Morgunblaðið - 12.12.2012, Blaðsíða 4

4 ÍÞRÓTTIR
MORGUNBLAÐIÐ MIÐVIKUDAGUR 12. DESEMBER 2012
Þrír íslenskir sundmenn taka þátt í
heimsmeistaramótinu í sundi í 25
metra laug sem hefst í Istanbúl í
Tyrkalandi í dag en um 1.000 sund-
menn frá 170 löndum taka þátt í
mótinu.
Sundmennirnir sem munu verja
heiður Íslands á mótinu verða þau
Hrafnhildur Lúthersdóttir úr SH,
Orri Freyr Guðmundsson úr SH og
Anton Sveinn McKee úr Ægi. Öll
verða þau í eldlínunni í dag en þá
mun Hrafnhildur taka þátt í 50
metra bringusundi, Anton Sveinn í
100 metra bringusundi og Orri
Freyr í 100 metra flugsundi.
Fjórði Íslendingurinn sem verður
viðloðandi heimsmeistaramótið er
Ólafur Baldursson en hann verður
einn af dómurunum sem munu
starfa á mótinu. gummih@mbl.is
Þrjú með á
HM í sundi
í Tyrklandi
Keppni í deildabikar HSÍ í karla-
flokki hefur verið færð til vegna
leikja íslenska landsliðsins gegn
Túnisum sem fram fara 28. og 29.
desember. Deildabikarinn verður
spilaður helgina 26. og 27. janúar
en vanalega hefur keppnin farið
fram á milli jóla og nýárs. Fjögur
efstu liðin í N1-deildinni taka þátt í
deildabikarnum. Ljóst er að Hauk-
ar og FH taka þátt í honum en slag-
urinn um hin tvö sætin stendur á
milli ÍR, HK og Akureyrar. Það
skýrist eftir umferðina í N1-
deildinni annað kvöld hvaða lið
mætast.
Konurnar halda hins vegar sínu
striki og spila sinn deildabikar á
milli hátíðanna. Fimmtudaginn 27.
desember leikur Valur á móti
Stjörnunni og Fram mætir ÍBV og
fara báðir leikirnir fram í íþrótta-
húsinu við Strandgötu í Hafn-
arfirði. Sigurliðin mætast síðan í
úrslitaleik i Laugardalshöllinni 28.
desember. gummih@mbl.is
Deildabikar
karla seinkað
um mánuð
1974 en hann skoraði sigurmarkið á
móti Hollendingum í úrslitakeppni
HM 1974 og það á heimavelli sínum í
München.
Gerd Müller heitir fullu nafni Ger-
hard Müller. Hann fæddist í Nördl-
ingen í Þýskalandi 3. nóvember
1945. Hann hóf knattspyrnuferil
sinn hjá 1861 Nördlingen árið 1963.
Hann lék eitt tímabil með liðinu áður
en hann gekk í raðir Bayern Münch-
en. Hann lék með Bayern frá 1964 til
1979 en lauk svo ferlinum með liði
Fort Lauderdale Strikers í Banda-
ríkjunum sem hann lék með frá 1979
til 1981.
Tók til starfa hjá Bayern
eftir áfengismeðferð
Müller var útnefndur knatt-
spyrnumaður Evrópu árið 1970 en
það ár skoraði hann 10 mörk fyrir
V-Þýskaland í úrslitakeppni HM.
Lengi vel átti Müller markametið í
úrslitakeppni HM með 14 mörk
samtals en Brasilíumaðurinn Ron-
aldo bætti það þegar hann skoraði
sitt 16. mark í úrslitakeppni HM í
Þýskalandi árið 2006.
Fyrrverandi félagar Müllers með
Bayern München og landsliðinu,
leikmenn á borð við Franz Becken-
bauer, Paul Breitner og Karl-Heinz
Rummenigge, komu Müller í áfeng-
ismeðferð eftir að knattspyrnuferli
hans lauk árið 1981 en framherjinn
frábæri átti við áfengisvandamál að
stríða um skeið. Að henni lokinni
fékk hann starf hjá Bayern Münch-
en sem aðstoðarþjálfari varaliðsins
og hann gegnir ennþá því starfi hjá
félaginu.
Sjö sinnum markakóngur
í Bundesligunni
Müller varð fjórum sinnum þýsk-
ur meistari með Bayern München,
1969, 1972, 1973 og 1974. Hann varð
Evrópumeistari með félaginu í þrí-
gang, 1974, 1975 og 1976, og Evr-
ópumeistari bikarhafa með liðinu ár-
ið 1967. Hann varð sjö sinnum
markakóngur þýsku Bundeslig-
unnar og var útnefndur leikmaður
ársins í Þýskalandi í tvígang, 1967
og 1969.
Þá má geta þess að Müller náði
því einstæða afreki að skora 32
þrennur í þýsku 1. deildinni og þar
er hann með vinninginn á snillinginn
Messi sem hefur á ferli sínum með
Börsungum náð að skora 15 þrennur
í spænsku 1. deildinni.
AFP
Mark Gerd Müller skorar fyrir Vestur-Þjóðverja gegn Austur-Þjóðverjum í
úrslitakeppni HM 1974. Hann gerði fjögur mörk í þeirri keppni.
Eini gallinn við Messi
að hann er ekki í Bayern
 Gerd Müller er glaður yfir því að Lionel Messi skuli hafa bætt markamet sitt
AFP
Þjálfar Gerd Müller starfar enn við
þjálfun hjá Bayern München.
FÓTBOLTI
Guðmundur Hilmarsson
gummih@mbl.is
Þýska goðsögnin Gerd Müller er
ánægður með að Lionel Messi skuli
hafa tekist að bæta met sitt yfir
markfjölda á einu almanaksári en
metið féll á sunnudagskvöldið þegar
Messi skoraði bæði mörk Barcelona
í 2:1-sigri gegn Real Betis.
„Metið mitt, 85 mörk í 60 leikjum
sem stóð frá árinu 1972, var bætt af
besta fótboltamanni í heimi, Lionel
Messi, og ég er afar ánægður fyrir
hans hönd,“ sagði Müller í viðtali við
þýska fjölmiðla en Messi hefur nú
skorað 86 mörk á árinu sem er að
líða.
Müller, sem gerði garðinn frægan
með vesturþýska landsliðinu og
Bayern München, finnst Messi
hreint ótrúlegur leikmaður sem er
ekki bara stórkostlegur fótbolta-
maður heldur viðkunnanlegur og
fágaður atvinnumaður í alla staði.
Vonar að metið
standi næstu 40 árin
„Ég vona að honum takist að
skora eitt eða fleiri mörk í leikjunum
sem eftir eru á árinu og að metið
standi næstu 40 árin,“ sagði Müller
sem bar viðurnefnið „Der Bomber“.
Müller gantaðist með Messi og sagði
hann hafa einn galla: „Hann spilar
ekki með Bayern München.“
Müller var eitraður í vítateig and-
stæðinganna en hans stjarna skein
skærast á árunum 1964 til 1979.
Müller er 67 ára gamall og sá leik-
maður sem hefur skorað flest mörk í
þýsku Bundesligunni. Hann skoraði
365 mörk í 427 leikjum. Þá á Müller
markametið í landsliðinu en hann
skoraði 68 mörk fyrir Vestur-
Þjóðverja í 62 landsleikjum. Næstur
kemur Miroslav Klose með 67 mörk.
Müller lék sinn síðasta landsleik árið
Tómas Þór Þórðarson
tomas@mbl.is
Markahrókurinn Aron Jóhannsson
sem farið hefur á kostum með
AGF frá Árósum í dönsku úrvals-
deildinni í fótbolta var valinn í úr-
valslið fyrri hluta mótsins af
danska blaðinu Ekstra bladet.
Það þarf ekki að koma neinum á
óvart enda er Aron markahæstur í
deildinni með 14 mörk ásamt ung-
stirninu Andreasi Cornelius, fram-
herja toppliðs FC Köbenhavn.
Ragnar Sigurðsson, miðvörður
FCK, var ekki valinn í úrvalsliðið
þrátt fyrir að hafa spilað mjög vel
en félagi hans í hjarta varn-
arinnar, Kris Stadsgaard, var
verðlaunaður fyrir sína frammi-
stöðu.
Met og stöðugleiki
Aron hefur verið sjóðheitur með
AGF á tímabilinu en hann setti
meðal annars met þegar hann
skoraði fljótustu þrennu í sögu
deildarinnar. Það tók Aron ekki
nema 3 mínútur og 50 sekúndur að
skora þrjú mörk í leik gegn Hor-
sens fyrr á tímabilinu.
Aron hefur einnig verið stöð-
ugur í sinni markaskorun og hjálp-
að Árósa-liðinu
mikið með sínum
mörkum. Þegar
hann meiddist og
var frá í nokkrar
vikur fór liðinu
að ganga verr en
það er í sjötta
sæti úrvalsdeild-
arinnar dönsku
nú þegar komið
er vetrarfrí.
Danir hafa það einstaka kerfi að
vetrarfríið er lengra en fríið á milli
tímabila og hefst deildakeppnin
ekki aftur fyrr en í mars.
Áhugi annars staðar frá
Þrátt fyrir velgengnina hefur
Aron ekki enn leikið fyrir íslenska
landsliðið en hann var í fyrsta
skipti valinn í hópinn fyrir leikina
gegn Sviss og Albaníu. Hann þurfti
að draga sig úr hópnum vegna
meiðsla.
Danskir miðlar greindu frá því
fyrr í vetur að hollensku félögin
Vitesse, Heerenveen og AZ væru
öll að fylgjast með Aroni en AGF
getur ekki bókað að hann verði í
herbúðum liðsins þegar deildin
hefst aftur í mars. Áhugi er fyrir
hendi.
Fjórtán mörk og
sæti í úrvalsliðinu
 Aron Jóhannsson fer kátur í fríið
Aron
Jóhannsson