Morgunblaðið - 29.12.2011, Síða 20

bílar
Volkswagen Golf er mest seldi bíll
ársins í Evrópu. Smábíllinn Polo er í
öðru sæti. Til nóvemberloka höfðu
selst 449.882 nýir Volkswagen Golf
í Evrópu sem er þó 1,7% fækkun
frá sama tímabili í fyrra.
Toyota í Kópavogi mun frá og með áramótum bjóða upp á
eins árs ábyrgð á öllum notuðum Toyota og Lexus-bílum
sem fyrirtækið selur og standast ítarlega ábyrgðar- og
gæðaskoðun þess.
„Við höfum til þessa boðið bílana með þriggja til tólf
mánaða ábyrgð. Nú stígum við skrefið hins vegar til fulls,
skoðum þá uppítökubíla sem við fáum mjög nákvæmlega
og getum í krafti þess tryggt ábyrgð til lengri tíma en áð-
ur,“ segir Hilmar Böðvarsson, sölustjóri notaðra bíla hjá
Toyota.
Til þessa hefur Toyota í Kópavogi selt notaða bíla undir
merkjunum Gæðabílar og Úrvalsbílar, oft í kringum 1.000
bíla á ári. Nú verða þessi vörumerki lögð til hliðar enda
miðað við að allir notaðir bílar sem í sölu fara séu í allra
hæsta gæðaflokki.
„Þetta einfaldar ferlið og er öryggismál fyrir kaupendur.
Fyrir Toyota eru þessa breytingar eru hluti af þeirri endurskoðun á sölu notaðra bíla sem staðið hefur yfir
hjá okkur að undanförnu og er reksturinn nú þegar farinn að skila jákvæðum niðurstöðum,“ segir Hilmar.
Alls 125 punktar verða athugaðir í söluskoðun Toyota-manna á notuðum bílum. Má þar nefna að farið
verður mjög nákvæmlega yfir vél, kælibúnað, eldsneytiskerfi, drifrás, rafbúnað, fjöðrun, dekk, og svo
mætti áfram telja - en bílarnir verða skoðaðir og yfirfarnir á verkstæði Toyota í Kópavogi.
sbs@mbl.is
Toyota í Kópavogi tryggir gæði notaðra sölubíla
Ábyrgðartíminn lengdur í eitt ár
Á
lögur á bíleigendur aukast
verulega nú um áramót-
in. Eldsneytisverð hækk-
ar auk vörugjalda á
megnunarmeiri og stærri bíla, til
dæmis jeppa. Verð á eldsneyti
hækkar skv. þeim lögum sem Al-
þingi samþykkti fyrr í mánuðinum
en tilgangurinn er meðal annars sá
að afla aukinna tekna í ríkissjóð
sem og draga úr útblæstri gróð-
urhúsalofts skv. grænum sjón-
armiðum sem ráðandi eru orðin.
Hækkun á vöru- og kolefnisgjaldi
á bensín og dísilolíu frá áramótum
er 3,50 kr. á lítra, þá að meðtöldum
virðisaukaskatti. Í byrjun líðandi
árs var algengt lítraverð á bensíni
207,50 kr. en var í gærmorgun,
miðvikudag, komið í 227,70 kr. á
helstu sjálfsafgreiðslustöðvum. Á
nýársnótt verður lítraverðið 231,2
kr. Alls er hækkunin 11,4% á einu
ári.
„Okkur reiknast svo til að þessi
hækkun á bensínverði þýði að út-
gjöld vegna reksturs fjölskyldubíls-
ins aukist um 6.000-10.000 kr. á
ári miðað við fimmtán þús. km
akstur,“ segir Runólfur Ólafsson,
framkvæmdastjóri FÍB.
Vörugjöld á netta og útblást-
ursminni bíla hafa síðustu misseri
verið lækkuð. Hvað stærri bíla
varðar, til dæmis jepplinga og
jeppa, hafa skrefin verið tekin í hina
áttina. Gjöldin eru hækkuð í áföng-
um og verða komin í botn að ári.
Vörugjöld á bíla í svonefndum G-
flokki jepplinga sem blása frá sér
181 til 200 grömmum af gróð-
urhúsalofti á hvern ekinn km
hækka úr 36 í 41%. Í þeim flokki
eru bílar eins og til dæmis Mitsub-
ishi Outlander, Kia Sportage og
Toyota RAV4 svo einhverjir séu
nefndir.
Hækkun hálfgerð rökleysa
Skv. upplýsingum frá Heklu hf.
leiðir hækkun vörugjalda á bíla í G-
flokki til þess að dæmis Mitsubishi
Outlander hækkar um rúmlega
200 þús. kr. á ári. Það hefur orðið
til þess að allmargir hafa pantað
nýja bíla nú fyrir áramótin. „Mér
finnst þessi hækkun ekki eiga rétt
á sér nema að mjög takmörkuðu
leyti því dísilútgáfan af Outlander-
bílunum mengar sáralítið. Þessi
skattlagning er hálfgerð rökleysa,“
segir Stefán Sandholt, sölustjóri
hjá Heklu.
Í I-flokki eru ýmsir stærri jeppar
og má þar nefna Toyota
Land Cruiser 150 en algengt
verð á þeim bíl er í kringum 10 millj.
kr. Vörugjaldsprósentan á þeim bíl
fer nú um áramótin úr 44% í 50%
og sem leiðir til þess að verðið
hækkar um allt að hálfa milljón.
sbs@mbl.is
Eldsneytisverð og vörugjöld á mengunarmeiri bíla hækka um áramótin
Álögurnar
aukast áfram
Reuters
Land Rover voru vinsælir góðærisjeppar á Íslandi og seldust vel á tímabili. Vörugjöld á þessa bíla hækka veru-
lega nú um áramótin auk þess sem eigendur þeirra munu finna öðrum meira fyrir hærra eldsneytisverði.
Breytingar á vörugjöldum á bifreiðum
Vörugjaldsprósenta
Vörugjaldafl. CO2 2011 2012 2013 Dæmiumbíla
Flokkur G 181-200 36% 41% 45% Toyota Rav4 D4D og fleiri jepplingar
Flokkur H 201-225 44% 50% 55% LandCruiser 150, BMWX3 bensín,
Jeep Grand Cherokee 3,0 CRD,
Flokkur I 225-250 48% 54% 60% LandCruiser 200,Hilux,AudiQ73,0TDI,
Mercedes Benz GLK 300 4 Matic,
Land Rover Discovery, BMWM5,
MMC Pajero
Flokkur J 250- 52% 59% 65% Audi Q7 4.2 TDI, JeepGrandCherokee
með stærri bensínvélar.
Einfalt og öruggt, segir Hilmar Böðvarsson
sölustjóri notaðra bíla hjá Toyota í Kópavogi.