Fréttablaðið - 06.09.2012, Side 6

6. september 2012 FIMMTUDAGUR6
DÓMSMÁL Jón Baldvin Hannibals-
son, fyrrverandi utanríkisráðherra,
fékk afhent minnisblað frá starfs-
mönnum varnarmálaskrifstofu
ráðuneytisins mánuði áður en hann
lét af embætti árið 1995 þar sem
lýst var einu og öðru „vafasömu“ í
starfsemi Kögunar.
Meðal þess sem þar sagði var að
hlutir í fyrirtækinu væru óðum að
færast á hendur Gunnlaugs M. Sig-
mundssonar og fjölskyldu hans í
stað þeirrar dreifðu eignaraðildar
sem kveðið var á um í upphaflegum
samningum um stofnun Kögunar.
Jón Baldvin sagði jafnframt að sér
hefði aldrei gefist tími til að óska
frekari skýringa á málinu.
Þetta kom fram við aðalmeð-
ferð meiðyrðamáls Gunnlaugs
gegn bloggaranum Teiti Atlasyni
í Héraðsdómi Reykjavíkur í gær.
Gunnlaugur stefndi Teiti fyrir
bloggfærslu þar sem hann sagði
Gunnlaug eiga auð sinn undir póli-
tískum tengslum og að hann hefði,
sem þingmaður, komið sér þannig
fyrir að hann hefði öðlast innherja-
upplýsingar um Kögun og að end-
ingu sölsað fyrirtækið undir sig.
Gunnlaugur sagði fyrir rétti í
gær að hann hefði verið þekktur
sem heiðarlegur og góður rekstr-
armaður og að ummæli Teits hefðu
dregið úr trúverðugleika hans.
„Þetta hefur í rauninni tætt sundur
líf fólks,“ sagði Gunnlaugur, og kvað
málið hafa lagst þungt á konu sína,
sem einnig er stefnandi í málinu,
móður hennar og sum börn þeirra.
Gunnlaugur og lögmenn hans
spurðu jafnframt að því hvernig
hann hefði mögulega getað misnotað
stöðu sína sem þingmaður á árunum
1995 til 1999 til að komast yfir upp-
lýsingar mörgum árum áður.
Sigríður Rut Júlíusdóttir, lögmað-
ur Teits, fór fram á að málinu yrði
vísað frá dómi á þeim grundvelli að
kröfugerðin væri allt of óskýr og víð
og ekki væri eðlilegt að leggja það á
herðar dómara að sigta meint meið-
yrði út úr lengri, samfelldum texta.
Sigríður Rut benti á að Kögun-
armálið svokallaða hefði verið til
umræðu í samfélaginu í nærfellt
tvo áratugi og að mannorð Gunn-
laugs hefði ekki beðið meiri hnekki
af bloggfærslu Teits en af annarri
umræðu um málið, til dæmis blaða-
grein í Morgunblaðinu árið 1998
sem var grunnurinn að bloggfærsl-
unni og ekki hefði verið höfðað
meiðyrðamál út af.
Þá útskýrði Sigríður Rut að tján-
ingarfrelsið væri rækilega varið
af stjórnarskránni og mannrétt-
indasáttmálum og að knýjandi þörf
þyrfti að vera fyrir að takmarka
það. Sú þörf væri ekki fyrir hendi
í þessu máli. stigur@frettabladid.is
SKIPTAR SKOÐANIR Gunnlaugur, til vinstri, mætti í dóminn ásamt lögmönnum sínum, feðgininum Skúla Bjarnasyni og Erlu
Skúladóttur. Til hægri sést Teitur ræða við lögmann sinn, Sigríði Rut Júlíusdóttur. FRÉTTABLAÐIÐ/GVA
Á meðal gagna í málinu er fyrsta fréttin af málsókn Gunnlaugs, sem
birtist í Fréttablaðinu 8. júní í fyrra. Teitur og verjandi hans halda því fram
að með því að fara óblíðum orðum um Teit í viðtali við Fréttablaðið hafi
Gunnlaugur gert sig útsettari en ella fyrir óvæginni umfjöllun af hálfu Teits.
Gunnlaugur sagði fyrir dómi í gær að um óformlegt spjall hans við
blaðamann hefði verið að ræða, hann hefði ekki veitt leyfi fyrir því að
vitnað yrði til orða hans og að hann hefði í samtalinu sagt að Teitur hefði
hegðað sér „eins og galinn maður“, frekar en að hann væri galinn maður.
Af þessu tilefni vill Fréttablaðið taka fram að upptaka er til af samtalinu.
Þar kynnir blaðamaður sig sem slíkan og ræðir stuttlega við Gunnlaug
um tilefni málshöfðunarinnar, án þess að nokkur fyrirvari sé gerður um að viðtalið skuli ekki sett á prent. Samtalið er
nákvæmlega haft eftir í blaðinu og Gunnlaugur hefur aldrei – fyrr en í dómssal í gær – gert athugasemd við fréttina.
Athugasemd frá Fréttablaðinu
Segir blogg Teits hafa
lagst þungt á ættina
Gunnlaugur Sigmundsson segir trúverðugleika sinn hafa beðið hnekki af blogg-
færslu Teits Atlasonar. Jón Baldvin Hannibalsson bar fyrir rétti um minnisblað
utanríkisráðuneytisins þar sem sagði frá ýmsu „vafasömu“ varðandi Kögun.
GAMLIR VINIR Lögmenn Gunnlaugs bentu oftar en einu sinni á það að vitnisburð
Jóns Baldvins Hannibalssonar bæri að skoða í því ljósi að hann væri góður vinur Atla
Heimis Sveinssonar, föður Teits, til áratuga.
DÓMSMÁL Gunnlaugur M. Sig-
mundsson, fyrrverandi alþingis-
maður, hefur stefnt bloggaranum
Teiti Atlasyni fyrir meiðyrði. Til-
efnið er bloggfærsla sem Teitur
skrifaði 16. febrúar síðastliðinn
um viðskipti Gunnlaugs á tíunda
áratuginum.
„Þetta er eitt
allsherjar-
bull í gölnum
manni þannig
að það er ekk-
ert annað að
gera,“ segir
Gunnlaug-
u r u m
stefn-
una.
Bloggfærsl-
an var undir
yfirskriftinni
„Formaður
Framsóknar-
f lokksins og
hræðslan“ en
henni hefur nú
verið breytt
og inniheldur
einungis þrett-
án ára gamla
umfjöllun úr Morgunblaðinu um
málefni fyrirtækisins Kögunar,
sem Gunnlaugur fór fyrir.
„Þetta snýst um það að sonur
minn segir að ríkisstjórnin sé
hrædd og þá snýr hann þessu upp
á fjölskyldu Sigmundar, það er að
segja mig og konuna mína – að
ég hafi notað aðstöðu
mína sem þingmaður
til þess að komast að
innherjaupplýsingum og frétt
af stórum samningi við NATO,“
segir Gunnlaugur um blogg-
færsluna, en hann er faðir Sig-
mundar Davíðs Gunnlaugssonar,
formanns Framsóknarflokksins.
Gunnlaugur segist hafa boðið
Teiti sættir en þeim hafi Teitur
hafnað. „Hann virðist telja að
þar sem ég hafi einu sinni verið
opinber persóna þá sé honum
heimilt að kasta í mig hvaða skít
sem er,“ segir hann. Hann vildi
ekki tjá sig frekar um stefnuna
og vísaði á lögmann sinn, Erlu
Skúladóttur.
Erla staðfesti að málið hefði
verið höfðað og það yrði þing-
fest 28. júní en vildi ekki tjá sig
að öðru leyti og kvaðst ekki vilja
reka málið í fjölmiðlum.
Hvorki náðist í Teit né lög-
mann hans í gær. - sh
Gunnlaugur M. Sigmundsson stefnir bloggaranum Teiti Atlasyni fyrir meiðyrði:
„Eitt allsherjarbull í gölnum manni“
GUNNLAUGUR M.
SIGMUNDSSON
TEITUR ATLASON
FRÁBÆRT VERÐ!
DUBLIN
1. - 5. NÓV. - 4 DAGA FERÐ
Verð frá:
83.900 kr.
á mann m.v 2 fullorðna í tvíbýli í 4 nætur á
Bewleys Ballsbridge með morgunmat inniföldum
LÁGMÚLA 4 108 RVK
SÍMI 585 4000
URVALUTSYN.IS
Ferðaskrifstofa
BORGARMÁL Kjartan Magnússon
borgarfulltrúi gagnrýndi á borg-
arstjórnarfundi vinnubrögð bæði
stjórnar Austurhafnar og nokk-
urra embættismanna Reykja-
víkur, sem hann segir hafa neit-
að sér um rekstrarúttekt KPMG
vegna tónlistarhússins Hörpu.
„Jafnvel eftir að mennta- og
menningarmálaráðuneytið sendi
skýrsluna til fjölmiðla, neitaði
stjórnin að afhenda undirrit-
uðum hana,“ segir í bókun Kjart-
ans á fundinum. „Eftir því sem
næst verður komist, studdu þrír
fulltrúar Reykjavíkurborgar í
stjórninni umrædda ákvörðun.“
Kjartan segir það með ólíkind-
um að stjórn Austurhafnar „skuli
kjósa að halda mikilvægum upp-
lýsingum um fjárhag Hörpunnar
frá kjörnum fulltrúa. Ekki er síður
ámælisvert að stjórnarmenn, skip-
aðir af Reykjavíkurborg skuli taka
fullan þátt í því með þessum hætti
að halda umræddum upplýsingum
frá kjörnum borgarfulltrúa.“
Á fundinum lagði Kjartan jafn-
framt fram fimm fyrirspurnir um
fjárhag Hörpunnar og þau vinnu-
brögð sem ástunduð hafa verið í
tengslum við húsið. - gb
Kjartan Magnússon borgarfulltrúi ósáttur við stjórn Austurhafnar:
Fær ekki upplýsingar um Hörpu
HARPA Kjartan segir vinnubrögð
embættismanna ámælisverð.
SVÍÞJÓÐ Starfsmenn veitingahúsa
og bara í Svíþjóð eru líklegri til
þess að drekka óhóflega mikið en
aðrir. Þetta kemur fram í nýrri
sænskri rannsókn.
Ungar konur á aldrinum 18 til
29 ára eru í mestri hættu, en 82
prósent þeirra drukku „hættulega
mikið magn af áfengi“. Í heild-
ina þóttu 63 prósent starfsmanna
drekka hættulega mikið.
Niðurstöðurnar komu ekki á
óvart, sagði Thor Norström, einn
höfunda rannsóknarinnar í sam-
tali við AFP fréttastofuna. - þeb
Kom höfundum ekki á óvart:
Barstarfsmenn
drekka óhóflega
Fórstu til útlanda í sumar?
Já 35,9%
Nei 64,1%
SPURNING DAGSINS ÍDAG:
Hefur þú nokkurn tíma unnið í
Lottó eða Víkingalottó?
Segðu þína skoðun á Vísir.is
KJÖRKASSINN