Stormur - 09.10.1940, Side 1

STORMUR
Ritstjóri: Magnús Magnússon
XVI. árg. Miðvikudaginn 9. október 1940. 23. tölubl.
Jeremía§arbbéf.
Reykjavík í okt. 1940.
Gamli kunningi!
Nú er Helgi okkar Briem farinn af stað til Spánar til
þess að selja saltfisk, sem raunar er enginn til. Um það
leyti, sem Helgi átti að fara sigldi Edda til Spánar, og
þótti mönnum líklegt að erindrekinn notaði sér af þess-
ari beinu ferð. En líklega hefir ekki verið búið að gera
alveg við næi’föt og sokkapör sendiherrans, þegar skipið
lagði úr höfn, því að Helgi tók sér ekki far með því, en
brá sér í þess stað til New York, og heldur svo þaðan til
Spánar, ef guð lofar.
Líklegt er að Helgi þurfi á nokkrum dollurum að halda
í þessu ferðalagi, þótt sparsamur sé fyrir ríkisins hönd, eins
og aðrir framsóknarmenn, en sjálfsagt verður engin þurð
á þeim, þótt kaupsýslumönnum sé neitað um þá til kaupa
á brýnustu nauðsynjavörum með skaplegu verði.
Nú eru Akureyringar búnir að kveðja 40 þúsund krónu
manninn. Sest hann nú með alla frægðargloríuna í Þjóð-
bankann, og mun líklega engin þjóð nema íslendingar geta
hrósað sér af því að velja sér bankastjóra og aðra trúnað-
armenn þjóðfélagsins með jafn flekklausa fortíð. Fer nú
fram úr þessu ekki að vanta eyrun á þá menn, sem fara
með viðskiftamál íslendinga.
Báðir Sjálfstæðisráðherrarnir hafa unnið sér nokkuð til
frægðar upp á síðkastið, enda þótti mörgum mál til komið
að þeir sýndu einhverja rögg af sér. — Möller lagðist
svo fast á Eystein að hann kiknaði í innflutningshafta-
farganinu, en Ólafur brá Bretanum á sniðglímu í loft-
skeytamálinu. — Telja kaupsýslumenn, að allmikil bót sé
að þessari rýmkun á innflutningshöftunum, en auðvitað
verður að halda áfram baráttunni uns þeim er að
fullu aflétt. Er miklu skynsamlegra, ef þörf þykir, að
banna algerlega innflutning á þeim varningi, sem að flestra
eða allra dómi er ónauðsynlegur, en að halda við þessu
innflutningshaftafargani sem er rándýrt í framkvæmdinni,
seint í vöfunum og hlutdrægt. En sennilega verður Jakob
að taka fastar um háls Eysteins áður en hann sleppir til
fulls úr höndum sér þessu haldreipi Sambandsins og Kaup-
félaganna.
Sigur Ólafs Thors í loftskeytamálinu er þess fyllilega
verður, að á hann sé bent, og það mun hiklaust mega segja
að það hafi verið einurð hans og frjálsmannlegri fram-
komu að þakka að Bretinn lét undan, en Stebbi okkar Jó.,
hann mun hinsvegar hafa haft mjög lítið að segja, þótt
utanríkismálaráðherra sé og álíka feitur og Churchill. —
Er nú vonandi að ráðherrar Sjálfstæðisflokksins haldi á-
fram að sýna það, að þeir séu starfi sínu vaxnir, og þess
verðugir að vera fyrirsvarsmenn stærsta og heilbrigðasta
stjórnmálaflokks landsins. En það eru þeir því aðeins, að
þeir setji þjóðarhagsmuni ofar sínum eigin hagsmunum og
láti ekki værugirni valdanna bregða læðingi á sannfæringu
sína og drengskap.
Ekki ber þeim vel saman hjónaleysunum frú Jóhönnu
Sigurðsson og Adam Rutherford hinum breska um það hve-
nær stríðið muni úti. Kheops Pyramídinn hefir sagt Ruther-
ford, að það endi 25. jan. næsta ár, en geti þó verið að verði
einhver slæðingur af því þangað til í júní, en jómfrú Ragn-
heiður Brynjólfsdóttir og Kristur hafa sagt frú Jóhönnu
að það muni standa í 4 ár og að miklar hörmungar eigi eftir
að dynja yfir þetta land. (Á fyrirlestrinum, sem frúin hélt í
Iðnó á dögunum, grátbændi hún mæðurnar að gæta vel
dætranna sinna). Húsfyllir var hjá frúnni, þegar hún flutti
þjóðinni þenna spádóm, en inngangseyririnn fer allur í leg-
stein yfir jómfrú Ragnheiði. Bók Rutherfords, sem ber und-
irfyrirsögnina: Vísindaleg opinberun, er að verða uppseld
eftir því sem Snæbjörn segir. — Sýnir þetta hvorutveggja,
sem raunar lengi hefir verið vitað, að mikil menningarþjóð
erum vér íslendingar.
Nú er fyrsti dagurinn, sem áfengisávísanir eru afhent-
ar í Bindindishöllinni, og ég þarf að skreppa og ná mér í
eina, því að kverkarnar í mér eru orðnar þurrar eins og í
slökkviliðsmanni eða Jónasi Guðmundssyni.
Vertu bless.
Þinn einl.
Jeremías.
I^róltamenn!
Munið:
Skó - og gömmívinnustofuna
á Klappcirstíg 44, sími 4444
Þorlákur Guðmundsson
Góð uinna
Sanngjarnt verð
Sœkjum
Sendum
Alliaf til