blaðið - 15.09.2006, Side 21

blaðið
FÖSTUDAGUR 15. SEPTEMBER 2006 21
„Ég mun sakna pess að sitja ekki inn á Alþingi þegar
mikið liggur við og taka þátt í umræðunni. Ég mun
sakna alls þessa góðafólks og þeirrar yndislegu
tilfinningar sem hríslast um mann þegar samstaðan er
sem sterkust og allt gengur vel. Eftirsjáin verður mest
eftir góðum samverustundum meðfrábæru fólki þar
sem hjörtun slógu í takt."
Margs að minnast, margs að sakna
Það er stórt skref að taka fyrir
stjórnmálamann að draga sig í
hlé og margar ólíkar tilfinningar
hljóta að bærast í brjósti Rannveigar
Guðmundsdótturþessa dagana. Það
verður ekki hjá því komist að spyrja
hana hvers hún komi til með að
sakna og hverju hún kvíði.
„Ég viðurkenni það fúslega að það
verða gífurleg umskipti fyrir mig að
yfirgefa starfsvettvang sem hefur
verið svona krefjandi og haft svona
mikil áhrif á lífið allt. Stjórnmálin
eru frek á líf þess sem helgar sig
þeim. Þau taka allan tíma þinn
og nær alla þina krafta. Þú þarft
að vanda þig vel til þess að taka
frá tíma og geta sett fjölskylduna
í forgrunn,” segir Rannveig og
bætir við: „Það er ákveðin hætta á
því að stjórnmálamenn verði mjög
sjálfhverfir og uppteknir af því sem
þeir eru að fást við og það hefur
ábyggilega komið fyrir mig líkt og
flesta aðra. Auðvitað mun ég sakna
alls þessa umhverfis. Ég mun sakna
þess að sitja ekki inni á Alþingi
þegar mikið liggur við og taka þátt
í umræðunni. Eg mun sakna alls
þessagóðafólks ogþeirraryndislegu
tilfinningar sem hríslast um mann
þegar samstaðan er sem sterkust
og allt gengur vel. Eftirsjáin verður
mest eftir góðum samverustundum
með frábæru fólki þar sem hjörtun
slógu í takt.“
Nýr kafli og ný tækifæri
Það er mörgum ráðgáta hvernig
þingmönnum tekst að samþætta
sitt erilsama starf hefðbundu
fjölskyldulifi og mönnum ferst það
verkefni misjafnlega vel úr hendi.
Rannveig segist hafa notið þeirrar
gæfu að hafa ávallt notið góðs
stuðnings heima fyrir.
„Ég er ákaflega heppin kona. Ég er
kona sem fór út í stjórnmál af mikilli
alvöru og ég á mann sem studdi mig
heilshugar í öllum þeim störfum.
Maðurinn minn hefur ávallt verið
stoltur af minni pólitísku þátttöku
og hann hefur alla tíð látið mig
finna að það skipti máli að ég sé í
stjórnmálum og hefur alltaf verið
tiíbúinn til þess að gera hvað sem er
til þess að gera þessa þátttöku eins
auðvelda fyrir mig og fjölskylduna
eins og kostur er. Það er ómetanlegt
og ég hef alltaf verið meðvituð
um það hversu mikill lukkunnar
pamfíll ég er að hafa slíkan mann
mér við hlið. Það er honum að þakka
að ég hef getað notið þess til fulls að
leggja mitt af mörkum."
A næstu misserum munu
spennandi tímar fara í hönd hjá
Rannveigu og segist hún ekki óttast
að verða verkefnalaus þó hún kveðji
sviðsljósið. „Ég hef alltaf verið viss
um að ef það yrðu breytingar í
mínu lífi þá tæki við nýr kafli. Nú
mun taka við hjá mér skemmtilegur
kafli þar sem ég verð frjáls og
óbundin. Ég mun halda áfram að
vinna að einhverjum verkefnum á
hinu pólitíska sviði. Ég er sannfærð
um að flokkurinn minn mun
fela mér einhver verkefni og nýta
mína krafta eftir að mínum tima á
Alþingi lýkur.
Ég er mjög lánsöm í einkalífinu,
ég á þrjú heilbrigð börn og sex
yndisleg barnabörn. Ég mun setja
það í forgang að verja tíma með þeim.
Við hjónin höfum einnig mikið
yndi af því að ferðast um fsland
og á sumrin höfum við lagt mikla
áherslu á að skoða landið okkar.
Við berum mikla virðingu fyrir
þvi stórbrotna landi sem við eigum
og okkur hefur þótt stórkostlegt
að fá að njóta þess. Mín bíða því
mörg spennandi hugðarefni sem ég
hlakka til að sinna. Þetta voru góð
ár í pólitíkinni en nú tekur við nýr
kafli með nýjum tækifærum,“ segir
Rannveig að lokum og hlakkar til
komandi tíma og nýrra verkefna.
hilma@bladid.net
Lánsöm í einkalífinu
„Ég erkona sem fór út istjórnmál afmikilli alvöru
og ég á mann sem studdi mig heilshugar í öllum
þeim störfum." ' Biatnn/Frikki
Glæsileg undirstaða á stofuna, eldhúsið eða
svefnherbergið, allstaðar þar sem fólki á að líða vel.
GÓLFBUNAÐUR
KJARANEHF • SlÐUMÚL114 • 108 REYKJAVÍK
SÍMI 510 5510 • kjaran.is
OPIÐ VIRKA DAGAKL.8-18.
ífedbo
M ARMOLEUM Undirstaða að vel heppnaðri hönnun fyrir hús oy heimili.