Árbók Læknafélags Íslands - 01.01.1932, Page 23

21
Hafi gamalmennið ekki fótavist, þá hefir elliheimilið 4 sjúkra-
stofur fyrir 4—5 rúmföst gamalmenni, og margar tveggja manna
stofur. Er mánaðarmeðlag í þeim stofum 100 kr., eða 3 kr. 33
aurar á dag fyrir hvern sjúkling.
Þurfi sjúklingurinn að vera einn i herbergi, er mánaðarmeð-
gjöfin 115 kr. til 140 kr., eftir stærð herbergisins. En þurfi sér-
stök vökukona að vera hjá honum einum, verður að greiða sér-
staka borgun fyrir það, er ráðsmaður ákveður.
Umsóknum um dvöl á heimilinu á að fylgja full ábyrgð á öll-
um dvalarkostnaði og heilsufarsvottorð frá einhverjum lækni,
sem er vel kunnugur umsækjanda. Lætur ráðsmaður heimilis-
ins í té eyðublöð hæði fyrir umsóknir og vottorðin, og eru þau
honum send aftur, þegar búið er að útfylla þau, og síðan lögð
undir úrskurð stjórnarnefndar, er hefir fund a. m. k. hvert föstu-
dagskvöld.
Gamalmenni á framfæri Reykjavikur fá læknishjálp hjá sömu
læknum og aðrir þurfamenn bæjarins. En Sveinn læknir Gunnars-
son vitjar annara vistmanna á kostnað heimilisins. Óski vist-
maður að fá einhvern annan lækni, er það heimilt, enda greiði
hann þá sjálfur læknishjálpina.
Þurfi að flytja vistmann brott til uppskurðar eða annarar
læknishjálpar í sjúkrahúsi, er allur kostnaður, sem af því leiðir,
Elliheimilinu óviðkomandi, og sömuleiðis útfararkostnaður, ef
til kemur. S. Á. Gíslason.
Rauði Kross íslands.
Rauði Kross íslands er stofnaður 1924. Lög dags. 10. des. 1924.
Yiðurkenndur af stjórnarnefnd Rauða Krossins í Genf 1925. Gekk
sama ár i Rauða Kross bandalagið.
Formaður: Björgúlfur Ólafsson læknir, Bessastöðum.
Merkjasöludagur: Öskudagurinn.
Tala meðlima: 1400.
Hefir hjúkrunarkonu í Sandgerði á vertíðinni. Er í þann veg-
inn að reisa þar dálítið sjúkraskýli.
Heldur stutt námsskeið i hjúkrun og hjálp i viðlögum víðs-
vegar um land.
Hefir 2 sjúkrabifreiðir í Reykjavík.
Rauða Kross deildin á Akureyri hefir hjúkrunarkonu, sem auk
almennrar hjúkrunar vinnur sér i lagi við berklavarnarstöðina
þar. Þar er veitt rannsókn og ráðleggingar í berklaveikistilfellum.
Ennfremur skoðar hún skólabörn og gefur þeim ráðleggingar.
Allt undir forsjá formanns deildarinnar, Steingríms Matthías-
sonar læknis. — Deildin fær bráðlega sjúkrabifreið.