Morgunblaðið - 12.12.2012, Blaðsíða 2

FRAKKLAND
Jón Heiðar Gunnarsson
sport@mbl.is
„Auðvitað eru þetta mikil von-
brigði að vinna ekki leikinn og það
er alltaf hundfúlt að fá silf-
urverðlaun,“ sagði handboltamað-
urinn Gunnar Steinn Jónsson þeg-
ar Morgunblaðið náði tali af
honum eftir að liðið hans, Nantes,
tapaði tapaði úrslitaleiknum í
franska deildabikarnum gegn Dun-
kerque, 24:28, á sunnudaginn.
„Þetta var gullið tækifæri fyrir
klúbbinn að taka sinn fyrsta titil
þar sem risarnir tveir voru ekki í
úrslitum, Montpellier og París,“ en
Gunnar Steinn og félagar gerðu
sér lítið fyrir og slógu út stórlið
Parísar í átta liða úrslitum.
„Dunkerque-menn voru kaldari í
dag og eftir á getur maður sagt að
þeir hafi spilað betur. Markmað-
urinn þeirra gerði gæfumuninn og
tók okkur á tauginni. Við misstum
einnig af Evrópusæti með tapinu,
sem er gríðarlega svekkjandi en
þó að allir séu gríðarlega svekktir
eftir tapið þá held ég að fólk
kringum klúbbinn sé nokkuð sátt,
þar sem þetta er fyrsti úrslita-
leikur félagsins. Nantes er klúbbur
á uppleið. Í ár er fyrsta árið sem
liðið fékk til sín heimsklassa-
leikmenn, þeir eru með mestan
fjölda áhorfenda í deildinni og það
er gríðarlega gaman að vera hluti
af þessu ævintýri.“
Óvænt gengi hjá Nantes
Nantes hefur komið mörgum á
óvart með góðu gengi sínu í deild-
inni en liðið er í
4.-5. sæti eftir ell-
efu umferðir. Lið-
ið fékk meðal
annars til sín
spænsku stór-
skyttuna Alberto
Entrerrios en
hefur spilað mjög
vel á sína fyrsta
tímabili í Frakk-
landi. Þessi 36
ára leikmaður var verðlaunaður
með landsliðssæti í spænska lands-
liðinu á dögunum en margir voru
búnir að afskrifa hann sem lands-
liðsmann eftir að hann var ekki
valinn í liðið fyrir Ólympíuleikana
í London.
Gunnar Steinn segist vera nokk-
uð sáttur við sitt hlutverk í liðinu.
„ Ég er búinn að vera í vandræð-
um með öxlina á mér og hef ekki
getað æft af fullum krafti und-
anfarið. Ef ég næ mér heilum af
því er ég mjög bjartsýnn á fram-
haldið og hef fulla trú á sjálfum
mér. Ég spilaði helminginn í hvor-
um leik, í undanúrslitum og úrslit-
um, og finnst ég vera að komast
meira og meira inn í hlutina. Ég er
einnig kominn betur inn í félags-
skapinn núna, en það var erfitt til
að byrja með þar sem ekki er hægt
að halda uppi gáfulegum samræð-
um á ensku hér.“
Spurður út í markmið vetrarins
segir hann: „Við stefnum á topp 4 í
deildinni og það er mjög raunhæft
þar sem 5-6 lið eru að berjast um
þessi sæti. Við þurfum að gyrða
okkur fljótt í brók þar sem við eig-
um útileik á móti París á fimmtu-
daginn.“
„Alltaf hundfúlt að fá silfurverðlaun“
Gunnar Steinn
Jónsson
FÓTBOLTI
Tómas Þór Þórðarson
tomas@mbl.is
Með því að vinna nágrannana í Man-
chester City síðastliðinn sunnudag
náði Manchester United sex stiga
forskoti á toppi ensku úrvalsdeild-
arinnar þegar 16 umferðum er lokið
og mótið nærri því hálfnað.
Man. United var yfir í hálfleik, 2:0,
en fékk á sig tvö mörk í seinni hálf-
leik áður en hérahjartað í Samir
Nasri hjálpaði Robin van Persie að
skora dramatískt sigurmark, 3:2.
Án efa var fagnað vel og lengi í
rauða hluta Manchester-borgar enda
trónir liðið á toppi deildarinnar með
fínt forskot og þægilegt jólapró-
gramm framundan. Það er þó ein tala
sem Sir Alex Ferguson hefur án efa
áhyggjur af: 23 mörk fengin á sig.
Versti varnarleikurinn í 15 ár
Það eru engin ný tíðindi að varn-
arleikur Manchester United hefur
verið afburðaslakur á köflum á tíma-
bilinu. Liðið hefur fengið 23 mörk á
sig í fyrstu 16 umferðunum eða 1,44
mörk að meðaltali í leik.
Enska blaðið Times tók saman
varnarleik efstu sex liðanna í ensku
úrvalsdeildinni undanfarin 15 ár og
þar kom í ljós að ekkert lið hefur
staðið sig verr en Manchester United
í ár.
Ef strákar Sir Alex Fergusons laga
ekki varnarleikinn mun liðið státa af
verstu vörn liðs í toppbaráttu ensku
úrvalsdeildarinnar undanfarin 15 ár.
Það kannski skiptir ekki öllu ef titill-
inn kemur aftur á Old Trafford en
hversu lengi getur liðið unnið leiki
með svona hripleka vörn?
Halda sjaldan hreinu
Vissulega hefur nánast allt gengið
upp hingað til enda skorar liðið mörk.
Man. United er búið að skora 40
mörk í úrvalsdeildinni sem er það
mesta eftir 16 leiki síðan liðið end-
urheimti titilinn tímabilið 2006/2007.
United er á toppnum og er búið að
vinna Man. City, Liverpool og
Chelsea á útivelli og Arsenal á heima-
velli. Ekki slæmt það.
Það er líka eins gott fyrir Man.
United að skora nóg því liðið hefur
ekki fengið á sig fleiri mörk eftir 16
umferðir í sjö ár. Tuttugu og þrisvar
sinnum hefur boltinn legið í netinu
hjá Man. United en það er það lang-
mesta á þessu sjö ára tímabili.
Síðan Ferguson kom Man. United
aftur á toppinn eftir þriggja ára eyði-
merkurgöngu 2006/2007 hefur vörn
og markvarsla verið aðalsmerki liðs-
ins. Þegar liðið vann titilinn þrjú ár í
röð, 2007-2009, hélt liðið hreinu sam-
tals 27 sinnum í fyrstu 16 leikjum
hvers tímabils. Í byrjun tímabils 2008
og 2009 skoraði United ekki neitt sér-
staklega mikið en þökk sé varnar-
leiknum var liðið með 21 og 17 mörk í
plús. United er ekki með nema 17
mörk í plús á yfirstandandi tímabili
þrátt fyrir að vera búið að skora 40
mörk.
Rót á vörninni
Það hefur ekki hjálpað Manchester
United á tímabilinu hversu mikið rót
hefur verið á vörninni. Sjaldan er
sömu varnarlínunni stillt upp og
vinstri bakvörðurinn Patrice Evra
nánast sá eini sem er alltaf heill.
Nemanja Vidic er meiddur, Chris
Smalling og Phil Jones hafa verið
meiddir og Jonny Evans tæpur.
Það er af sem áður var þegar Vidic
og Rio Ferdinand réðu ríkjum í vörn
Man. United með Edvin Van der Sar
fyrir aftan sig. Það er erfitt að mót-
mæla því að þar var á ferðinni eitt
besta þríeykið í Evrópuboltanum í
nokkur ár.
Auðvelt er að benda á „markvarð-
arvandræðin“. Hvorki David De Gea
né Anders Lindegaard eru búnir að
negla niður byrjunarliðssæti sem er
erfitt fyrir markverði. Þrátt fyrir að
það sama hafi verið upp á teningnum
í fyrra var liðið samt sem áður bara
búið að fá á sig 14 mörk eftir 16 um-
ferðir og hafði haldið átta sinnum
hreinu.
Fótboltinn er oft skrítinn og nú er
lið sem getur ekki varist með sex
stiga forustu á toppi ensku úrvals-
deildarinnar með jafnmörg stig og í
fyrra þegar liðið skoraði nánast jafn-
mikið og fékk á sig mun færri mörk.
Varnarleikur Manchester United
hefur vissulega sjaldan verið slakari
en liðið er samt sem áður á toppnum.
Hvað gerist ef Ferguson tekst að
stoppa í götin og liðið heldur áfram
að raða inn mörkum? Þá gæti bilið á
toppnum breikkað enn frekar.
Efstir með
hripleka vörn
 Varnarleikur Man. Utd sjaldan verri
 Skora meira en geta illa haldið hreinu
Árangur Manchester United
eftir 16 leiki síðustu 7 ár
2006/
2007 Meistarar
Vörnin: 8mörk fengin á sig,8 sinnum haldið hreinu
Sóknin: 35mörk skoruð,mest 5 gegn Fulham
Árangur: 43 stig, markatala 35:8 (+27)
Vörnin: 8mörk fengin á sig,9 sinnum haldið hreinu
Sóknin: 29mörk skoruð,mest 4 í leik 4 sinnum
Árangur: 36 stig, markatala 29:8 (+21)
Vörnin: 10mörk fengin á sig, 10 sinnum haldið hreinu
Sóknin: 27mörk skoruð,mest 5 gegn Stoke
Árangur: 32 stig, markatala 27:10 (+17)
Vörnin: 14mörk fengin á sig,5 sinnum haldið hreinu
Sóknin: 34 mörk skoruð,mest 5 gegnWigan
Árangur: 34 stig, markatala 34:14 (+20)
Vörnin: 16mörk fengin á sig, 7 sinnum haldið hreinu
Sóknin: 36mörk skoruð,mest 7 gegn Blackburn
Árangur: 35 stig, markatala 36:16 (+20)
Vörnin: 14mörk fengin á sig,8 sinnum haldið hreinu
Sóknin: 37mörk skoruð,mest 8 gegn Arsenal
Árangur: 39 stig, markatala 37:14 (+23)
Vönin: 23mörk fengin á sig, 2 sinnum haldið hreinu
Sóknin: 40mörk skoruð,mest 4mörk í leik 3 sinnum
Árangur: 39 stig, markatala 40:23 (+17)
2007/
2008 Meistarar
2008/
2009
2009/
2010
2010/
2011
2011/
2012
2012/
2013 1. sæti
2. sæti
Meistarar
2. sæti
Meistarar
2 ÍÞRÓTTIR
MORGUNBLAÐIÐ MIÐVIKUDAGUR 12. DESEMBER 2012
Barcelona, sem enn er ósigrað á Spáni á leiktíðinni, mætir B-
deildarliðinu Cordoba í konungsbikarnum annað kvöld. Cor-
doba sló út Real Sociedad í síðustu umferð. Tito Villanova,
þjálfari Barcelona, segir Cordoba með gott lið og vonast til
að sínir menn vanmeti ekki andstæðinginn.
„Þetta er ótrúlega erfið og flókin viðureign. Ég hefði miklu
frekar viljað mæta toppliði. Ég er ekki að grínast. Svona líð-
ur mér. Frekar hefði ég viljað fá andstæðing úr efstu deild.
Cordoba spilaði vel gegn Sociedad og sló það úr keppni. Sem
betur fer elska mínir leikmenn að spila fótbolta og þeir segj-
ast vera tilbúnir í þetta,“ segir Tito Villanova.
Andrés Iniesta, Victor Valdés og Adriano verða ekki með í
bikarleiknum sem Villanova segir ekki minna mikilvægan en leikinn gegn Atlé-
tico um næstu helgi. „Það eru allir leikir mikilvægir þegar þú spilar fyrir Barce-
lona. Þessi vika er ekkert merkilegri en aðrar fyrir okkur. Við eigum bara tvo
erfiða leiki í vændum,“ segir Tito Villanova. tomas@mbl.is
Vill frekar mæta toppliði
Andrés
Iniesta
Spænski tenniskappinn Rafael Nadal tilkynnti það óvænt á
Facebook-síðu sinni að hann ætli að taka þátt í heims-
mótinu í lok mánaðarins. Þar berjast sex tenniskappar á
hverju ári um 250 þúsund dollara en mikil tennishátíð er í
kringum mótið á hverju ári.
Nadal hefur ekki keppt síðan í júní þegar hann tapaði
óvænt í annarri umferð Wimbledon-mótsins. Spánverjinn
hefur glímt við erfið meiðsli í hné síðan og ætlaði sér ekki
að snúa aftur fyrr en á næsta ári.
„Get ekki beðið eftir því að komast út á völlinn aftur. Ég
vann heimsmótið 2010 og 2011 og mig langar mikið að lyfta
bikarnum aftur,“ segir Nadal á Facebook-síðu sinni.
Nadal líður greinilega betur í hnénu því hann hafði áður sagst ætla að fara
sér afar rólega og býst ekki við því að vera kominn í almennilegt keppnisform
fyrr en í apríl á næsta ári. „Ég sný aftur þegar ég er heill. Ég ætla ekki að
spila og hafa áhyggjur af hnénu,“ sagði Nadal í síðustu viku. tomas@mbl.is
Nadal snýr aftur í Abu Dhabi
Rafael
Nadal
England
A-deild:
Sunderland – Reading ............................ 3:0
James McClean 3., Steven Fletcher 28.,
Stéphane Sessegnon 90.
 Brynjar Björn Gunnarsson var á vara-
mannabekk Reading.
Staða neðstu liða:
Fulham 16 5 5 6 27:27 20
Newcastle 16 4 5 7 18:23 17
Sunderland 16 3 7 6 17:21 16
Southampton 16 4 3 9 22:32 15
Aston Villa 16 3 6 7 12:23 15
Wigan 16 4 3 9 17:30 15
Reading 16 1 6 9 19:31 9
QPR 16 0 7 9 13:29 7
Deildabikarinn, 8-liða úrslit:
Bradford – Arsenal ................................. 4:3
Garry Thompson 16. - Thomas Vermaelen
87.
 Bradford sigraði 3:2 í vítaspyrnukeppni.
Norwich – Aston Villa............................. 1:4
Steve Morison 19. - Brett Holman 21.,
Andreas Weimann 79., 85., Cristian Ben-
teke 90.
Bikarkeppnin, 2. umferð:
Notts County – Rotherham............. frestað
 Kári Árnason leikur með Rotherham.
Ítalía
Bikarkeppnin, 16-liða úrslit:
Roma – Atalanta....................................... 3:0
Spánn
Bikarkeppnin, 16-liða, fyrri leikur:
Osasuna – Valencia................................... 0:2
KNATTSPYRNA
Þýskaland
Bikarkeppnin, 16-liða úrslit:
Minden – N-Lübbecke......................... 27:26
 Vignir Svavarsson skoraði 2 mörk fyrir
Minden.
HANDBOLTI
NBA-deildin
Philadelphia – Detroit........................ 104:97
Charlotte – Golden State ................... 96:104
Miami – Atlanta .................................. 101:92
Houston – San Antonio .................... 126:134
 Eftir framlengingu.
Dallas – Sacramento .......................... 119:96
Portland – Toronto............................... 92:74
Efstu lið í Austurdeild: New York 15/5,
Miami 14/5, Atlanta 12/6, Chicago 11/8,
Brooklyn 11/8, Philadelphia 12/9, Boston
11/9, Milwaukee 10/9.
Efstu lið í Vesturdeild: San Antonio 18/4,
Oklahoma 17/4, Memphis 14/4, LA Clip-
pers 14/6, Golden State 14/7, Utah 12/10,
Dallas 11/10, Minnesota 9/9.
Áskorendabikar Evrópu
Pyrinto – Norrköping......................... 84:80
 Pavel Ermolinskij skoraði 4 stig, tók 4
fráköst og gaf 3 stoðsendignar fyrir Norr-
köping.
KÖRFUBOLTI
KÖRFUKNATTLEIKUR
Úrvalsdeild kvenna, Dominos-deildin:
Schenkerhöll: Haukar – Grindavík..... 19.15
Dalhús: Fjölnir – Keflavík ................... 19.15
Stykkishólmur: Snæfell – KR ............. 19.15
1. deild karla:
Smárinn: Breiðablik – Haukar................. 18
Hveragerði: Hamar – Valur ................ 19.15
Kórinn: Augnablik – ÍA ....................... 20.30
Í KVÖLD!
MILLIRIÐILL 1
Tékkland – Frakkland ......................... 22:24
Noregur – Svíþjóð ................................ 28:25
Serbía – Danmörk ................................ 29:26
Staðan:
Noregur 4 4 0 0 107:89 8
Serbía 4 2 1 1 106:101 5
Danmörk 4 2 0 2 113:113 4
Frakkland 4 2 0 2 94:97 4
Svíþjóð 4 1 1 2 92:101 3
Tékkland 4 0 0 4 95:106 0
 Noregur í undanúrslit.
Lokaumferðin á morgun:
15.10 Tékkland – Svíþjóð
17.10 Serbía – Frakkland
19.10 Noregur – Danmörk
MILLIRIÐILL 2
Spánn – Rússland................................. 25:25
Þýskaland – Svartfjallaland ................ 27:20
Ungverjaland – Rúmenía .................... 25:19
Staðan:
Svartfjallaland 4 3 0 1 101:100 6
Ungverjaland 4 3 0 1 107:99 6
Rúmenía 4 1 1 2 91:95 3
Spánn 4 1 1 2 105:108 3
Rússland 4 0 3 1 99:102 3
Þýskaland 4 1 1 2 94:93 3
 Svartfjallaland og Ungverjaland í undan-
úrslit.
Lokaumferðin á morgun:
15.15 Spánn – Svartfjallaland
17.15 Þýskaland – Rúmenía
19.15 Ungverjaland – Rússland
EM KVENNA 2012 Í SERBÍU