðasta
og veifar eins og drottning enda umvafin
aðdáendum og það líkar henni jú vel.
Það er eldheit ást sem blossar á milli Silvíu Night og elskhuga hennar Romario sem á
ættir sínar að rekja til Buenos Aires.
Sjónvarpskonan frá sjónvarpsstöðinni Alter náði stuttu viðtali við Romario en það leið Skjöldur Eyfjörð er alltaf„glamúrus" og
ekki á löngu þar til hann var byrjaður að snúa út úr og reyna við konuna. flottur hvar sem hann kemur.