Morgunblaðið - 21.03.2013, Síða 8

MORGUNBLAÐIÐ FIMMTUDAGUR 21. MARS 2013
8 VIÐSKIPTI
Bráðum verða liðin tvö ár síðan David Ant-
hony Noble opnaði á Laugavegi veitingastað-
inn Litla bóndabæinn. Staðurinn hefur vakið
töluverða lukku bæði meðal heimamanna og
ferðamanna en David leggur mikið upp úr að
elda úr hreinu hráefni gómsæta rétti sem gest-
ir geta auðveldlega kippt með sér ef þeir vilja.
Þeir sem leggja leið sína til Davids ættu líka
að taka eftir breskum áhrifum á matseðlinum
en eigandi staðarins ólst upp í bænum Higham
í Kent. „Ég var mjög áhugasamur um íslenska
tungu og hélt af stað í nám við University Col-
lege London. Ég var ekki langt kominn í nám-
inu þegar það rann upp fyrir mér að ég vildi í
raun mest af öllu búa á Íslandi. Þar ætlaði ég
að halda náminu áfram en á endanum varð lítið
úr því að ég settist á skólabekk,“ útskýrir Dav-
id.
Þetta var árið 2007 og segir David frá
hvernig hann átti auðvelt með að fá vinnu í
góðærinu. Hann hóf störf sem uppvaskari á
veitingastað og færðist bæði á milli veit-
ingastaða og kaffihúsa um leið og hann færðist
smám saman upp í starfi. Einhvers staðar á
leiðinni kynntist David íslenskum eiginmanni
sínum, Pálmari Þóri Hlöðverssyni kaffibar-
þjóni, sem David segir að hjálpi til við að
tryggja að enginn verði svikinn af lífræna
kaffinu sem boðið er upp á hjá Litla bónda-
bænum.
Það var svo í kjölfar bankahrunsins að tæki-
færi bauðst til að leigja á Laugavegi 41. „Það
tók tímann sinn að koma húsinu í rétt horf því
hér hafði áður verið verslun. Það tók drjúgan
tíma að fá öll tilskilin leyfi og úttektir að
ógleymdri vinnunni við innréttingar og frá-
gang. Við opnuðum í apríl 2011 eftir nokkuð
langa fæðingu,“ segir David og gantast með að
hafa sennilega aldrei vaskað meira upp en
núna þegar hann á sinn eigin veitingastað.
Ekki fer milli mála þegar David lýsir staðn-
um að mikil alúð og metnaður er lagður í stað-
inn. „Ég hef sérstaklega mikla ástríðu fyrir
vönduðum landbúnaðarvörum og stend mig að
því að sakna helst frá Kent alls kyns góðgætis
sem bændurnir þar framleiða. Þessi áhugi sést
í matarvalinu hjá Litla bóndabænum en hér
leggjum við okkur fram við að kaupa helst
beint frá býli og hampa mörgum af þeim af-
bragðsgóðu matvælum sem íslenskir bændur
búa til – og gefa þeim bresku ekkert eftir.“
ai@mbl.is
Svipmynd David Anthony Noble
Byrjaði á að vaska
upp í góðærinu
Morgunblaðið/Rósa Braga
Streð „Það tók drjúgan tíma að fá öll tilskilin leyfi og úttektir að ógleymdri vinnunni við inn-
réttingar og frágang. Við opnuðum í apríl 2011 eftir nokkuð langa fæðingu,“ segur David.
Neytendum er
ekki sama hvern-
ig vara verður til.
Uppruni og hver
framleiddi hana
skiptir máli, svo
og heilnæmi.
Sumir spyrja úr
hverju varan er,
hvort hún er líf-
ræn, hvort gengið
hafi verið á gæði
náttúrunnar við framleiðslu hennar
og hverjar séu aðstæður starfsfólks.
Rekjanleiki og sjálfbærni eru nefnd í
sömu andránni.
Að hluta til snýst þetta um upp-
lifun og að hluta öryggi. Fyrir það
eru sumir neytendur tilbúnir að
greiða hærra verð.
Með nýjustu tækni aflar neytand-
inn sér þekkingar um vörur beint í
smartsímann. Þar með skapast ný
tækifæri við að tengja saman til-
tekna vöru og sérstakar þarfir við-
skiptavina. Virðiskeðjan verður
styttri í raun, tækifæri gefast fyrir
fyrirtæki til að vera nær mark-
aðnum og fækka þar með milliliðum.
Verkfærin sem fyrirtæki í far-
arbroddi nýta til að byggja upp
innra verklag nýsköpunar, tryggja
eiginleika vöru og miðla til neytenda
eru m.a. vottuð umhverfismerki s.s.
Norræni svanurinn, Evrópublómið,
MSC og KRAV, Fairtrade, auk
staðla um umhverfis- og gæða-
stjórnun, samfélagsábyrgð og yfirlit
um kolefnisspor eða vistspor. Þau
sem skara framúr hafa tileinkað sér
þessi tæki, skilja orðfærið og eru
hluti af lausninni.
Lykillinn er nýskapandi hugsun
þar sem sérstaðan er skilgreind og
sett í samhengi með þeim verkfær-
um sem neytandinn þekkir. Hér á
landi höfum við það sem til þarf; úr-
vals hráefni, hreint vatn, staðaranda
og fyrirtæki sem fylgja lögum um
vinnuvernd. Reynslan hefur sýnt að
með því að nýta verkfærin og miðla
þessum eiginleikum um hágæða
vöru, má skila meiri hagnaði.
________________________
Höfundur er
framkvæmdastjóri Alta
Pistill frá Stjórnvísi
Tækifæri
á breyttum
tímum
Halldóra
Hreggviðsdóttir
www. stjornvisi.is
Ágúst Hrafnkelsson fékk í síðustu
viku heiðursverðlaun Félags um innri
endurskoðun, en 10 ár eru frá því fé-
lagið var stofnað. Afmælishátíðin var
haldin að loknum innri endurskoð-
unardeginum.
Félagsmenn í félaginu eru um 100
talsins. Félagið hefur lagt sig fram við
að byggja upp tengsl við atvinnulífið,
ráðuneyti og stofnanir sem hafa með
málefni innri endurskoðunar að gera.
Félag um innri endurskoðun er aðili
að alþjóðasamtökum innri endurskoð-
enda (IIA), Evrópusamtökum
(ECIIA) auk þátttöku í undirbúnings-
hópi um stofnun norræns samstarfs.
„Þegar við lítum yfir farinn veg er-
um við stolt af okkar störfum und-
anfarin tíu ár en jafnframt horfum við
fram á við og erum tilbúin til að takast
á við það framtíðarverkefni að byggja
áfram upp faggrein innri endurskoð-
unar á Íslandi,“ segir Anna Margrét
Jóhannesdóttir, formaður Félags um
innri endurskoðun, í fréttabréfi félags-
ins.
Heiðursverðlaun
Félags um innri
endurskoðun
Morgunblaðið/Styrmir Kári
Heiðraður Ágúst Hrafnkelsson ásamt stjórn félagsins. Frá vinstri: Sif Ein-
arsdóttir, Albert Ólafsson, Anna Margrét Jóhannesdóttir, Ágúst Hrafnkels-
son og Nanna Huld Aradóttir.
Sérstakur saksóknari hefur gefið út
ákærur vegna rannsókna sem tengj-
ast starfsemi Kaupþings.
Þar á meðal eru ákærur á hendur
þremur núverandi starfsmönnum
Arion banka vegna starfa þeirra fyr-
ir Kaupþing á sínum tíma. Þar á
meðal er framkvæmdastjóri fyr-
irtækjasviðs bankans, Björk Þór-
arinsdóttir.
Í tilkynningu frá Arion banka seg-
ir að starfsmennirnir þrír hafi allir
farið í leyfi frá störfum sínum fyrir
bankann.
Þrír í leyfi
frá Arion
banka
Stangveiði í ám og vötnum á Íslandi
veltir um 20 milljörðum á ári. Hún er
því mikilvæg atvinnugrein og nýting
veiðihlunninda er ein af stærstu bú-
greinum landsins, segir forstjóri
Veiðimálastofnunar, Sigurður Guð-
jónsson í grein í ársskýrslu stofn-
unarinnar sem kom út í gær.
Um þriðjungur þjóðarinnar
stundar að sögn Sigurðar stangveiði
sem sýnir að um mjög vinsæla tóm-
stundaiðju er að ræða. „Sá árangur
sem náðst hefur í veiðinýtingu, arð-
semi veiða og stöðu fiskistofna hér á
landi hefur vakið athygli á al-
þjóðavettvangi,“ segir Sigurður.
Stangveiði velt-
ir 20 milljörðum