Morgunblaðið - 22.03.2012, Side 19
22. mars 2012 finnur.is 19
K
veldúlfsgata í Borgarnesi
er botnlangi sem liggur
út á Dílatanga og gengur
út frá Borgarbraut sem
er aðalgatan sem liggur langsum
eftir Digranesi sem Borgarnes
stendur á. Gatan er nefnd eftir
einni af sögupersónum Eglu en
sú hefð var lengi ríkjandi í Borg-
arnesi. Má þar nefna Egilsgötu,
Gunnlaugsgötu, Helgugötu,
Skúlagötu og svo mætti svo
áfram telja – aukheldur sem
skrúðgarður bæjarins er nefndur
eftir Skallagrími sem var sonur
Kveldúlfs.
„Við erum afar vel í sveit sett
hér við Kveldúlfsgötuna. Þegar
ekið er inn götuna eru oddatölu-
húsin til vinstri og snúa niður að
Borgarvogi. Ég er í einu þeirra og
nánast innst í götunni og bak-
garðurinn snýr niður að flæð-
armálinu. Útsýnið hér er alveg
frábært; hér blasa við Mýrarnar,
fjallgarður Snæfellsnessins og
jökullinn ystur. Og hinum megin
fjarðar rísa tignarlegir fjallatindar
sem kenndir eru jafnan við Hafn-
arfjallið. Annars þarf maður ekki
að líta langt til að sjá fallegt um-
hverfi,“ segir Olgeir Helgi Ragn-
arsson íbúi við götuna.
Íbúinn um allan Borgarfjörð
„Leirurnar hér í Borgarvoginum
eru rómaðar fyrir fallegt fuglalíf
sem er gaman að fylgjast með –
sérstaklega þegar líða fer að vori.
Þá sér maður stundum og heyrir í
syngjandi sandlóum, hvellum
tjaldinum og úandi æðarkollum.
Einstaka sinnum sér maður svo
örninn, konung fuglanna, sveima
hér yfir. Og aldrei finnst mér vera
komið vor fyrr en ég heyri í
hrossagauknum sem stundum
gerist raunar ekki fyrr en kemur
fram í júní. Stundum uni ég mér á
kvöldin og sit úti á verönd, fylgist
með fuglalífinu í fjörunni og seg-
ist þá vera að horfa á sjóvarpið.
Sleppi n-inu og þá skilst þetta,“
segir Olgeir Helgi sem er fæddur
og uppalinn í Lundarreykjadal.
Fór svo til náms og starfa annars
staðar á landinu og hefur búið í
Borgarnesi sl. tuttugu ár eða þar
um bil.
„Við Theodóra Þorsteinsdóttir,
eiginkona mín, erum bæði ættuð
héðan úr héraðinu, hún uppalin í
Borgarnesi. Hún er skólastjóri
Tónlistarskóla Borgarfjarðar og
söngkennari og við kynntust
þannig að ég fór í söngtíma hjá
henni. Eitt leiddi svo af öðru og
fáum mánuðum síðar höfðum við
ruglað saman reytum og eigum í
dag tvær dætur sem eru á ung-
lingsaldri,“ segir Olgeir Helgi sem
er rekstrarfræðingur og starf-
rækir prentþjónustu. Gefur m.a.
út fréttapésann Íbúann sem
dreift er um allt Borgarfjarð-
arhérað; frá Hvalfjarðarbotni og
vestur á Nes.
„Fyrstu húsin hér við Kveldúlfs-
götu voru byggð laust fyrir 1970.
Eitt fyrsta og ysta húsið hér við
götuna er númer 27 og var reist
af Einari heitnum Ingimundarsyni
málarameistara. Það er reisulegt,
stendur á svolitlum höfða yst á
Dílatanganum sem skagar út í
Borgarvoginn og lengi vel nefndu
Borgnesingar þetta hús Stór-
höfða. Frumbyggjarnir við götuna
eru margir fallnir frá eða fluttir
annað, þó að nokkrir séu hér enn
– til dæmis það fólk sem býr í
húsum beggja vegna við okkar.
Margir nágranna okkar hér eru
innfæddir Borgnesingar eða eiga
rætur sínar í nærliggjandi sveit-
um. Svo er hér líka meðal annars
fólk vestan úr Dölum, norðan úr
Húnavatnssýslum, Pólverjar, fólk
frá ríkjum fyrrverandi Júgóslavíu
og víðar að. Þá bjó hér lengi þjóð-
sagnapersónan Sæmundur Sig-
mundsson rútubílstjóri og gjarn-
an var bílafloti fyrir utan húsið
hans,“ segir Olgeir Helgi og hann
heldur áfram frá sögn sinni:
„Ástæður þess að þetta fólk
hefur kosið að gera Borgarnes að
heimahöfn sinni eru líklega jafn
margar og fólkið er margt. Sjálf-
um finnst mér miklu skipta að
búa í öruggu og fjölskylduvænu
samfélagi þar sem íbúarnir eru
samtaka. Hér í Borgarnesi eru til
dæmis góður grunnskóli,
menntaskóli, tónlistarskóli, dans-
skóli, frábær íþróttaaðstaða og
fjölbreytt tómstundastarf fyrir
unga fólkið, til dæmis skátafélag
sem ég hef fengið að taka þátt í
að byggja upp með góðum hópi
fólks. Já, og svo eru starfandi að
minnsta kosti fimm kórar fyrir ut-
an alla kirkjukórana og í nánast
hverri byggð Borgarfjarðar hafa í
vetur verið uppfærslur á leikritum
– sem jafnvel eru samin og skrif-
uð í heimaranni. Með ýmsum
hætti leggja íbúarnir hver með
sínu móti eitthvað til samfélags-
ins og í slíku felast mikil hlunn-
indi.“
sbs@mbl.is
Gatan mín Kveldúlfsgata í Borgarnesi
Útsýnið mikið og örninn er á sveimi
Ljósmynd/Hanna Ágústa Olgeirsdóttir
„Finnst miklu skipta að búa í samfélagi þar sem íbúar eru samtaka,“ segir Olgeir Helgi Ragnarsson sem býr við Kveldúlfsgötu í Borgarnesi.
Borgarnes
Kveldúlfsgata
Kja
rta
nsg
ata
Bo
rg
ar
br
au
t
Vesturlandsvegur
Bo
rg
ar
br
au
t
Bö
ðv
ar
sg
at
a
Ánahlíð
20% afsláttur
af sóttum pizzum af matseðli
55 12345
Hlíðasmára 15 - beint fyrir ofan Smáralind
Vinsælustu
pizzurnar eru:
30% afsláttur
af sóttum pizzum
ef þú velur áleggið sjálf/ur
GODFATHER
Sósa, ostur, pepperoni, beikon,
rjómaostur
COMO
Sósa, ostur, marineraður humar,
hvítlaukur, chilli
PARMA
Sósa, ostur, parmaskinka,
klettasalat, parmesanostur
TOSCANA
Sósa, ostur, pepperoni, sveppir,
ananas, svartar ólífur, hvítlaukur,
rjómaostur, svartur pipar, oregano
GLADIATOR
Sósa, extra ostur, pepperoni,
bananar, piparostur, jalapeno,
þurrkað chilli
SICILIAN
Sósa, ostur, kjúklingur, nachos,
laukur, jalapenos, rjómaostur,
ferskur hvítlaukur