Fréttablaðið - 06.09.2012, Page 8

6. september 2012 FIMMTUDAGUR8
www.volkswagen.is
Komdu og reynsluaktu Volkswagen Polo
A
uk
ab
ún
að
ur
á
m
yn
d:
1
8“
á
lfe
lg
ur
, þ
ok
ul
jó
s
og
li
ta
ða
r
rú
ðu
r
- fyrir okkur öll
Volkswagen Polo
Meðaleyðsla aðeins
3,8 lítrar á hverja 100 km*
* Miðað við blandaðan akstur á beinskiptum Volkswagen Polo Trendline 1.2 TDI
Polo kostar aðeins frá
2.290.000 kr.
SKATTUR Ríkisskattstjóri hækkaði
í fyrra skatta um tæpan milljarð
króna vegna 21 máls frá skatt-
rannsóknarstjóra. Það sem af er
þessu ári hefur ríkisskattstjóri
hækkað skatta um 674 milljónir
króna vegna mála frá skattrann-
sóknarstjóra. Gjaldabreytingar
á þessu ári voru vegna 43 aðila.
Hluti þeirra mála er skattaskjóls-
mál.
„Heildarskattahækkanirnar
vegna aðgerða ríkisskattstjóra og
skattrannsóknarstjóra í fyrra og
það sem af er þessu ári eru 11,8
milljarðar króna. Lagfæringar og
leiðréttingar eru ekki inni í þess-
ari upphæð. Eftirlitsmál eru hins
vegar í þessari upphæð en fjöldi
þeirra var í fyrra 491,“ segir Skúli
Eggert Þórðarson ríkisskattstjóri.
Kerfisbundið undanskot á fjár-
magnstekjuskatti er mest áberandi
í svokölluðum skattaskjólsmálum,
að sögn Skúla. „Það er óhætt að
segja að fjármagnstekjuskattur
sé sá skattur sem er einna drýgst-
ur í þessu. Menn hafa ekki staðið
skil á honum. Þegar ráðstafanir
eru gerðar í gegnum skattaskjól
er oftast verið að fela söluhagnað.
Fjármagnstekjurnar eru vantaldar
í gegnum aflandsfélög.“
Árið 2009 skoðaði ríkisskatt-
stjóri notkun á kreditkortum sem
gefin voru út erlendis og skuld-
færð þar en notuð til úttektar hér
á landi. „Við báðum um upplýsing-
ar um notkun yfir ákveðinni upp-
hæð. Þetta var aðferð til að finna
stærri undanskot. Út úr þessu
komu 60 aðilar sem þannig hátt-
aði til um. Við vissum ekki fyrir
fram hverjir þeir væru. Talið var
að um kerfisbundið undanskot frá
skatti væri að ræða í helmingi til-
vikanna og voru þau mál öll send
skattrannsóknarstjóra. Rannsókn
á þeim er nú að mestu lokið og er
búið að leggja á skatt í langflestum
þeirra,“ segir ríkisskattstjóri.
Bryndís Kristjánsdóttir skatt-
rannsóknarstjóri greindi frá því í
viðtali við Fréttablaðið á þriðjudag
að hluti skattaskjólsmálanna hefði
komið upp á yfirborðið í kjölfar
kreditkortamálsins. Í ljós hefðu
komið tengsl á milli sumra þeirra.
„Ýmis gögn og upplýsingar varð-
andi sum málanna hafa leitt okkur
inn í önnur.“ ibs@frettabladid.is
Vangoldnir skattar
upp á 12 milljarða
Aðgerðir ríkisskattstjóra og skattrannsóknarstjóra hafa leitt til skattahækkana
upp á 11,8 milljarða í fyrra og það sem af er þessu ári. Kerfisbundið undanskot
á fjármagnstekjuskatti áberandi í skattaskjólsmálum, að sögn ríkisskattstjóra.
SKATTASKJÓL Langflest skattaskjólsmálanna tengjast Lúxemborg. Ríkisskattstjóri
segir fjármagnstekjur vantaldar í gegnum aflandsfélög.
Þegar ráðstafanir
eru gerðar í gegnum
skattaskjól er oftast verið að
fela söluhagnað.
SKÚLI EGGERT ÞÓRÐARSON
RÍKISSKATTSTJÓRI
LÖGREGLUMÁL Lögreglunni á Suð-
urnesjum barst í fyrrinótt til-
kynning um að mikil reykjarlykt
væri í stigagangi fjölbýlishúss.
Þegar lögreglumenn komu á stað-
inn var mikil brunalykt þar og
reyndist hana leggja frá potti á
eldavél í einni af íbúðunum.
Húsráðandi hafði verið að
sjóða sér egg seint í gærkvöld og
sofnað út frá eldamennskunni.
Hann kvaðst sjálfur myndu reyk-
ræsta íbúð sína.
Mikil reykjarlykt í fjölbýlishúsi:
Sofnaði yfir
eggjasuðunni
1. Hvaða lið tryggði sér á þriðjudag
í fyrsta sinn Íslandsmeistaratitil í
knattspyrnu kvenna?
2. Hver er nýr þingflokksformaður
Sjálfstæðisflokksins?
3. Hvað er talið að væntanleg ný
útgáfa snjallsíma Apple eigi að heita?
SVÖR
1. Lið Þórs/KA. 2. Illugi Gunnarsson.
3. Iphone 5.
• High-Tech Polyethlen-akrýl efni
• Langtíma yfi rborðsvörn
• Einstök UV vörn
• Háglans án póleringar
• Hreinsar og ver í einni umferð
Bílasmiðurinn hf · Bildshöfða 16
sími: 5672330
ALLT SEM
Þú ÞARFT
NANO-TECH BÍLABÓN
HEILBRIGÐISMÁL Raflögnum og rafbún-
aði á sjúkrastofnunum hér á landi er
víða ábótavant. Þetta kemur fram í
úttekt Mannvirkjastofnunar á ástandi
raflagna og rafbúnaðar á yfir hundrað
sjúkrastofnunum.
Mannvirkjastofnun hefur undan-
farin þrjú ár látið skoða raflagnir á
sjúkrastofnunum til að fá sem gleggsta
mynd af ástandi þessara mála og koma
ábendingum á framfæri um það sem
betur mætti fara.
Í úttekt stofnunarinnar kemur fram
að í 80 prósentum tilvika hafi verið
gerðar athugasemdir við merkingu
búnaðar í rafmagnstöflum. Þá voru
í um 60 prósentum tilvika gerðar
athugasemdir við tengla og töfluskápa.
„Úr sumum ágöllum má bæta með
betri umgengni en flestar athugasemd-
irnar kalla á fagþekkingu,“ segir í til-
kynningu stofnunarinnar. Gamall og
bilaður rafbúnaður og aðgæsluleysi
fólks eru meðal helstu orsaka raf-
magnsbruna. „Eigendur og forráða-
menn á sjúkrastofnunum bera ábyrgð
á ástandi þess rafbúnaðar sem þar
er notaður. Því er brýnt að löggiltur
rafverktaki yfirfari raflagnir og raf-
búnað á fyrrgreindum stöðum svo
að öryggi sjúklinga og starfsfólks sé
tryggt.“ - þeb
Mannvirkjastofnun gerði úttekt á ástandi rafmagns á sjúkrastofnunum hér á landi:
Raflögnum og rafbúnaði víða ábótavant
AF SJÚKRAHÚSI Merkingar í rafmagnstöflum á sjúkrastofnunum voru í
ólagi í 80 prósentum tilvika. NORCIPHOTOS/GETTY
FERÐAMANNAIÐNAÐUR Gistinóttum
á hótelum í júlí fjölgaði um tólf
prósent miðað við sama mánuð
í fyrra, samkvæmt tölum Hag-
stofu.
Gistinætur í júlí voru nú
254.900, en um 90 prósent af
þeirri tölu eru vegna erlendra
ferðamanna. Gistinóttum útlend-
inga fjölgaði um þrettán prósent,
en gistinóttum Íslendinga fjölgaði
um um það bil átta prósent.
Sé litið til fyrstu sjö mánaða
ársins hefur gistinóttum fjölgað
um rúm átján prósent frá síðasta
ári. Á því tímabili fjölgaði gisti-
nóttum erlendra gesta um fimmt-
ung en gistinóttum Íslendinga
fjölgaði um ellefu prósent. - þj
Tölur frá Hagstofu Íslands:
Gistinóttum
fjölgaði í júlí
Á FERÐ UM LANDIÐ Gistinóttum
erlendra ferðamanna hefur fjölgað um
fimmtung það sem af er ári miðað við
sama tíma í fyrra. FRÉTTABLAÐIÐ/VALLI
Tíu bjargað af skútu
Áhöfnin á færeyska varðskipinu
Brimli bjargaði í fyrrakvöld tíu manna
áhöfn pólskrar skútu. Skipstjórinn
hafði óskað eftir aðstoð en skútuna
rak stjórnlaust í stórsjó vestur af
Færeyjum. Skipverjar voru heilir en
þrekaðir eftir mikið volk.
FÆREYJAR
VEISTU SVARIÐ?