Fjarðarpósturinn - 27.10.1983, Blaðsíða 6

6
FJARÐARPÓSTURINN
Hafa verslunarhættir brevst?
Á stormsömum vettvangi lands-
málanna hafa umræður um kjara-
skerðingu og minnkandi kaupmátt
launa, tekið meira rúm og tíma í
fjölmiðlum en flest önnur málefni
líðandi stundar. Vafalaust er
erfiðara nú en áður að láta launin
endast og flest heimili þurfa eflaust
að spara við sig ýmislegt sem áður
þótti sjálfsagður hlutur.
Fáir verða jafn áþreifanlega
varir við breytingar á kaupmætti
fólks og þeir sem reka verslanir.
Fjarðarpósturinn heimsótti því
nokkrar verslanir hér í bæ og
spurði forsvarsmenn þeirra spurn-
ingarinnar:
Verður þú var við breytingar á
verslunarháttum fólks vegna minni
kaupmáttar?
Jón Sveinsson, verslunarstjóri
málningar- og byggingarvöru-
verslunarinnar Lœkjarkot
Það er alveg greinilegt, að fólk
hefur minni pening milli handanna
nú en áður. Það getur ekki gert það
sem það langar til og þarf að velta
vöruverðinu mikið fyrir sér. Þessu
man ég ekki eftir frá því að ég hóf
verslunarrekstur.
Þá eru margir orðnir hræddir við
að fá lánað, vilja heldur reyna að
staðgreiða vöruna. Fólk virðist sem
sagt farið að gera sér grein fyrir því
að það þarf að borga skuldirnar —
þótt síðar verði. Þetta skýtur
nokkuð skökku við, þegar haft er í
huga að nú eru bankarnir farnir að
taka bréf með mun betri kjörum en
áður tíðkaðist.
í framhaldi af þessu má geta þess
að lánstími heildsala til smásala
hefur styst verulega, þannig að
verslunin þarf að hafa mun meira
eigið fjármagn bundið í vöru en
áður tíðkaðist.
Guðbjartur Vilhelmsson í vöru-
markaði Kaupfélags Hafnfirðinga,
Miðvangi:
Það bendir margt til þess að fólk
reyni að halda í við sig. Það velur
nú frekar ódýrari vörur en áður.
Þannig hefur salan minnkað á
dýrari tegundum og vörumerkjum,
en aukist í ódýrari gerð vörunnar.
Annars hlýtur þetta breytta
ástand að bitna einna síst á mat-
vöruversluninni, a.m.k. gengur
reksturinn ágætlega hjá okkur.
Miðvangur hefur verið í sókn síðan
við opnuðum stórmarkaðinn hér.
Nú á allra siðustu vikum finnst
mér hafa dregið verulega úr verð-
hækkunum, og svona gegnum-
sneitt er um stöðnun að ræða, því
að sumar vörutegundir hafa
lækkað í verði. En þrátt fyrir allt
hef ég enn ekki áttað mig á því
hvernig sumir hafa efni á því að
vera til.
í Perlunni við Strandgötu 9
tókum við tali Elínu Guðjónsdótt-
ur sem þar vinnur við afgreiðslu.
Elín sagði að undanfarin ár hefði
október ávallt verið erfiður mán-
uður. Þá væru fatakaup á nem-
endur skólanna afstaðin og fólk
legði peningana fremur í slátur-
kaup en fatnað. Hins vegar brygði
nú svo við að október væri óvenju
góður mánuður miðað við undan-
farin ár.
Daníel Björnsson í matvöruversl-
uninni Arnarhraun:
Mér finnst fólk velta hlutunum
meira fyrir sér en áður, velur það
ódýrasta og fínni vörur seljast lítið.
Þá er mikil ásókn í að fá skrifað.
Annars finnst mér verðlag fara
heldur lækkandi og ég trúi því að
bráðlega fari að rofa til hjá okkur.
Ég held því, að þessar aðgerðir i
efnahagsmálum þjóðarinnar séu
réttlætanlegar, ef þær bera þann
árangur sem að er stefnt — hefðu
reyndar mátt koma löngu fyrr — og
þótt við þurfum öll að herða sultar-
ólina um tíma, þá sjáum við ekki
í öðru tölublaði ykkar — sem um
flest er hið ágætasta — rakst ég á
tvær útgáfur hvimleiðrar málvillu,
sem mér sýnist verða sífellt út-
breiddari meðal landsmanna. Á
bls. 2 segir bæjarstjórinn að rætt
hafi verið ,,við Landleiði" og á bls.
14 er sagt frá ungum mönnum, sem
hafa „útbúið matarpakka fyrir
Flugleiði“.
Seinni hluti orðanna beggja er í
nefnifalli leiðir og Kjartan heitinn
Ólafsson kenndi mér að beygja það
svona: leiðir - um leiðir - frá leiðum
- til leiða. Þess vegna tala ég um
Landleiðir og útbý kannski
einhverntíma matarpakka fyrir
Flugleiðir.
Þegar orðin eru beygð eins og þið
gerið ætti seinnipartur þeirra að
vera hvorugkynsorðið leiði, en
venjulegasta merking þess er gröf
eftir því, ef við komumst yfir efna-
hagsvandann á þennan hátt.
eða dys. Flugleiði væri þá dys flugs-
ins, matarpakkarnir væntanlega
fórnir og bæjarstjórinn miðill. Ég
hygg að orðið í þessari útgáfu hafi
breiðst út eftir að Flugleiðir lentu í
rekstrarerfiðleikum fyrir fáeinum
árum, en nú hefur sem betur fer
ræst úr hjá félaginu - og því óþarfi
að hæðast að því áfram með
þessum hætti.
Með bestu kveðju,
Ólafur Þ. Harðarson
Við sem stöndum að útgáfu
Fjarðarpóstsins þökkum Ólafi
bréfið og birtum athugasemdir
hans hér óstyttar, enda eiga þær
vafalaust erindi við fleiri en okkur.
Um leið biðjum við iesendur
afsökunar á þessum og öðrum
villum, sem alltof oft slæðast inn á
síður blaðsins.

Hafnfiröingar!
Enn er hægt að bæta við börnum á skóladag-
heimilið að Kirkjuvegi 7 í Hafnarfirði.
Umsóknum um vistun á heimilið veitir dagvistar-
fulltrúi móttöku áfélagsmálastofnun Hafnarfjarðar,
Strandgötu 6, þar sem eyðublöð liggja frammi.
Félagsmálastjóri
V______________________________________/
— PÓSTHÓLF 57 —
Bréf til Fjardarpóstsins:
Er flugið dautt og grafið?