Árroði: blað félags ungra jafnaðarmanna. - 19.01.1936, Blaðsíða 2

2
ÁRROÐI
1
Jjví skipulagi, sem veitir öllu því bezta og
göfugasta í e'Öli og hugsun mannsins full-
komin vaxtarskilyrði og leyfir öllum kröft-
um að njóta sín í hinni samvirku þjóðar-
heild. Og fyrir þessu takmarki verkalýðs-
hreyfingarinnar — sigri socialismans — er
nú barizt um allan heim. í brjóstfylkingu þess-
arar baráttu stendur unga verkalýðskynslóðin
— ungir jafnaðarmenn, — kjarni þeirrar
æsku, sem vaxið hefir upp með síðari ára
átökum alþýðusamtakanna við spillta og úr-
kynjaða yfirstétt. Þessi bjartsýna, vígreifa
og frelsi unnandi æska hefir hlotið uppeldi
sitt og þroska af þeim verðmætum, andleg-
um og efnislegum, sem verkalýSshreyfingin
hefir með fórnum og baráttu tileinkað sér.
í dag heldur Félag ungra jafnaðarmanna
í Reykjavík 100. fund sinn. Félagið var
stofnað 8. nóv. 1927. Stofnendur þess voru
44 æskumenn og stúlkur. Tilgangur félags-
ins var og er sá, að tengja æskulýðinn sam-
an til starfs fyrir hagsmuna- og menningar-
mál verkalýðsstéttarinnar.
Þessi nýi vísir að skipulögðu áhugaliði
meðal unga fólksins innan alþýðusamtak-
anna boðaði nýjan þátt í starfi alþýðunnar,
sem ofinn var af fyrstu kynslóðinni, sem
vaxið hefir upp við það frelsi og kjarabæt-
ur, sem samtök verkalýðsins höfðu unnið
alþýðunni til handa með fórnfúsri baráttu
og starfi. Allt það er sú æska, er stóð að
stofnun F. U. J., hafði öðlast fram yfir þá
kynslóð, er nú er orðin við aldur, bæði í
menningarlegum og hagsmunalegum efnum,
er fólgið í ávöxtum þeirra mörgu sigra, sem
alþýðusamtökin hafa unnið síðasta manns-
aldur.
Alþýðusamtökin höfðu þannig í raun og
veru skapað og alið við brjóst sitt nýja
kynslóð, djarfa og frjálsa kynslóð, sem skildi
hvar vagga sín hafði staðið, og vissi, að hin
persónulega orka hvers einstaklings hennar
var háð og í sambandi við hið félagslega
orkuver eða orkugjafa, alþýðusamtökin. —
Þeir skildu þess vegna, að eftir því sem að-
staða Alþýðusamtakanna batnaði og kraft-
ur þeirra óx í sívaxandi átökum við aftur-
haldssama burgeisastétt, batnaði einnig
þeirra persónulegi hagur og vaxandi kjavk-
ur, og orka hvers einstaklings sigldi í kjöl-
far þess í sömu hlutföllum. Þessi unga verka-
lýðskynslóð, sem fann það með sjálfri sér,
að hún var tákn þeirra sigra, sem verkalýðs-
samtökin höfðu unnið, hlaut því að stofna
F. U. J. Hún fann sig knúða af ytri þörf og
umfram allt af innri þörf eldlegrar sannfær-
ingar um, að frelsi og velferð mannkynsins
veltur á því, hvort jafnaðarstefnan sigrar
eða miðaldaómenning kúgaranna, m. ö. o.
Fortíð, nútíð og framtíð þessa æskulýðs er
því tengd verkalýðshreyfingunni órjúfanleg-
um böndum, og lokasigur alþýðu allra landa
verður unninn undir fána hans, ef einhuga
baráttu og starfi hvergi skeikar og hagsmuna-
sjónarmið verkalýðsstéttarinnar og social-
ismans er sett ofar öllum aukasjónarmiðum,
sem fram kunna að koma. Og með öruggu
starfi, stálslegnum baráttuhug og fórnfúsum
vilja, er auðunninn sigur yfir afturhaldinu,
sem finnur engan tilgang annan í Iífinu en
að spyrna feigum fótum gegn vexti og við-
gangi verkalýðsstéttarinnar, sem er gróand-
inn í lífi þjóðanna og skapandi tákn nýrrar
aldar.
hvort það sigrar, serrk getur gert lífið bjart
og fagurt, eða hitt, sem veldur meiri hluta
fólksins hörmungum og sorgum með frelsis-
sviftingum, aftökum, styrjöldum, atvinnu-
leysi, menntunarskorti og allskyns eymd, sem
fylgja núverandi þjóðskipulagi eins og ógn-
andi skuggar.
Hlutverk hins skipulagsbundna æskulýðs í
félögum ungra jafnaðarmanna er að berjast
látlaust og án allrar hlífðar móti núverandi
auðskipulagi, sem veldur andlegri og efnis-
legri óáran meðal alls þorra fólksins. Með
því að ganga í F. U. J. vígir æskumaðurinn
krafta sína í þjónustu socialismans, þeirrar
stefnu, sem gefur hinum kúguðu ekki aðeins
von heldur vissu um að áþján, fátækt og
umkomuleysi verkalýðsstéttarinnar eru ekki
óumflýjanlegar plágur. Hlutverk unga fólks-
ins í F. U. J. er í samstarfi við stétt sína að
sigra orsakir hinna félagslegu meina, graf-
ast fyrir rætur þeirra og skapa í stað fá-
mennis—auðvalds vald íólksins sjálfs yfir öllu
því, sem öryggi og afkoma þess byggist á.
Það er heilög skylda þeirrar æsku, sem nú
er að vaxa upp meðal verkalýðsstéttarinn-
ar, og sem svo mikils góðs hefir notið af
fórnum og starfi foreldra sinna í hinni stétt-
arlegu hagsmunabaráttu, að yngja upp og
auka kraft verkalýðssamtakanna, ganga hug-
umstór og gunnreif fram í brjóstfylkingu og
halda merki jafnaðarstefnunnar hátt uppi,
merki fólksins, og vera viðbúin að taka það
upp, þar sem það kann að falla í höndum
þeirra, sem með löngu, fórnfúsu brautryðj-
endastarfi láta loks undan elli síga. — Þá
er það ekki síður skylda foreldranna, sem
staðið hafa í eldi frelsisbaráttu alþýðunnar
og með því öðlast skilning á gildi verkalýðs-
samtakanna, að glæða stéttartilfinningu
barna sinna, fræða þau um socialismann og
alþýðuhreyfinguna, lýsa áhrifum hennar á
hag heimilanna og síðast en ekki sízt að örfa
þau til virkrar þátttöku í félagsstarfi stéttar
sinnar og vísa þeim leiðina inn í félög ungra
jafnaðarmanna, þar sem þau eiga að skólast
og þroskast undir hina margþættu lífsbar-
áttu fólksins, sem þau eru sjálf hluti af.
Og því má enginn sannur socialisti gleyma,
að leið þeirrar baráttu, sem háð er fyrir
frelsi og fullri uppreisn alþýðustéttanna um
gervallan heim, liggur yfir gröf núverandi
þjóðskipulags.
Að lokum þetta: Um leið og Félag ungra
jafnaðarmanna í Reykjavík hvetur æskuna
lögeggjan til starfa undir merki fólksins og
socialismans gegn fámennisyfirráðum auð-
ugrar burgeisaklíku, vekur það einnig for-
eldra hennar til umhugsunar um þá skyldu,
sem á þeim hvílir um það, að hvetja börn
sín til að ganga í F. U. J. og með því forða
þeim frá siðleysisáhrifum burgeisastéttar-
innar. Barnssálin er næm fyrir áhrifum og
getur ekki í fyrstu án hjálpar greint hinn
óhreina tilgang, sem felst að baki skrum-
prédikunum þeirra, sem reka erindi and-
stæðinga verkalýðsins, og tala jafnan fag-
urt en hyggja flátt.
Foreldrar úr alþýðustétt verða að gera sér
glögga grein fyrir því, að varla getur sorg-
legri ógæfu en þá, að sjá börn sín vegna
áhrifa borgaranna vega að sinni eigin stétt
og týnast út úr eftirsóknarverðasta og glæsi-
legasta blutverki, sem til er á þessari jörð,
að berjast fyrir sigri fólksins og sjá það
sigra, 'sem um aldir hefir verið undirokað
og engin afdrep fundið, fyrr en með verka-
Iýðssamtökunum, undan mannskemmdavaldi
örfárra auðdrottna.
Félög ungra jafnaðarmanna og alþýðusam-
tökin lifi og sigri!
Ófarir Nazista.
Þrír fundir.
Á öndverðum vetri bjuggust nokkrir sið-
litlir unglingar hér í bænum, sem virðast
smitaðir af brjálæðislegri dýrkun á kúgunar-
stefnu nasista, til félagsstarfs með fundi í
K.-R.-húsinu. Fundur þessi var fjölsóttur af
ungu fóiki úr öllum flokkum. Formaður Fé-
lags ungra jafnaðarmanna, sem var á fund-
inum, óskaði eftir því að sér yrði veitt hlut-
deild í umræðum, þar sem fundurinn væri
opinber. En því neituðu nasistar. Ókyrrðist
þá mjög í salnum og kröfðust fundarmenn
svo að segja allir, að leyfðar yrðu frjálsar
umræður. Varð af þessu hark mikið, og
fundurinn leystist upp. Var hinn barsmíða-
sjúki og fáliðaði nasistahópur auðvirðilega
beygður á flótta sínum í fundarlokin, undan
hinni réttlátu sókn sameinaðrar alþýðuæsku
gegn ófrelsisstefnu nasista og hinum ódjörfu
og ódrengilegu fundarsköpum þeirra, þar sem
þeir í skjóli þeirra ætluðu að vega að and-
stæðingum sínum, án þess að þeir kæmu
nokkrum vörnum fyrir sig. Nokkru síðar réð-
ust margir nasistar saman að kvöldlagi og
--4---------——-------------------
Æskan í F. U. J. og foreldrarnir