Fréttablaðið - 06.09.2012, Blaðsíða 68

6. september 2012 FIMMTUDAGUR
bio@frettabladid.is
52
Spennumyndin The Bourne
Legacy verður frumsýnd
í kvikmyndahúsum annað
kvöld. Þetta er fjórða mynd-
in í kvikmyndaröðinni sem
byggð er á skáldsögum
Roberts Ludlum.
The Bourne Legacy segir frá
Aaron Cross sem er meðlimur
í Operation Outcome, leynilegu
verkefni sem stýrt er af varnar-
málaráði Bandaríkjanna. Cross
tekur þátt í æfingu á vegum Opera-
tion Outcome sem krefst þess að
hann ferðist í gegnum óbyggðir
Alaska og er áfangastaðurinn lít-
ill kofi í óbyggðunum miðjum. Þar
er fyrir fyrrum meðlimur Opera-
tion Outcome sem gerður hefur
verið útlægur. Á sama tíma hefur
Jason Bourne flett ofan af verkefn-
um hersins og sæta yfirmenn hans
nú rannsókn. Topparnir óttast nú
um stöðu sína og í tilraun til þess
að hylja slóð sína ákveða þeir að
útrýma öllu og öllum sem koma að
Operation Outcome, þar á meðal
Cross. Hann kemst þó undan og
Verðugur arftaki Damons
■ Universal Pictures hafði ekki ætlað sér að framleiða fleiri myndir um sér-
sveitarmanninn Bourne eftir kvikmyndina The Bourne Ultimatum. Árið
2008 var þó hafist handa við gerð fjórðu kvikmyndarinnar og var George
Nolfi fenginn til að semja handritið að myndinni. Sú mynd er jafnframt
sú eina sem ekki er byggð á skáldsögum Robert Ludlum.
■ Jake Gyllenhaal, Tobey Maguire, Garrett Hedlund og Michael Fassbender
voru á meðal þeirra fjölmörgu leikara er komu til greina í hlutverk Aarons
Cross.
■ Jeremy Renner lék Fred McBride árið 2005 í kvikmyndinni A Little Trip to
Heaven í leikstjórn Baltasars Kormáks. Hann sló í gegn nokkrum árum
síðar fyrir leik sinn í The Hurt Locker.
MYNDIN SEM ÁTTI EKKI AÐ VERÐA
STENDUR SIG VEL Jeremy Renner þykir verðugur arftaki Matts Damon í fjórðu Bourne-myndinni. The Bourne Legacy þykir góð
skemmtun og full af hasar.
ERFIÐ REYNSLA Jamie Foxx segir það hafa verið erfiða reynslu að leika í Django Unchained,
nýjustu mynd Quentin Tarantino. „Við tölum lítið um þá hrottafengnu meðferð sem þrælar upplifuðu
því það er sársaukafullt. Það var enn verra að upplifa þetta sjálfur við tökurnar,“ sagði leikarinn.
Michael Fassbender mun fara
með titilhlutverkið í gaman-
myndinni Frank. Fassbender
leikur sérvitran rokktónlistar-
mann í myndinni og fer Domn-
hall Gleeson með hlutverk mis-
lukkaðs tónlistarmanns sem
óvart gengur í raðir rokksveitar
Franks. Handrit myndarinnar
er eftir rithöfundinn Jon Ron-
son og handritshöfundinn Peter
Staughan, sem unnu áður að gerð
handrits myndarinnar The Men
Who Stare at Goats. Írinn Lenny
Abrahamson leikstýrir mynd-
inni.
Fassbender er ekki þekktur
fyrir gamanhlutverk og hefur
hingað til tekið að sér hlutverk
í þungum dramatískum kvik-
myndum á borð við Prometheus,
Shame og Inglourious Basterds.
Hann lék nýverið í myndinni
Twelve Years A Slave sem segir
frá manni sem rænt er frá New
York á 19. öld og hann seldur í
þrældóm. Með önnur hlutverk
fara Brad Pitt, Benedict Cumber-
batch og Paul Dano.
Ný hlið á
Fassbender
Í GAMANHLUTVERK Michael Fassbender
tekur loks að sér gamanhlutverk í
kvikmyndinni Frank. NORDICPHOTOS/GETTY
Leikkonan Isla Fisher fer með
hlutverk í gamanmyndinni Bach-
elorette sem segir frá vinkonu-
hópi sem sameinast að nýju fyrir
brúðkaup einnar úr hópnum.
„Atriðið þar sem við rótum
í ruslapokum stendur upp úr
sem það eftirminnilegasta. Ég
man að ég hugsaði: „Ja hérna,
hvernig stendur á því að ég er
hér á fjórum fótum með höfuðið
á kafi í svörtum ruslapoka fyrir
framan skemmtistað í New York
klukkan fjögur að nóttu til?“ Það
var gaman að leika skemmtana-
glöðu stúlkuna því sjálf eyði ég
helgunum með börnum mínum,“
sagði leikkonan um hlutverk sitt í
myndinni.
Rótaði í rusli
SKRÍTIÐ HLUTVERK Isla Fisher segir það
hafa verið gaman að leika í Bachelorette.
NORDICPHOTOS/GETTY
Tvær kvikmyndir eru frumsýndar
í bíóhúsum um helgina auk mynd-
arinnar The Bourne Legacy sem er
fjallað um hér fyrir ofan.
Íslenska hasarmyndin Frost
kemur á hvíta tjaldið annað kvöld
og er hennar víða beðið af mik-
illi eftirvæntingu. Reynir Lyng-
dal leikstýrir myndinni og Björn
Thors, Anna Gunndís Guðmunds-
dóttir, Helgi Björnsson og Elma
Lísa Gunnarsdóttir eru meðal leik-
ara. Frost fjallar um parið Öglu og
Gunnar. Agla er jöklafræðingur og
Gunnar er kvikmyndagerðamaður
og þau lenda í háskalegu ævintýri
á ferð sinni um hálendi Íslands þar
sem þau eiga við óþekkt, en að því er
virðist, banvænt afl að etja. Mynd-
in var að stórum hluta tekin upp við
erfiðar aðstæður á Langjökli.
Nýjasta mynd þreföldu Óskars-
verðlaunaleikkonunnar Meryl
Streep, Hope Springs, kemur einn-
ig í bíóhúsin annað kvöld. Myndin
er sannarlega stjörnum prýdd því
mótleikarar hennar eru þeir Tommy
Lee Jones og Steve Carell. Streep og
Jones leika hjón sem hafa verið gift
í 31 ár. Henni finnst allur neisti vera
farinn úr sambandinu og skráir þau
því í vikulanga hjónabandsráðgjöf
og fer Carell með hlutverk sálfræð-
ings sem leiðir þau í gegnum vik-
una og leggur fyrir þau hin ýmsu
verkefni. Meðan sum þeirra eru
jafn auðveld og að haldast í hendur
á almannafæri þá kafar hann einn-
ig í samlíf hjónanna og tekur kynlíf
þeirra fyrir. - trs
Hálendi og kynlífsráðgjöf í bíó
LAPPA UPP Á SAMBANDIÐ Tommy Lee Jones og Meryl Streep fara með hlutverk
hjóna sem hressa upp á 31 árs langt hjónabandið með því að fara í hjónabandsráð-
gjöf í myndinni Hope Springs.
upphefst æsispennandi eltingaleik-
ur í anda fyrri Bourne-myndanna.
Með aðalhlutverk fara Jeremy
Renner, Rachel Weisz, Edward
Norton, Joan Allen og Albert Fin-
ney og um leikstjórn sér Tony
Gilroy. Gilroy þessi er sá sami
og skrifaði handritin að fyrri
Bourne-myndunum sem skörtuðu
Matt Damon í aðahlutverki. The
Bourne Legacy er þriðja myndin
sem Gilroy leikstýrir, áður hefur
hann leikstýrt myndunum Michael
Clayton og Duplicity.
Gagnrýnandi The Guardian
gefur myndinni þrjár stjörnur af
fimm og segir Renner vera tölu-
vert harðsnúnari sérsveitarmann
en Matt Damon. Á vefsíðunni
Metacritic.com þykir myndin rétt
yfir meðallagi, hún fær 61 prósent
af hundrað. Flestir eru sammála
um að Renner standi sig prýðilega
í hlutverki Aarons Cross og að
hann sé verðugur arftaki Damons.
Myndin er spennuþrungin og nóg
er af hasaratriðum fyrir þá sem
þyrstir í slíkt.