Vesturland - 27.03.2013, Blaðsíða 8

8 27. mars 2013
Brosað og faðmast
á Grundfirðingahátíð
Sólarkaffi Átthagafélags Grund-firðinga var haldið í byrjun Góu í í samkomusal að Gullsmára
9 Kópavogi. Þar voru mættir margir
brottfluttir Grundfirðingar, viðhengi
þeirra og aðrir sem dá Grundarfjörð.
Hollvinasamtök Grundarfjarðar voru
með bækurnar Fólkið, Fjöllin, Fjörð-
urinn til sölu. Það er alltaf skemmti-
leg stemmning á svona samkomum,
þarna hittist oft fólk sem annars sést
ekki nema fyrir tilviljun, eða jafnvel
úti á götu í Grundarfirði þegar æsku-
slóðirnar eru heimsóttar.
Nótan í Hörpu 14. apríl nk.:
Hrefna Rós Lárusdóttir frá
Tónlistarskóla Stykkishólms
fulltrúi Vestlendinga
Nótan – uppskeruhátíð tón-listarskóla er nú haldin í fjórða sinn. Nótan 2013
verður að mestu leyti með sama
sniði og fyrri hátíðir. Skipulag og
grunnhugsun hátíðarinnar byggir
á því að þátttakendur séu frá öllu
landinu, á öllum aldri og efnisskráin
endurspegli ólík viðfangsefni á
öllum stigum tónlistarnámsins.
Hólmarar gerðu góð ferð til
Ísafjarðar fyrir skömmu þar sem
fram fóru svæðistónleikar fyrir
Vesturland og Vestfirði. Af þremur
atriðum sem komu frá Tónlistar-
skóla Stykkishólms fengu tvö at-
riði sérstaka viðurkenningu fyrir
frábæran flutning, þ.e. gítartríóið
og Hrefna Rós Lárusdóttir sem var
auk þess valinn sigurvegari á þessum
svæðistónleikum með Berglindi
Gunnarsdóttur píanóleikara. Því
verða þær stöllur eitt af þremur
atriðum Vesturlands og Vestfjarða
á lokahátíð Nótunnar í Hörpu 14.
apríl nk.
Skjaldborgin og slökkvistarfið
Það verður að viðurkennast að framkoma gagnvart skuld-settum heimilum frá hruni
hefur verið skelfileg. Það er því rétt
að rifja upp hvað núverandi stjórnvöld
sögðu þegar þau tóku við árið 2009.
Þau lofuðu skjaldborg um heimilin og
sögðust ætla að slökkva þann eigna-
bruna sem var farinn að skíðloga á
íslenskum heimilum. Öll vitum við
hvernig slökkvistarfinu var háttað hjá
stjórnvöldum. Jú, þau brunuðu af stað
á forgangshraða með blikkandi ljós
á milli fjármálastofnana og slökktu
alla elda þar. Þau fóru meira að segja
eftir Reykjanesbrautinni á algjörum
neyðarforgangi til að slökkva elda
eftir íkveikju í Sparisjóði Keflavíkur,
en sú íkveikja mun kosta skattgreið-
endur uppundir 30 milljarða króna
Heildarkostnaður skattgreiðenda
vegna slökkvistarfsins hjá fjármála-
kerfinu nemur um 427 milljörðum.
Kannski hafa stjórnvöld haldið að
fjármálastofnanir væru brunatryggðar
hjá Sjóvá en eins og allir vita þá var
búið að kveikja líka í bótasjóðnum
hjá Sjóvá enda var hann tómur og
skattgreiðendur þurftu einnig að
koma þar til hjálpar. Stjórnvöldum
virtist slökkvistarfið ganga ansi vel,
enda nánast búin að slökkva alla elda
í fjármálakerfinu hér á landi á kostnað
skattgreiðenda. Slökkviliðstjórar rík-
isstjórnarinnar vildu fara í útrás og
lögðu því til að þau myndu taka að sér
að slökkva elda í Bretlandi og Hollandi
vegna Icesave eldanna. Efnahags- og
viðskiptaráðherra slökkviliðsins, Gylfi
Magnússon, var búinn að reikna það út
að ekkert mál væri fyrir íslenska skatt-
greiðendur að taka á sig 213 milljarða
kostnað vegna Icesave eldanna.
Hann sagði í grein sem hann skrif-
aði að það væri alveg sama hvernig
þetta væri reiknað, þetta yrði ekkert
mál fyrir íslenska skattgreiðendur að
taka þessa skuldbindingu á sig. Átta
mánuðum síðar var hinn sami ráð-
herra spurður að því hvort ekki væri
hægt að slökkva einhverja elda hjá
íslenskum heimilum. Þá kom svarið,
það er ekki til neitt hókus pókus og
hægt að láta skuldir hverfa, það verður
alltaf einhver að borga.
Já, efnahagsráðherrann sagði að
það væri ekkert mál að slökkva elda
vegna Icesave upp á 213 milljarða
en útilokað að koma heimilunum til
hjálpar. Sem betur fer tókst þjóðinni,
með forseta Íslands í broddi fylkingar,
að stöðva þá fyrirætlan þeirra enda
hefði slökkvistarfið vegna Icesave
getað kostað íslenska skattgreiðendur
allt frá 65 til 350 milljarða króna. Já,
slökkvistarfinu hjá stjórnvöldum er
lokið, þeim tókst að slökkva alla elda
í fjármálakerfinu en heildarkostn-
aður þeirra aðgerða er eins og áður
sagði 427 milljarðar. En gagnvart
heimilunum horfir þetta hinsvegar
öðruvísi við, þar hefur nánast ekkert
verið gert annað en að skvetta olíu á
eldinn þannig að eignabruninn hefur
aukist til muna vegna aðgerða núver-
andi stjórnvalda.
Nægir að nefna í því samhengi
skefjalausar gjaldskrár- og skatta-
hækkanir á kjörtímabilinu sem hafa
gert það að verkum að verðtryggðar
skuldir heimilanna hafa aukist um
30 milljarða króna. Og ekki má
gleyma Árna Páls lögunum þar sem
átti að láta vexti Seðlabankans gilda
afturvirkt og þannig reyna að hafa
64 milljarða króna af þeim sem voru
með gengistryggð lán. Já svona var
nú skjaldborgin og slökkvistarfið sem
skuldsettum heimilum var lofað og
nú segja stjórnvöld að allt vatn og öll
froða til að slökkva elda heimilanna
hafi farið í fjármálakerfið og ekkert
sé hægt að gera.
Varðhundar
fjármálakerfisins
Nú styttist í kosningar og í ljósi
þessa aðgerðaleysis stjórnvalda gag-
nvart íslenskum heimilum tel ég án
nokkurs vafa að brýnasta hagsmu-
namál komandi kosninga sé afnám
verðtryggingar og leiðrétting á þeim
grímulausa forsendubresti sem íslensk
heimili máttu þola í kjölfar hrunsins.
Það er dapurlegt að verða vitni að
því að varðhundum fjármálakerfis-
ins og stjórnvalda sé sleppt lausum úr
búrum sínum til að verja núverandi
fjármálakerfi. En þessir varðhundar
eru miklir spunameistarar og eiga að
telja alþýðunni og skuldsettum heim-
ilum trú um að stjórnvöld séu búin sé
að gera gríðarlega margt fyrir heimilin
og ekkert sé frekar hægt að gera. Þessir
aðilar hamast á lyklaborðinu og skrifa
um að afnám verðtryggingar og allt tal
um sanngjarna leiðréttingu til handa
skuldsettum heimilum sé lýðskrum
og öskra þessir aðilar hátt þegar þeir
spyrja hver eigi að borga. En takið
eftir, þetta eru sömu spunameistarar
og varðhundar og reyndu að telja
þjóðinni trú um að henni bæri skylda
til að taka á sig skuldbindingar sem
einkabanki stofnaði til vegna Ices-
ave. Skuldbindingar sem hljóðuðu
frá 65 og upp í 350 milljarða króna.
Já, þessir aðilar vildu og töldu rétt að
setja slíkar drápsklyfjar á íslenska al-
þýðu. Þessir varðhundar stjórnvalda
og fjármálakerfisins spurðu ekki hver
ætti að borga þegar leggja átti allt að
350 milljarða á skattgreiðendur.
Þessir sömu varðhundar töluðu
ekki heldur um lýðskrum og spurðu
ekki hver ætti að borga þegar 427
milljarðar króna voru settir á íslenska
skattgreiðendur til bjargar fjármála-
kerfinu eða þegar þessir sömu skatt-
greiðendur voru látnir tryggja allar
innistæður fjármálakerfisins.
Nei, sem betur fer hlustaði íslenska
þjóðin ekki á þessa varðhunda enda
skriðu þeir ýlfrandi með skottið á
milli lappanna inn í búrin sín eftir
að dómur í Icesave málinu féll. En nú
er búið að sleppa þeim aftur lausum
og núna eiga þeir að koma í veg fyrir
að eitthvað verði gert fyrir skuldsett
heimili. Það var nöturlegt, dapurlegt
og sorglegt að verða vitni að því þegar
spunameistararnir og varðhundar
stjórnvalda og fjármálakerfisins sögðu
ekki eitt einasta orð þegar verið var
að dæla fjármunum alþýðunnar til
bjargar fjármálakerfinu. Og nú koma
þeir fram og tala um lýðskrum þegar
koma á skuldsettum heimilum til
hjálpar.
Við alþýðu þessa lands vil ég segja;
Stöndum saman gegn þessari sér-
hagsmunaelítu því það er hún sem er
hrædd við okkur en við ekki við hana.
Með samstöðu getum við sagt þessari
sérhagsmunaelítu stríð á hendur og
krafist nýrra gilda, gilda er lúta að
hagsmunum heimilanna, réttlæti og
sanngirni. Gömlu gildin skulu víkja
í komandi kosningum, gildi er lúta
að sérhagsmunagæslu, óréttlæti og
ójöfnuði.
Vilhjálmur Birgisson
formaður Verkalýðsfélags Akranes
Vilhjálmur Birgisson, formaður
Verkalýðsfélags akraness.
Glæsilegur kvennafans, f.v. í efri röð: Elínborg sigurðardóttir, ragnheiður sigurðardóttir, Lilja mósesdóttir, rannveig
sigurðardóttir, sóley Björgvinsdóttir og Hrönn Harðardóttir. Neðri röð f.v.: Hildur mósesdóttir, Vilborg Jónsdóttir,
sigríður H. Ólafsdóttir, Ágústa Hinriksdóttir, Ásdís Hinriksdóttir, ragnheiður Elísdóttir og Guðrún m. sigurðardóttir.
albert Ágústsson frá móabúð og Ás-
mundur Jóhannsson frá Kverná.
Hrefna rós Lárusdóttir á sviðinu á Ísafirði eftir sigurinn ásamt Berglindi
Gunnarsdóttur undirleikara.