Árbók Læknafélags Íslands - 01.01.1932, Qupperneq 22
20
3. Læknisvottorð (dagpeningavottorð).
Á þetta eyðublað ritar læknirinn lýsingu á ásigkomulagi hins
slasaða, eftir að fyrsta skoðun hefir farið fram, þar til sýnt þykir,
hvort slysið muni valda varanlegum orkumissi. Eftir þessu vottorði
metur tryggingin rétt slasaðra til dagpeninga. Það er að vísu hægt,
að úrskurða um dagpeninga eftir „Læknisvottorði 1“ og „Ör-
orkuvottorði“, af þvi að þau gefa ítarlegri lýsingu en dagpeninga-
voltorð, en séu þau gefin i því tilefni sem dagpeningavottorðs
þarf með, þá er og greitt fyrir þau sem slík. — Aftur á móti
nægir dagpeningavottorð ekki við fyrstu skoðun, eða til úrskurða
um örorku. — Tryggingin greiðir ekki dagpeninga lengur en
i 6 mánuði; er dagpeningavottorð þvi þýðingarlaust að þeim
tima liðnum. — Þýðingarlaust er og að gefa þetta vottorð tið-
ar en á vikufresti. — Yottorðið má senda beint til trygging-
arinnar; greiðir hún 2 krónur fyrir vottorðið.
4. Örorkuvottorö.
Þegar sýnt þykir, að slysið muni valda varanlegum orkumissi,
þá gefur læknir lýsingu á ástandi slasaða á þetta eyðublað. —
Venjulega er þó þýðingarlaust að gefa vottorð þetta fyrr en liðn-
ir eru 4—6 mánuðir frá því að áverkar af slysinu eru fullgrónir.
— Vottorðið má senda beint til tryggingarinnar, og greiðir hún
10 krónur fyrir það.
Jafnótt og læknisvottorð á framangreindum eyðublöðum berast
tryggingunni í hendur, eru þau færð viðkomandi Iækni til tekna
i viðskiftareikningi. Vottorðin eru greidd á skrifstofu trygging-
arinnar, gegn kvittun, hvenær sem óskað er. Læknar utan af
landi verða að gefa umboð til að hefja greiðsluna. 1 árslok hver
verður læknum send tilkynning um það, sem þeir kunna að eiga
óhafið, og geta þeir þá ávísað því eða gefið umboð til að hefja það.
Elliheimilið „Grund“, Reykjavík.
Elliheimilið getur tekið á móti um 150 gamalmennum. Allir
geta fengið þar vist, hvaðan sem er af landinu, og er meðgjöfin
80—90 kr. á mánuði, ef tveir eru saman i herbergi. Ef óskað
er að vera einn i herbergi eða hafa fleiri en eitt herbergi, þá
er leigan 115—140 kr. eða meir, á mánuði, eftir því hvað her-
bergið er stórt eða fleiri en eitt. í þessu gjaldi er allt innifalið:
Húsnæði, ljós, hiti, fæði, þjónusta og einnig læknishjálp, en ekki
lyf eða umbúðir.