Morgunblaðið - 10.11.2011, Side 3

HANDBOLTI
Guðmundur Hilmarsson
gummih@mbl.is
Hjá þýska handknattleiksliðinu
Kiel þykir það ekki góður árangur
að lenda í öðru sæti en það varð
hlutskipti þess í þýsku 1. deildinni
undir stjórn Alfreðs Gíslasonar á
síðustu leiktíð. Kiel varð Evrópu-
og Þýskalandsmeistari árið 2010
með Alfreð við stjórnvölinn og Ar-
on Pálmarsson sem leikmann en á
síðustu leiktíð náði Kiel ekki að
verja þessa titla. Kiel varð bik-
armeistari, vann heimsmeistaramót
félagsliða og varð meistari meist-
aranna á síðasta tímabili en hjá
þessu sigursælasta liði Þýskalands
var það ekki talinn ásættanlegur
árangur.
Það er greinilegt á öllu að læri-
sveinar Alfreðs ætla sér að endur-
heimta þýska meistaratitilinn í ár
en liðið hefur unnið alla 11 leiki
sína og í huga Alfreðs og leikmanna
hans kemur ekkert annað til greina
en að 17. meistaratitillinn fari til
þeirra í vor.
Meiðslin léku okkur grátt
„Það er búið að ganga vel hjá
okkur. Breytingin í ár miðað við í
fyrra er að nú eru svo til engin
meiðsli í hópnum en meiðslin léku
okkur svakalega grátt á síðasta
tímabili. Forysta okkar er ekki
nema fjögur stig á Hamborg og við
erum ekki farnir að halda upp á
neitt ennþá. Ég sé Hamborg fyrir
mér sem okkar helsta keppinaut
um titilinn í ár en Füchse Berlin og
Rhein-Neckar Löwen geta líka
blandað sér í baráttuna,“ sagði Al-
freð Gíslason, þjálfari Kiel, við
Morgunblaðið.
Klúðruðum þessum
stigum sjálfir
Smá bras hefur verið á Kiel í
Meistaradeildinni en eftir þrjár um-
ferðir í riðlakeppninni hefur Kiel 3
stig en það tapaði á heimavelli fyrir
frönsku meisturunum í Montpellier
og gerði jafntefli á útivelli á móti
Ademar Leon eftir að hafa haft
öruggan sigur gegn ungverska lið-
inu Pick Szeged á útivelli í fyrstu
umferðinni.
„Við klúðruðum þessum stigum
sjálfir. Við fórum ferlega illa með
mörg dauðafæri og getum engum
nema sjálfum okkur um kennt. Við
förum upp úr riðlinum og stefnum
að sjálfögðu á að fara alla leið eins
og í öllum mótum,“ sagði Alfreð.
Hinn 21 árs gamli Aron Pálm-
arsson er nú að spila sína þriðju
leiktíð með þýska stórliðinu undir
stjórn Alfreðs og spurður út í fram-
göngu Hafnfirðingsins sagði Alfreð:
„Það er ekki spurning að Aron á
bjarta framtíð en þetta er allt í
hans höndum. Hann er gríðarlega
hæfileikaríkur. Aron varð fyrir því
óláni að togna í læri fyrir nokkrum
vikum og það tók hann smá tíma að
ná sér af þeim meiðslum en hann
er allur að koma til núna,“ sagði
Alfreð.
Þögull um hugsanlega
komu Guðjóns Vals til Kiel
Orðrómur hefur verið í gangi um
að Guðjón Valur Sigurðsson gangi
til liðs við Kiel fyrir næsta tímabil
og endurnýi þar með kynnin við Al-
freð en Guðjón lék undir hans
stjórn hjá Gummersbach. Guðjón er
nú á mála hjá danska meistaralið-
inu AG Köbenhavn. Samningur
hans við liðið gildir til næsta vors.
„Ég hef svo sem ekkert um þetta
að segja. Við sjáum bara til,“ sagði
Alfreð þegar hann var inntur eftir
því hvort hann ætlaði sér að fá
Guðjón Val til liðs við sig.
„Það liggur ljóst fyrir að vinstri
hornamaðurinn Henrik Lundström
heldur heim til Svíþjóðar eftir tíma-
bilið og við komum til með að fá
leikmann í hans stað,“ sagði Alfreð.
Alexander verður að
vera atkvæðamikill
Ekki er hægt að sleppa Alfreð án
þess að spyrja hann út í hvaða til-
finningu hann hafi fyrir íslenska
landsliðinu sem tekur þátt í úr-
slitakeppni Evrópumótsins í Serbíu
í janúar.
„Það ræðst mikið af því hvort Óli
Stefáns verður með eða ekki. Það
lítur ekki vel út með hann skilst
mér en þá verða bara aðrir leik-
menn að taka við eins og Alexander
Petersson, sem hefur alltaf staðið
sig vel með landsliðinu. Hann verð-
ur að vera atkvæðamikill og Ásgeir
Örn Hallgrímsson að bakka hann
upp. Nú hef ég ekki séð til lands-
liðsins í einhvern tíma svo það er
erfitt að spá um það hvort það geti
blandað sér í baráttu um verðlaun.
Það eru margar þjóðir á svipuðu
róli og íslenska liðið. Til að mynda
hafa Þjóðverjarnir ekki spilað vel
og Svíarnir eru með marga menn í
meiðslum. Danirnir virðast vera
mjög sterkir sem og Spánverjar og
svo er spurning hvað Serbarnir
gera á heimavelli. Króatarnir eru
alltaf með öflugt lið og breiddin er
orðin mjög mikil í handboltanum.
Frakkarnir eru sigurstranglegastir
að mínu mati og það kæmi mér á
óvart ef þeir færu ekki alla leið,“
sagði Alfreð.
„Ekki farnir að halda
upp á neitt ennþá“
Morgunblaðið/Golli
Fylgst með Alfreð Gíslason hefur þjálfað stórlið Kiel frá sumrinu 2008 og m.a. tvisvar orðið þýskur meistari með því.
 Alfreð Gíslason og lærisveinar hans í Kiel ætla sér að endurheimta titilinn
ÍÞRÓTTIR 3
MORGUNBLAÐIÐ FIMMTUDAGUR 10. NÓVEMBER 2011
Birgir Leifur Hafþórsson, kylf-ingur úr GKG, hafnaði í 104.
sæti á peningalista Áskorendamót-
araðar Evrópu 2011. Netmillinn
Kylfingur.is
greindi frá þessu.
Eins og fram
kom í Morg-
unblaðinu í haust
var farið að hilla
undir að Birgir
myndi vinna sér
inn fullan þátt-
tökurétt á móta-
röðinni á næsta
ári og sú varð raunin. Áskor-
endamótaröðin er mótaröð fyrir at-
vinnumenn og er eins konar 2. deild
fyrir Evrópumótaröðina þar sem
Birgir var með þátttökurétt þar til
hann fékk brjósklos. Birgir þénaði
um 1,8 milljónir króna á mótaröðinni
á árinu en hafði takmarkaðan þátt-
tökurétt og hafði yfirleitt lítinn fyr-
irvara þegar hann komst inn í mótin.
  
Goðsögnin Arnold Palmer fórholu í höggi á Bay Hill-
vellinum á þriðjudaginn samkvæmt
Golf Channel en Palmer var að leika
hefðbundinn golfhring, þ.e.a.s. var
ekki í móti. Palmer hefur þá farið
tuttugu sinnum holu í höggi á
löngum og glæsilegum ferli. Höggið
sló Bandaríkjamaðurinn á 7. holunni
sem er 163 jardar að lengd og notaði
til þess 5 járn. Þess má til gamans
geta að Palmer var að nota splunku-
nýjar kylfur á hringnum. Skor Pal-
mers á hringnum er einnig býsna
merkilegt því hann lék á 79 höggum
og er 82 ára gamall og lék því undir
aldri eins og það er kallað.
  
Fjórir leikmenn sem spila í enskuúrvalsdeildinni eru tilnefndir í
kjöri á knattspyrnumanni ársins í
Afríku fyrir árið 2011 en leikmaður
ársins verður
krýndur í Gana
22. desember.
Þeir fjórir leik-
menn sem spila í
ensku úrvals-
deildinni sem eru
tilnefndir eru: Di-
dier Drogba
(Chelsea), Yaya
Touré (Manchester City), Adel Taa-
rabt (QPR) og Gervinho (Arsenal).
Hinir sex eru Samuel Eto’o, Asam-
oah Gyan, Andre Ayew, Kevin-
Prince Boateng, Moussa Sow og
Seydou Keita.
  
Talsmaður argentínska knatt-spyrnumannsins Carlos Tévez
segir að framherjinn hafi ítrekað
reynt að ná sam-
bandi við Ro-
berto Mancini til
að fá formlegt
leyfi til að
skreppa til
heimalandsins í
þessari viku.
Tévez fór á
mánudag en kom
ekki aftur í morg-
un eins og reiknað hafði verið með
og var því ekki á æfingu hjá Man-
chester City í dag.
  
Danski knattspyrnumaðurinnChristian Eriksen, samherji
Kolbeins Sigþórssonar hjá Ajax í
Hollandi, segir í viðtali við Sky
Sports að hann hafi hafnað tilboði
frá Manchester City. Eriksen segir
að ekkert liggi á fyrir sig að fara til
stærra félags.
  
Þorsteinn Gunnarsson, sem í síð-ustu viku hætti sem formaður
knattspyrnudeildar Grindavíkur þar
sem hann var ósáttur við fyrirhug-
aða ráðningu á Guðjóni Þórðarsyni,
hefur verið ráðinn aðstoðarþjálfari
karlaliðs HK. Hann mun jafnframt
sinna markvarðaþjálfun meist-
araflokks og 2. flokks karla sem og
yngri flokka félagsins. Þetta kom
fram á vef HK.
Fólk sport@mbl.is
Valur Fannar Gíslason og Magnús Páll Gunn-
arsson hafa gengið til liðs við 1. deildar lið
Hauka í knattspyrnu og leika undir stjórn Ólafs
Jóhannessonar, fyrrverandi landsliðsþjálfara, á
næstu leiktíð.
Valur Fannar, sem er 34 ára gamall, hefur síð-
ustu árin leikið með Fylki en hefur leikið með
Fram, Val og Austra hér á landi auk norska liðs-
ins Strömsgodset og Brighton og Arsenal á Eng-
landi.
Magnús Páll lék lengi með Breiðabliki en hélt
síðan út til Þýskalands. Hann gekk til liðs við
Víkinga um mitt sumar en var laus undan samn-
ingi. Magnús Páll varð þriðji markahæsti leik-
maður úrvalsdeildar karla sumarið 2007.
Undir stjórn Ólafs ætla Haukar sér að end-
urheimta sæti í úrvalsdeild en þeir féllu úr deild-
inni haustið 2010 eftir eins árs dvöl.
iben@mbl.is
Haukar fengu tvo
menn eru þessa
já norska liðinu
rynjar Ingason,
markvörðurinn
æft með liðinu í
með því á morg-
og það hefur
á æfingunum.
en að þeim lítist
verður boðinn
ð segja til um,“
orgunblaðið í
viku undir
H, Haraldur er
jartan Ágúst
þannig að tilboðið þyrfti þá að vera gott.
Þjálfarinn sagði við okkur að þeir myndu
taka ákvörðun mjög fljótt um það hvort
okkur verði boðinn samningur eða ekki,“
sagði Albert.
Er löngu fallið
Sarpsborg er fyrir löngu fallið úr úrvals-
deildinni en þegar tveimur umferðum er
ólokið er liðið sjö stigum á eftir næstneðsta
liðinu í deildinni.
Roar Johansen, þjálfari Sarpsborg, er
ánægður með það sem hann hefur séð til Ís-
lendinganna.
„Ég hef rætt við þá og þeir segja að
„tempóið“ hér sé mjög hátt. Sé tekið mið af
því að þeir hafa ekki spilað síðan 1. október
þá hafa þeir staðið sig vel,“ segir Johansen á
vef Sarpsborg. gummih@mbl.is
framlengdi samning sinn við Fylki á dög-
unum.
Spurður hvort hann sé reiðubúinn að
semja við Sarpsborg bjóðist honum samn-
ingur sagði Albert Brynjar: „Ég myndi
skoða það. Mér líst vel á félagið og umgjörð-
ina en ég á lítinn strák heima og er nýbúinn
að semja við FH, sem er mjög spennandi,
st bara vel á okkur Íslendingana
Albert B. Ingason æfir hjá Sarpsborg.