Stormur - 08.07.1943, Blaðsíða 4

4
STORMUR
Hershöfðinginn Afram og herra Afturábak
Sagan segir frá þýzkum herforingja, sem aldrei hikaði í
orustu og var ávallt sigursæll. Hann sparaði að vísu hvorki
sjálfan sig né menn sína. En fyrir dug og djörfung gáfu
þeir honum tignarheitið General Vorwerts.
önnur sagan er frá varnarstríði Finna hér áður fyrr gegn
innrás Rússa. Foringjar þeirra var deigur, þorði aldrei að
leggja til orrustu en lét ávalt undan síga. Hann var af liðs-
mönnum sínum nefndur herra Afturábak.
Eg held að það sé nokkuð einróma skoðun okkar fslendinga,
að okkur líki betur við herra Áfram. Við vitum að herspeki
Napóleons er enn óhrakin, sú, að sókn sé bezta vörnin. Og
við munum gamla rómverzka máltækið, að sá, sem vill frið,
hann búi sig undir stríð.
Við Sjálfstæðismenn vorum svo hrekklausir, að við lét-
um ginnast til að ganga inn í þjóðstjórnina 1939. Okkur
virtist það eina úrræðið til bjargar þjóðinni frá algeru hruni
eftir óstjórnartímabil rauðu flokkanna. Og við héldum, að
íslendingseðlið, drengskapurinn, í hinum flokkunum, væri
það mikill, að þetta mundi óhætt. Að vísu treysti enginn
kommúnistum, en hinir flokkarnir tveir reyndust ekki bet-
ur, því þeir sviku strax „með bitann í kjaftinum“.
Nú á enn að fara að reyna að mynda nýja þjóðstjórn,
þrátt fyrir þá ömurlegu reynslu sem fengist hefur. Eg held
við verðum nokkuð margir, sem segjum eins og sagt var
forðum: „við mótmælum allir“. Það þýðir ekki að tala um
frið og einingu við þá flokka, sem svífast einskis í' undir-
ferlinu og vilja allt þjóðfrelsi, lýðræði og athfnafrelsi feigt.
Við tölum venjulega um þrjá andstöðuflokka, en í raun
og veru er það aðeins einn, kommúnisminn, aðeins í mis-
munandi ógeðslegum útgáfum. Gegn þessari ófreskju viljum
við heyja baráttu. Okkur er jafn ógeðfellt smjaðrið fyrir
Norðurlöndum, Rússlandi, Þýzkalandi, Englandi og Ameríku.
Engin þessara þjóða verður til að styðja íslenzka málstaðinn,
ef við svíkjum hann sjálf. Og hvers virði er okkur lífið, ef
.leggja á í fjötra allt einstaklingsfrelsi, framtak og mannúð.
Allir viljum við endurreisa lýðveldi hér á landi. Við vilj-
um að Island sé fyrir íslendinga. Við viljum vera frjáls
þjóð í frjálsu landi og bera ábyrgð gerða okkar gagnvart
heiminum. En hvers virði er okkur það, þó við endurheimt-
um frelsið, ef við glötum því strax aftur, vegna þess að -við
líðum að erlend áhrif stofni „ríki í ríkinu“. Og hver er sá
sannur Islendingur, sem vill játast undir einræðisstjórn
kommúnista, þar sem allt athafnafrelsi og hugsanafrelsi er
bannað, þar sem menn verða að hlýða öllu eins og skynlausar
skepnur, guðlausir og vitlausir.
Við segjum nei. Enga samvinnu við hina ílokkana. Að-
eins hlífðarlausa baráttu þar til sjálfstæðisstefnan, þjóð-
frelsið, ræður yfir Islandi, landi og þjóð. En það á að vera
sjálfstæði fyrir alla, ríka og fátæka.
Það er talað um „að stemma á að ósi“. Svo heimskur var
Þór ekki, að hann hugsaði slíkt, því eðlilega mundi aðstreym-
ið ryðja stíflunni burt, eða streyma yfir hana. En hann
kastaði hiklaust til marks og hæfði það með fullum árangri.
Eg vona að Sjálfstæðisflokkurinn fari eins.
Einar Þveræingur vildi forðast einræðisvaldið af því hann
hélt að þá mundi mönnum þykja þröngt fyrir dyrum. Jón
Arason og synir hans létu lífið í frelsisbaráttu Islendinga.
Þessir menn þyrftu nú að vera á lífi, því svo fast sækir ó-
frelsið á.
Enginn bóndi má nú míga utan í hundaþúfu án þess að
spyrja fyrst einhvern Framsóknarhöfðingjann leyfis, og það
þó hann teljist eiga þúfuna sjálfur.
Sjómaðurinn má ekki sækja fisk í sjó nema einhver nefnd
ráðstafi aflanum.
I
Verkamaðurinn má ekki leita sér atvinnu nema pólitísk
vinnumiðlunarskrifstofa eða verkamannafélag leyfi.
Kaupmaðurinn má ekki flytja inn nauðsynjar, nema hin
skattfrjálsu samvinnufélög fái að flytja inn eins mikið, og
það þó þau e. t. v. séu ekki samkeppnisfær um verð og gæði.
Iðnaðarmaðurinn er hundeltur með allskonar heimskuleg-
um kvöðum um verð og annað, og neitað um nauðsynlegar
efnivörur. En binsvegar er allskonar drasli, eins og „lávarða-
húsgögn" dyngt inn í landið fyrir miljónir króna.
Og ofan á þetta grenja niðurrifsmennirnir og byltingar-
loddararnir á nýja skatta, meiri skatta, takið það allt, fé
og frelsi.
En þegar verið er að taka brauðið frá munni fátækra
kaupstaðarbarna og kasta því í hlandforir uppi í sveit, til
að molna þar niður andskotanum til ánægju' Framsóknar-
flokknum til upphefðar en engum bónda til gagns, þá skil ég
ekki annað en margir foreldrar segi: „hingað og ekki lengra",
hvað sem þingmennirnir gera.
Hannes Jónsson.
Avöxtun peninga
Vér viljum vekja athygli þeirra manna og stofnana, sem
ávaxta vilja fé sitt á hagkvæman og algerlega tryggan
hátt á því, að vér munum á næstunni hafa til sölu hlut-
deildarskuldabréf, tryggð með 1. og 2. veðrétti í síldar-
verksmiðju (auk bankaábyrgðar á meðan verið er að ljúka
við hana), sem greiðast á 15 og 5 árum og með 5% árs-
vexti.
Einnig höfum vér venjulega fyrirliggjandi beiðnir um lán
til lengri og skemmri tíma gegn öruggum tryggingum.
Festið ekki fé yðar án þess að tala við oss fyrst.
Fasteigna & Verðbréfasalan
(Lárus Jóhannesson hrm.),
Suðurgötu 4. Símar: 4314, 3249.
Smekklegasí
úrval af karlmannaskóm
fáið þér sem fyr hjá
Lárus G. Lúðvígsson
.— .. — Skóverslun ---